Viewport width =
July 24, 2006 | by  | in Opinion |
Share on FacebookShare on Google+Pin on PinterestTweet about this on Twitter

El Tumauki

HE MIHI maioha tenei ki a koutou katoa. Kua timata ngā whakangāhau mō te wiki o Te Reo Māori. Hei whakanui i tēnei wiki whakahirahira ka tū a Ngai Tauira i te “Whakataetae Pātaitai mō Te Wiki o Te Reo” me te “Tautohetohe” i waenganui i ngā pūkenga me ngā tauira. Nau mai, haere mai ki te whakarongo ki ēnei tautohetohe i roto i Te Reo Māori. Kei te āta whakarite a Ngai Tauira me Weltec mō te hui e kīia nei ko Te Huinga (National Māori Tertiary Students Conference). Ka tū taua hui ki te Whare Wānanga o Te Ūpoko o te Ika a Māui ā te Hereturikōkā. I roto i te ao tōrangapū i puta mai te ripoata a te UN Special Rapporteur, te Kōwhiringa Māori mō te pōti, te ‘Principles of the Treaty of Waitangi Deletion Bill’, me ngā mahi mō te Hīkoi ki te Whare Pāremata kia whakahoki i te Manaaki Tauira me te kaupapa nei te ‘Student Debt’.

Kātahi anō kua hoki mai ngā kōrero o Ngai Tauira ki ngā whārangi o Salient. Kua whakakahangia ngā hononga tawhito o Ngai Tauira, ā, kua puta mai ētehi hononga hou i waenganui i a Ngai Tauira me te Victoria Broadcasting Club me te reo irirangi o Te Ūpoko o te Ika. I ngā wiki e heke mai nei ka timata te whakapāho o Ngai Tauira (pānuitia te tuhinga “Ngai Tauira on Air”). He ara pai tēnei mā o mātou tauira e ako ana i ngā akoranga pāho hei tipu haere i tō rātou mātauranga.

Kei te mahi tonu a Ngai Tauira ki te whiwhi i te tūranga o te “Incorporated Society” ēngari kua tino uaua tēnei mahi i tēnei tau. I tū te SGM i te marama o Haratua, hēoi, i tae mai 15 ngā tauira anake. Ko te tumanako ka taea e te kaiwhakahaere hou o Ngai Tauira ki te mau tonu te mahi nei kia tū tētehi SGM ano i mua i te mutunga o tēnei tau. Ka tū ngā pōti mō te kaiwhakahaere hou o Ngai Tauira ā te wiki e heke mai nei, ā, i tēnei wā kua puta mai ko wai kei te tū mō ēnei tūranga. He tari hou, he kaiwhakahaere hou – ka mau te wehi! He tino mīharo ki ahau āku mahi Tumuaki me te mahi o te kaiwhakahaere i te tau kua pāhure ake nei. Kei te tino hiahia au ki te kite i te kaiwhakahaere hou me o rātou wawata mō ngā tauira Māori.

Hei aha aku kōrero tautoko ki te Tumuaki hou? Hīkoi te kōrero!

Kei te pirangi ahau ki te tuku mihi atu ki te kaiwhakahaere o Ngai Tauira mō rātou mahi i tēnei tau. Ki a Tu Temara, Rangimiria Ihakara, Michelle Bartlett, Matt Gifford, Joanne Chell, Ren Simmiss, Christine Rapana, Renae Te Ringa Wetere rātou ko Jasmine Bell-Simpson. Me tuku mihi hoki ki a Te Aira Nyman rāua ko LeRoy Crawford mō ta rāua pukumahi mō ngā tauira hoki. Nō reira koutou, “I thank you once, I thank you twice, I thank you thrice!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Second test
  2. test test
  3. Recipes from the Suffrage Cookbook
  4. Beneath Skin and Bone
  5. No Common Ground
  6. Chris Dave and the Drumhedz
  7. Good Girls
  8. Winter Warmers: Home Alone
  9. Winter Warmers: About Time
  10. Sex at Dawn
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided