Viewport width =
July 24, 2006 | by  | in Features |
Share on FacebookShare on Google+Pin on PinterestTweet about this on Twitter

Te Hokinga Ki Te Māhia

I NGĀ hararei kua pahure nei, i haere ahau me te whānau o Wana Tū Te Wana ki Te Māhia. Harikoa katoa mātou ki te haere ki Te Māhia. I mua i te whakatauria ki Te Māhia i haere mātou ki te Reo Irirangi o Heretaunga. I waiata mātou ko ētahi tauira arā ko Eugene mā i runga i te Reo Irirangi, ā i kōrero atu a Rewarewa rāua ko Matua Mihaere ki te kaikawe mō ta mātou hokinga ki Te Māhia. Nō te 7:30 i te pō i tae atu at ki te marae o Tuahuru i Te Māhia. I muri o te whakaeke i inu kapu tii mātou ā ka whakarite o mātou moenga. Ko te ingoa o te whare tipuna arā ko Hineterongo. I te wā e moe ana i roto i te kōpu o Hineterongo mahana katoa mātou.

KA TAE ki te rā tuatahi. Ka haere ki te tātahi o Te Māhia, Aue taukiri e! Te maha hoki o te rāpihi i whakarērea e ngā tūrihi ki te oneone! I muri atu, i hoki tātou ki te marae ki te parakitihi i ngā waiata mō te pō whakangāhau, ka haumarie mātou, nātemea ka haere mai a whaea Grace ki te whakaako te waiata Kōtiro Māori e. He waiata rongonui tēnei mō Rongomaiwahine rāua ko Kahungunu.

Ka tae ki te rā tuarua. I oho moata mātou ki te whakareri mō te rā nui. I tēnei rā i haere mātou ki te kura o Te Māhia ki te whakareri i tētahi rā whakataa mō ngā tamariki. I hoatuna e Wana Tū Te Wana te maha o ngā rauemi ki ngā tamariki mō te kore noaiho, engari mō te aroha kē. I muri atu i ngā kēmu whutupōro ka haere mātou ki te puna waiwera o Mōrere. I reira mātou e whakangā ana i roto i ngā waipupu.

I TE rā tuatoru. I haere mātou ki Tūranga-Nui-a-Kiwa ki te Reo Irirangi o Tūranga. Ko a mātou kaikōrero arā ko Tāne rāua ko Ōriwia. I kōrero rāua mō tā mātou harenga, i muri i waiata anō mātou. Ka haere mātou ki te kai tina, i muri atu ka hīkoi mātou ki te tāone hei hoatu i ngā rauemi mai te Whare Wānanga o Te Upoko o Te Ika a Māui ki te iwi o Tūranga. Ka pau te hau!

KA TAE ki te rā tuawhā. I haere ētahi o ngā tāngata hī ika ki te hopu mango, ētahi tino nui, ētahi ahua iti engari i te haere mai ētahi o ngā tāngata o Wana Tū Te Wana ki te hopu pikitia o ēnei mango ko tēnei toku wa tuatahi i kite ai ahau i tētahi mango. I whakapaipai ētahi tāngata i ēnei ika mō te kai tina, engari na te ahua o te wheke i mataku ahau. I kii a koro Bill ki a Ōriwia, ‘e hine kia tupato, kei ngaua koe e te wheke!

KA TAE ki te rā tuarima. I oho mātou ki tetahi rā tino ataahua, ka piki mātou ki runga o te maunga o Moumoukai. He piiki maunga tēnei, i ngā rā o mua he wāhi whakaruru tēnei mō ngā iwi o Rakaipaaka. Ka hēmanawa mātou i te omanga ki te tihi o te maunga. Ka haere mātou ki Nukutaurua. E ai ki a koro Bill, ko Nukutaurua te ingoa tuuturu o Te Mahia. I korero anō a koro Bill ki a mātou e pā ana ki te hītori o taua wāhi me te kōrero anō o Kahungunu rāua ko Rongomaiwahine. Ataahua ēnei wāhi katoa kāre he wāhi anō pēra ki tēnei.

A ka tae ki te rā whakamutunga o tēnei haerenga. I whakapai te whānau Wana Tū Te Wana i ngā papa katoa o te marae o Tuahuru. Ināianei ka tae te wā ki te mihimihi ki ngā tāngata hau kāinga o Te Māhia. Ahua tōroa tēnei mahi nā te mea te maha hoki o ngā tāngata e mihimihi ana. A i karakia mātou ka hoki mai ki Poneke.

Na, kei te tino hari koa ahau nātemea, ka tūtaki ahau ētahi tauira mai te Whare Wānanga me ngā tauira mai tāwāhi, me te hau kainga o Te Māhia hoki. Ki ahau, ko te mea nui o te haerenga arā, te kōrero a koro Bill mā, he hōnore hoki ki te whakarongo ki a rātou kōrero mō Te Māhia. Na, ka nui te mihi atu ki a rātou mā. Ae, kei te mōhio ahau ināianei, he aha he Mahitian!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Losing Metiria
  2. Blind Spot
  3. Aspie on Campus
  4. Issue 17
  5. Australian Sexual Assault Report Released
  6. The Swimmer
  7. European Students Association Re-emerges
  8. Can of Worms!
  9. A Monster Calls — J. A. Bayona
  10. Snapchat is a Girl’s Best Friend and Other Shit Chat
LOCKED-OUT

Editor's Pick

Locked Out

: - SPONSORED - The first prisons in New Zealand were established in the 1840s, and there are now 18 prisons nationwide.¹ According to the Department of Corrections, the prison population was 10,035 in March — of which, 50.9% are Māori, 32.0% are Pākehā, 11.0% are Pasifika, a