Viewport width =
July 24, 2006 | by  | in Features |
Share on FacebookShare on Google+Pin on PinterestTweet about this on Twitter

Te Mura O Te Ahi

KUA TORU tekau mā ono tau te rōpū o Tuhoe Ki Poneke/ Tū Te Maungaroa e tū ana. I whakaarahia te rōpū nei i te tau 1969 hei whakarauika i a Tuhoe e noho manene nei i te Whanganui-ā-Tara. Na tēnei rōpū me te Tira Hou i whakatō te whakaaro ki ngā kaiārahi o Tuhoe kia kimihia tētahi tikanga e hui katoa ai a Tuhoe i roto anō i tōna rohe ki te whakaatu i ngā mahi whakatūtū waewae i runga anō i tā Tuhoe tū, ka whānau mai ko te Hui Ahurei a Tuhoe e whakataetaetia nei ia rua tau i ngā rā o te Aranga.

I tēnei tau i tū ngā whakataetae kapa haka ā rohe o te Whanganui-ā-Tara i te rua tekau mā whā o ngā rā o Hune. I tēnei tau kua taka mai ki a mātou o te rēanga hou ki te kawe, ki te kōkiri i ngā kupu taurangi a te pakiwaru. Na rātou mātou i poipoi, i whakangungua ki ngā mahi takatakapūtea a Rēhia. Kua mimiti hāere te puna mātauranga, arā, a Tio Takuta, a Whitu Waiariki, o mātou koroua i noho mai ki o mātou taha. Na rāua i kawe te āhua ki te taha tikanga i maunu ai mātou ki te wai, ki te whakahoki i ngā takutaku me te kororia ki Atua. Ahakoa kua ngū te waha i whāngaia ai ki te kai māro o nehe, i mahue mai ko mātou ki te hapai i ngā tikanga i whakarērea mai e rāua, a, kei te tutuki tonu i tenei rā tonu.

Tae noa ki ngā pakihiwi kaha o te rōpū, arā, a Patariki (Grumpy) me Eric (Da Boss) ngā manu karapīpiti o aitua. Ko rāua ngā ringa raupa o te rōpū, a, I māoa ai ngā kohua kai, māoa ai ngā parāoa koroua, ka mutu i eke ai te whakatauki, “ki te tika a muri ka tika a mua.” Hāuna ngā mahi o muri i noho anō rāua ki te āta whakatikatika i a mātou o te rōpū, ki te karawhiu rānei i ngā taringa mena rā ka hapa te hāere o ngā ringaringa, ki te hē rānei te whakahua i ngā kupu. Na ēnei tokorua i kī ai te puku, i mahea ai ngā whakaaro, a, i noho pūmau ai mātou ki te noho hāngai i runga i ngā mahi kapa haka.

Koinei ngā pitopito kōrero i puta i te pō i mua o ngā whakataetae kapa haka. He hokinga mahara ki a rātou mā, ka mutu, ki a Manny, ki a Whata, ki a John rātou mā e kuikatia nei e te ngākau kua riro tītapu ki tua o Te Wharau, te hunga i tautoko, i awhi i te rōpū. Arā noa atu whānui o ngā korero e iri ana i ngā pakitara o Te Kākano te marae i manaaki mai i a mātou i pō i mua o ngā whakataetae. I rongo mātou i o rātou wairua, a, i eke ai te iho matua o Tuhoe, “ko au ko matemate-a-one, ko matemate-aone ko au.”

Oho ake mātou i te rāhoroi (te ra o ngā whakataetae) i tau te kōrero kia tere ta mātou whakareri kia moata ai te hāere ki te pa o te riri, ina ra he mea nui kia Tū Te Maungaroa ki te tautoko i ngā rōpū e tatū ana ki te papa whakataetae. Haruru ana te atāmira i ngā rōpū kapa haka huri noa i te Whanganui-a-Tara. Ka tae mātou ki te mura o te ahi ki te whakamātau, oti ra, ki te tuku i ngā werawera, i ngā roimata, i ngā mamae, i ngā moemoea. Aha koa to mātou iti (30 noa iho mātou ngā kaihaka) I aro tahi, i tuku tahi, i Manawa tīna te hāere o ngā mahi i riro ai i a mātou te hōnore tuatahi. Ka riro ma Tū Te Maungaroa, Ngāti Poneke me Nga Tāonga Mai Tawhiti ki te kawe i te rakau matarua o te Whanganui-a-Tara ki ngā Nahinara i te Matatini.

Share on FacebookShare on Google+Pin on PinterestTweet about this on Twitter

About the Author ()

Comments (5)

Trackback URL / Comments RSS Feed

  1. Tuhoe1 says:

    Mean korero about the number 1 Poneke roopu TUHOE KI PONEKE. Tuhoe strong He Kotahi na Tuhoe e kata te Po yah yah yah

  2. Tane says:

    Kaore te kumara e korero mo tona ake reka

  3. Aiotanga says:

    Ae raa, kua rongona te ihi me te wehi i whakaruanuku te ataamira inaa te waa kua takahi ngaa waewae o Tu Te Moungaroa. Ae, kua wini raatou i te whakataetae a rohe, engari i peehea te whakataetae a motu?

  4. Aiotanga says:

    Ae raa, kua rongona te ihi me te wehi i tanuku ai te ataamira inaa te waa kua takahi ngaa waewae o Tu Te Moungaroa. Ae, kua wini raatou i te whakataetae a rohe, engari i peehea te whakataetae a motu?

  5. te blah blah says:

    matemateaone e hoa, ka pai te kite te panuhia i na korero e te parata, ka rawe hoki. pai hoki te rongo i na ingoa kua mahue nei ia tatou kia kore ra e wareware. heoi ahea te powhakangahau maroke haere ana te korokoro e hoa TUTEMAUNGAROA doitz!!!!!!!!!!!!!!!!!

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge