Viewport width =
July 24, 2006 | by  | in Features |
Share on FacebookShare on Google+Pin on PinterestTweet about this on Twitter

Te Wiki O Te Reo Maori

HE REO ahurei Te Reo Māori ki Aotearoa, inā noa kua kitea ki roto i nga rangahau, ko ngā waiaro me nga whakapono mo te reo Māori kua huri, a, kua nui te tautoko atu i te reo ki roto i te hāpori whanui. Ko te wero inaianei he akiaki i te marea kia korerotia te reo ki nga wāhi penei i ngā wāhi mahi, ngā wāhi hokohoko, ngā wāhi tākaro hākinakina, ki roto hoki i nga wāhi whānui.

Ruru taku rama, ruru na wai, ka ruru ki hea,
ka ruru ki te takapou whāriki rauhoto tapairu,
Titohea te keho, te maunga whakarongo hau
Kapuni te tii, Kapuni te taa
Kapuni te maatatoru ki te paenui o Rēhua
He raukura no te Manuao,
he kawai heke i te raukura
I a Ruatea, i a Apa-a-Ruatea, i a Apahapaitaketake, Ngati Apa
He marama taku Ratana!
He whetu taku Ratana!
He Mōrehu ka tau!
Hutia! Ka rea! Hutia! E kō kō ia e ara e!

NGA TOHENGA MO TE WIKI O TE REO MAORI

  • Te whakahau i a tauiwi o Aotearoa ki te kōrero Māori
  • Akiaki i te hunga mātatau ana ki te reo Māori ki te tautoko I ngā tāngata kei te ako i te reo
  • Akiaki i te hāpori, ngā ūmanga, kāwanatanga me te hunga pāpaoho ki te tautoko i te kaupapa
  • Hanga i tētahi takiwa kaha kia kōrero ai i te reo Māori
  • Whakarangatira i ngā kaupapa me ngā hui Reo Māori
  • Takoha atu ki ngā rautaki reo Māori o te motu whānui.

Kua whaiwāhi tātou kit e whakanui i Te Wiki o Te Reo Māori mai i te tau 1975, a ka meinga tonu hei wiki whakahirahira ki te whakarangatira i te Reo Maori ki nga iwi huhua o te motu!

No reira e nga ihoiho o nga maunga whakahi me nanaiore atu tātou ki te hāpai I te rākau kōrero hei whakatutuki i nga tohenga kua iria ki enei korero.

Ko Huirangi Waikerepuru me nga Kaiwhakapumau i te Reo Whakamana i te Reo ngā tohunga i kawe ake i te Kereme Reo Māori WAI 11 ki te Taraipiunara o Waitangi. Na rātou i rapu i te kiko o tēnei kupu (taonga) i raro i te upoko tuarua o Te Tiriti o Waitangi, a, i wero i te kāwanatanga kia whakaki rātou i tēnei upoko, ma te kite atu i te reo e kōrero ana ki ngā kura ka ea. Inaianei ko te Reo Maori he reo matua o tenei motu. Kua pitahitahi hāere e rātou mā, ngā tohunga o te ao Maori i nga whakawhiu ki te taha kia noho tāwhao kore te huarahi, kia rewa mai te reo Maori hei reo matua ki Aotearoa! Koia te reo tuturu o tēnei motu, te reo i takohatia ki a tātou ngā tangata whenua, arā ko te Maori. Ko te reo he waka kawe i nga hiahia, ngā wawata, ngā pakiwaitara, ngā waiata, nga mōteatea, nga tikanga, te hītori, ngā kōrero o mua tae atu ki te whakamārama i ngā mahi o ēnei rā. Whakanuia te reo, ia rā o te tau. Whakarangatira i ēnei tohunga kua taki nei i ēnei mahi whakaora i to tōtou reo, whakarangatira i o tupuna, i to Māoritanga, ma te kōrero i te reo, ma te kōrero ka ora!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge