Viewport width =
July 24, 2006 | by  | in Features |
Share on FacebookShare on Google+Pin on PinterestTweet about this on Twitter

Toi Maori: Interview with Tamahou Temara.

Nā Michelle Bartlett rāua ko Te Aira Nyman. (Nā Tu Temara raua ko Hinehopu Mitai i whakatika)

TE MOEMOEA O TOI MĀORI

Ko te pupu ake o ngā pūmanawa auaha o te iwi Māori puta noa ki te ao.

TE WHAKATO

He whakahuihui, he hāpai, he manaaki i te hunga e whai ana i ngā mahi auaha, kia ora tonu hei taonga mō ngā uri whakatipu I waihangatia a Toi Māori hei whakaemi i ngā kaiwhakairo kia whakatairangitia te tipu mai o ngā mahi toi. He āhuatanga tēnei e tautoko ana e Creative New Zealand mā roto mai i a Waka Toi, Māori Arts Board, ā, me ngā kaiwhakairo i hao mai, puta noa i te motu.

Ko ngā tāngata i roto i te poari whakahāere, ko ngā Kaitiaki i tohua e ngā komiti kia hāere ai ki ngā hui take whakamana. Ko te kaiwhakahāere me ngā māngai o ngā Komiti tuangahuru o Toi Māori e whakapūmau ana i ngā āhuatanga o ngā mahi. Ia tau ka whakaritea e Toi Māori ngā hui whakahirahira, me ngā āhuatanga katoa e pā ana ki ngā mahi toi.

Ko tētahi wāhanga e whaiwāhi ana a Toi Māori ki te whakarite ko te whakawhiti atu o ngā kaiwhakairo ki tāwāhi ki te noho i te taha o ngā tangata whenua i tō rātou whenua tūturu.

Ka whai wāhi ano a Toi Māori ki te whakapuaki whakaaro mo te taha ki ngā mahi toi i rauikatia e Toi Māori, kia mārama ai te tangata ngākau iuiu.

Kua whakaritea ngā tirohanga me ngā taonga mai i te ao tawhito ki te horopaki o te ao hou. Nō te hekenga mai i ngā moutere ki te mawehetanga o Aotearoa i tupu ake te āhua o te toi Māori ki āhutanga e kitea ana i ēnei rā.

Kua roa nei tātou e maioha atu ki ngā mahi toi Māori, ēngari hei tā te kōrero, he pai ake te whakamahi i ngā taonga kia kore ai e ngaro. Koira te whakatīnanatanga i te iwi Māori.

Ko te huarahi kei te whāia, he hua mō te toi Māori ko te urunga ki ngā marae hokohoko i tāwāhi, hei tauira ko te waka Māori e whakamīharo ana i te hunga i San Francisco.

Kei te āta mātaki ngā kai toi Māori i a rātou ki te kite mēnā he raru a rātou mō te mau tonu ki ngā tikanga Māori.

Kei te hiahia a Toi Māori ki te whakatū tētahi take pakiaka, nā ka āhei ngā pukenga o te mahi toi haere tonu ai i muri i te whiwhinga o ō rātou tohu kia whakamōhio atu ki te iwi whānui, ki te ao me kii. Ko ētahi o ngā mema e awhinatia ana ki te timatangia i ngā kaupapa i ā rātou ake rohe. Kua aro a Toi Māori ki ētahi kaupapa tino hira mō ngā mahi toi me ngā pukenga toi arā ko ngā raihana, ko ngā kaupapa pupuri taonga me te mana tarua. Hei tauira, ko te haka e mōhiotia nei, ko te kapa-o-pango. Nā Derek Lladeli i tito. Kei ngā rōpū whakahaere e rua (ko Toi Māori me te All Black Rugby Union) me te kaitito te rangatiratanga o tēnei haka.

ANY WORDS OF WISDOM FOR OUR RANGATAHI?

Whāia te karamatamata ki tōna tiketiketanga.

HE AHA ŌU WHAKAARO MŌ TE HAKA I PUTAINA MAI I TE POUAKA WHAKAATA (NGĀ WĀHINE NŌ ITARI, TE HAKA ME NGĀ PĒKE ME TE HAKA O AHITIREIRIA)?

Ko te whakangungu i te mahi toi mai i ngā pānui hokohoko, pērā ki te kapa whutuporo, ā, ngā pango katoa, me te pānui hoki mo te motuka Fiat i te whenua o Itari.

E kii ana te kōrero nō Aotearoa nei, he whakaaro pōhēhē tā rātou. Ehara i te mea pai mō ngā wāhine kia tū ki te hakaina te haka. Me whakapūmau tātou katoa i ngā tikanga kia ō tātou nei taonga.

Mā te ū o ngā mahi Toi Māori ki runga i te kare o te wā… Ka mau tonu ōna whakāturanga.
To keep our Māori Arts above the crest of time… Will ensure a continuation of their showcasing.

Mā te mahi tahi ō ngā tāne me ngā wāhine i ngā kaupapa whakaruru, Ka ora pea ngā whakatipuranga.
Men and Women working together on safety issues, Could ensure the survival of the next generation.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge