Viewport width =
July 23, 2007 | by  | in Features |
Share on FacebookShare on Google+Pin on PinterestTweet about this on Twitter

Te kokona o Levi

Te Tira Whakaau

E ngaa mana, e ngaa reo, e ngaa karanga maha o te ao, teenaa koutou katoa.

He uri tenei o Ngai Tuhoe me Ngati Maniapoto, a, he korero hoki tenei e pa ana ki taku haerenga ki nga whakataetae Kapa Haka a rohe o te Wairarapa.

I te Raatu 26 o Pipiri i haere ahau me taaku roopuu kapa a Te Tira Whakaau ki roto i ngaa Whakataetae Kapa Haka o nga Kura Tuarua o Wairarapa. Kei Wairarapa e whakatuu ana tenei whakataetae tino whakahirahira i tenei tau.

I oho moata mai matau i te ata o te Raatu ki te whakareri i a maatou anoo. I tae mai te roopuu katoa ki te kura Matua o Wainuiomata i te iwa karaka i te ata moo te karakia. Ki a ngawari noa te haere o te kapa i runga i tona ake huarahi, a, ki a pai hoki ta matau haerenga ki Wairarapa koinei I karakia ai to matau na ropu. I whakawaatea maatou mai i a Wainuiomata maa runga i te pahi i te tekau maa tahi karaka ki a haere ngatahi ai te ropu ki te mura o te ahi ki roto o te Wairarapa.

E koorero ana te mooteatea nei mo ngaa rohe o te Wairarapa. Aa, ko Te Ati awa, ko Ngaati Ira, Kahungunu me Tautoki. Kei te whakamaarama te mooteatea nei mo ta maatou na tuuranga ki roto i a Wairarapa, aa, ko Te Ati Awa kee. E koorero ana te mooteatea nei mo ngaa koorero tawhito a too maatou matua tipuna i tae mai ki Wairarapa i ngaa waa o mua. Naa ko te poi. He tino whakahirahira te poi nei. I te timatanga o te poi ka whakawhiu ngaa tamatane i te poi. Te whakatenatena hoki a eenei tama ki eenei kootiro tino purotu, tino ataahua! Te piupiu haere o nga poi, o nga hope e nga tane, e kare! Ano nei he Tirairaka!. Ka timata ngaa waahine ki te whakawhiu taa raatou poi, aa ka whakaatuu raatou ko wai ngaa tino kuini o te poi. Ko te tino tikanga o te poi whakahirahira nei ki a whakahemahema ngaa tamatane ki ngaa waahine, a, maa ngaa waahine e whakahemahema ki ngaa tamatane hoki. Hua ake ana ko te aroha o te whatukura ki te tau o tona ate, ki tona mareikura.

Raapare 26 o Pipiri. Ko teenei te raa tino nui moo taatou katoa! I te omaoma haere maatou ki te whakareri i o maatou na kakahu me o maatou moko. Te whakapaipai haere I o matau na ahua. E aii ki nga kotiro, te whakaataahua ia ratau ano.

Hii aue! Ka tae katoa matau ki te mura o te ahi, ki te atamira pakaru werawera. Koinei te ra whakaatu I te ihi, te wehi, me te wana o ta matau na kapa ki runga I te ataamira. Te ra whakanui I nga mahi a rehia, nga haka a Tanerore, a, otiira te whakawhanaungatanga tetahi ki tetahi.

Mataku katoa ahau I te kitenga atu o te tini me te mano I rauika mai ki raro I te kaupapa kotahi, a, te kapa haka. E hika e! wiriwiri katoa taku Tinana, pakaru mai ana te riri o Tumatauenga ki roto I ahau. I patuki tahi nga manawa o taku kapa, I tu mauritau matau I runga I to matau na ake mana. Harikoa ana taaku ngakau i tuutuki pai rawa atu taatou i runga i te atamira.

I haere ngaa roopuu kapa haka katoa ki roto i te horo ki a rangona ai ko wai ka hua, ko wai ka tohu I roto I tenei o nga whakataetae. Ka noho puku te katoa o nga tangata I roto I te horo, me te pukana mai o nga whatu I te rangona atu ko wai te toa o nga toa. A, ko wai hoki I tae ki nga taumata matua o te whakataetae nei.

Naa te kaha me te nui o te mahi i purua maatou ki roto i te whakataetae nei, i tae tuarua maatou a Te Tira Whakaau! Ka rawe hoki! I te peke peke haere maatou, i te tangi eetahi na te nui o te harikoa e puta mai ana i a maatou! I tae tuatahi a Wairarapa ki Uta ki Tai. Ka pai rawa atu ki a koutou.

Ko te mea i tino harikoa ahau i te mutunga o teenei mea katoa, i whakakootahi taa maatou roopuu a Te Tira Whakaau. Anei he whakatauki no te kapa, Ka taka teetahi mema o te roopuu, ka taka te katoa o te roopuu. He kura nui, he kura roa, he kura e haere ana!


Panui: I ngaa koorero e whai ake nei ka hurihia matou i ngã tohutoo ki ngaa tohu oro e rua.
Notice: In all articles we have changed the macron into double vowels.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Issue 21, Vol 81: Looking Back
  2. Foraging Video Recipes
  3. 5 TV Shows that *Might* Fool Others into Thinking You’re a History Wunderkid
  4. Books With Protagonists Our Age (That Don’t Suck)
  5. Changing Tides
  6. In Defense of the Shitty Sci-Fi Sequel
  7. Avantdale Bowling Club
  8. Medium Playback
  9. The International Angle
  10. The Poo Review
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided