Viewport width =
July 23, 2007 | by  | in Features |
Share on FacebookShare on Google+Pin on PinterestTweet about this on Twitter

Te Ūpoko o te Ika whānau o te Pāti Māori

Ko te whānau o te Ūpoko o te Ika o te Pāti Māori tētahi whānau awhi i ngā kaupapa, huri noa i te rohe nei.

He aha a mātou mahi? He maha tonu. Ko te hiki i ngā kaupapa tētahi o ā mātou mahi, pēnei i te kōwhiringa Pōti (Maori Option), te tautoko i ngā hīkoi, te whawhai i ngā utu haere ki te whare wānanga, me te tautoko i ngā mema paremata o te Pāti Māori i ā rātou haerenga.

Hui ai mātou ia marama, i ngā Rātapu mutunga o ia mārama. Ko tētahi anō o ā mātou kaupapa kōrero, me pēhea mātou e kohi moni ai mō te kaupapa? Otirā he rāwhera, he hoko ti-hāte, he maha ngā mahi kohi moni. Hei aha ēnei mahi? Hei utu i ngā nama a te tau e heke mai ana i te pōtitanga nui.

He hāte kēhi ētahi o ā mātou mahi – kei ētahi taima kua hīkoi mātou, kua tautoko rānei i ngā mahi a ngā mema, heoi he tū i roto i te makariri hoko tī- hāte ai ētahi o ā mātou mahi, ka mau te wehi e hoa mā. Ahakoa he aha te kaupapa, kua kitea mātou ki reira. E kaha ana mātou ki te whai i ngā mahi ngahau, pēnei i ngā pō whakanui i a Matariki. E hia kē ngā pōi i tū ai i te Whanganui-a-Tara nei kia whakanuia te kaupapa.

Kia mohio ai koutou, e whakarite ana mātou kia riro i a tātou te tūru o te Tai Tonga hei painga mō te iwi Māori. Ahakoa kei te whakarerekē ngā rohe pōti, kāre e kore, ka toro te rohe pōti o te Tai Tonga ki Pito-one, ki Waiwhetū, whakawhiti atu ki Rakiura rā anō. Koirā tā mātou e kimi nei ināianei, he tangata ki te tū hei reo mō ngā Māori o tēnei rohe nui.

I tera tau i ngā tiriti mātou e akiaki ana i ngā Māori katoa kia whakawhiti mai ki te rārangi pōti Māori, kia whiwhi tūru Māori hou tātou. Ko ngā hua o ērā mahi me pēnei te kōrero, ko te Tai Tonga te rohe nui o ngā rohe Māori katoa mō te mātatoru o te tangata. Nui atu i te 38,000 tātou kei tēnei rohe pōti. Ka tau kē!

Kei ngā wiki nei hoki kei te whawhai te whānau o te Ūpoko o te Ika i ngā ture kino a te Pākehā. Kei te hora kōrero hoki mātou ki te komiti whiriwhiri i te whakakorenga o te tiriti i roto i ngā ture. E tino whakahē ana tēnei whānau kia whakakoretia te Tiriti!

Ka akitia hoki ngā tāngata whakatau i ngā rohe pōti, kia Waipounamu tonu te Tai Tonga, kaua hoki e pēnei te whānui, kua toro atu ki nga moutere e 4 o tātou.

He aha te tū tangata e pīrangi ana koutou hei reo mō tātou? Me wahine? Me kaumātua? Me mōhio ki te reo? Me takatāpui? Kei a koutou anō te tikanga. Nō reira kia kaha mai koutou mehemea e pīrangi ana koutou ki te awhi i ngā mātou mahi whiriwhiri i te reo hou mō te Tai Tonga, pōti tonu nei tātou a tērā tau māna.

Nō reira mehemea e reri ana koe ki te whakauru mai ki a mātou, kei te ipurangi ngā pepa rēhita, www.maoriparty.com, pēhia te ‘our party’, me te ‘membership.’ Mehemea e pīrangi ana koe ki te kōrero tahi i a tātou, kanohi ki te kanohi, īmēra mai ki tā mātou tangata tuhituhi, henimc@clear.net.nz.

Heoi anō tautokotia tā mātou mahi mō te wiki o te reo Māori. E wawata ana mātou kia whakakorea ētahi ingoa wāhi Pākehā i ō tātou reo. Kaua e kī ‘e haere ana au ki Lambton Quay’, engari me kī ‘E haere ana au ki Kumutoto.’ Ka kī tātou, ‘e piki ana au ki Kelburn,’ engari e whakapae ana mātou ‘E piki ana au ki Ahumairangi.’ Ma tātou te mahi ki te whakahoki mai i ngā ingoa tūturu Māori o tēnei ūpoko o te ika. Kimihia, rangahaua!

I hua mai tēnei kaupapa i ngā kaupapa tonu o te Pāti e kī ana, e tika ana te manaaki a te tangata, kia whāia te wairuatanga me te kotahitanga i raro i te Tiriti o Waitangi. Tirohia tā mātou whakarārangi kaupapa i tā mātou ipurangi.
Ngā mihi nui ki a koutou rā.

(Nā Gareth Seymour, Kaiwhakahaere o Te Ūpoko o te Ika whānau o te Pāti Māori)

Share on FacebookShare on Google+Pin on PinterestTweet about this on Twitter

About the Author ()

Comments (4)

Trackback URL / Comments RSS Feed

  1. Jonno says:

    Uh, what the fuck?

    I’m fine with using a little maori…or a lot. But this is just overkill guys!!!!!

  2. Ian Besley (coastal pakeha) says:

    Is this the Gareth Seymor that burns New Zealand flags?
    if so, its also the the gareth seymor that had an argument with me in my place of work and due to his protesting buddies.
    had me fired.
    i’m going to clean my colostomy with any flag he holds.

    find a better spokesman iwi, this ones cooked.

  3. Tahuna Haki says:

    Well you should just get over the fact that you had major issues back then about Maori sovereignty and that you needed to find out the consequences the hard way. Serious attitude problems do get you in trouble apparently, especially when someone like you gets involved with Maori. no wonder you never got that voluntary job at the museum

  4. Wee Hamish says:

    Kia ora, kia ora.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge