Viewport width =
July 23, 2007 | by  | in Features |
Share on FacebookShare on Google+Pin on PinterestTweet about this on Twitter

Te Wiki o te Reo Maori

Raahina

Te Poutuutanga o te Raa | Ngaa Moorehu
12.10pm – 12.40pm | Ngaa Mokopuna

Ka haere mai eetehi o ngaa tauira tawhito ki te koorero mo a raatou mahi. Whakarongo ki a raatou koorero mo te whakamahi i te Tohu Reo Maaori me te Tohu Maaoritanga i te ao whaanui.

Nau mai, haere mai, whakawhiti koorero me eenei kua tuu pakari i waho raa!
 
Te Poo | Poo Kiriata
6.00pm – 9.00pm | Ngaa Mokopuna

Ka whakaaturia te kiriata o Te Tangata Whai Rawa o Weneti (Maaori Merchant of Venice).
He kiriata teenei i roto i te reo Maaori anake.
Moo te $2 ka taea e koe te hook: kaanga paahuuhuu (popcorn), ahikiiriimi, riiwai motumotu parai (hot chips)

Raatuu

Te Poutuutanga o te Raa | Hoomai te Pakipaki
12.00pm – 1.00pm | Ngaa Mokopuna

Ae raa e hoa maa, hoomai te pakipaki moo ngaa kaiwaiata ka tuu i te ataamira!

Tuu mai mena he waiata taau engari me waiata Maaori –Pai atu, reka atu, rerekee noa iho, tino papatahi ka whiwhi paraahe (prize) koe ahakoa te aha! Heoi mo ngaa tino manu tioriori anei ngaa paraahe:
He Wheata Hoko Pukapuka (Book Vouchers):
Te Manukorihi Tuatahi: $60 Tuarua: $25 Tuatoru: $15

Te Poo | Whakataetae Kapa Haka aa Kura | Tuu Te Winiwini Tekau maa Rima!
6.00pm – 9.00pm | Memorial Theatre, Student Union Building

Ka tuu ngaa rangatahi o ngaa Kura Tuarua o Naenae, Hato Manawa Tapu, Wainuiomata, Ngaa Kura Kootiro, Kura Taane o Poneke, Ngaa Kootiro o Te Kura Rawhiti o Pooneke me Ngaa Tama o Rongotai.

E whitu ngaa kura, e rima ngaa kapa, tekau maa rima kaihaka mo ia tiimaa, tekau maa rima meneti te roa.
Ko te reo me te auahatanga (innovation) te mea nui! Tuu Te Winiwini Tekau maa Rima!
Te kapa toa: $450 Tuarua: $250 Tuatoru: $150 Tuawhaa: $100 Tuarima: $50

Ngaa kaiwhakawaa: Tamahou Temara, Maraea Teepa, Jo Playdell me Kereama Te Ua.

Te Takawaenga o Te Aataamira: Adrian Wagner

Te Tomo Uru: $2 ia kaimaataki Kaitimotimo i te mutunga

Raaapa

Te Poutuutanga o te Raa | Kei a koe te papa! Kia Tumeke te Marea
12.00pm – 1.00pm | Ngaa Mokopuna

E karanga ana ki ngaa korokoro tuui, ngaa roo reka, whakaniko kupu, whakanako koorero – maa koutou teenei!

Tuarihia o pukenga ki te marea kia tumeke i a koe! Waitatia! Koorerohia! Whakaaturia!

He paraahe ma te katoa ka tuu! Heoi maa:
Te Toa: $60 Tuarua: $25 Tuatoru: $15 – Wheata Hoko Pukapuka (Book Vouchers)

Te Poo |Whaaia te Uru Pounamu
6.00pm – 8.00pm | Ngaa Mokopuna

He whaanui ngaa kaupapa – mai te toorangapuu, hiitori, te reo Maaori me ngaa tikanga Maaori
Ngaa kaupapa e akohia ana i Te Kawa aa Maaui!

Koutou maa, haere mai kia werohia oo koutou hinengaro, kia whakakoikoihia, kia mataara ai!!

Tekau ngaa roopu. Kia tokowhaa ki ia roopu. Reehitatia to roopu i te tiimatanga o te wiki

Kotahi noa iho te paraahe $100 mo te tiimaa toa

Raapare

Te Poutuutanga o te Raa | Riipene Whakaata
12.00pm – 1.00pm | Ngaa Mokopuna

Ka whakaatuhia te koopae atata o ngaa whakataetae kapa haka o Tuu Te Winiwini Tekau maa Rima!

He haangi te kai o te tina. He aha kei roto? He riiwai, paukena, kuumara. he hua whenua tio, paraaoa koonatunatu, he heihei, pooaka, he miiti hiipi. Mmmm reka!

Ko te utu $10 – He whakatoopuu puutea (fundraiser) moo te Haerenga ki Taranaki a ngaa Tauira me ngaa Puukenga o Te Kawa a Maui, Te Herenga Waka Marae a te Mahuru me ngaa mahi o Te Wiki o Te Reo Maaori.

Te Poo | Tautohetohe
6.00pm – 9.00pm | Wharenui

I teeraa tau, ka toa te tiima Tauira i te Tautohetohe – ko raatou ngaa toa! AA teenei poo, ka hoki mai te tiima Puukenga o Te Kawa aa Maaui ki te whai utu mo too raatou ngoikore i teeraa tau. No reira kua whakakoikoi ngaa aarero, ngaa hinengaro – ko wai ka toa? Haere mai kia kite koe, kia rongo koe!

Whai muri tonu ko Te Tautohetohe-aa-Taangata-Rongonui! Ae raa e hoa maa, ka haramai ngaa Manu Taikoo o te Ao Maaori ki te whiu i te kupu, ki te wero i te whakaaro, ki te whakatumatuma – ko wai ka toa? Waiho tonu! Whakarongo ki:
Ngaa Manu Taikoo: ki a Tina Wickcliff, Shane Taurima, Wena Tait, Te Ururoa Flavell, Paranihia Walker, Adrian Wagner
Ko te takawaenga: Ko te taniwha nei ko Chief Judge Joe Williams
Ngaa kaiwhakawaa: Pae Ruha, Erima Henare me Te Ripowai Higgins
 

Raamere

Te Poutuutanga o te Raa | Chur te Reo Keemu
12.00pm – 1.00pm | Ngaa Mokopuna

I hangaa te kaupapa Chur te Reo i te tiimatanga o teenei tau e Te Herenga Waka Marae, Ngai Tauira me Te Kawa a Maui. He kaupapa haapai i te reo , aawhina i ngaa tauira e ako ana, kia rongo e reerere haere ana i te marae, tautoko i ngaa mahi a ngaa puukenga reo. He maha ngaa keemuu kua whkahaeretia i ngaa wiki, ngaa whakamaatautau whakakoakoa, me ngaa whakaaturanga koopae ataata.

Hei teenei Raamere, ka tuu teetahi keemu paarekareka i te waa o te kai. Chur Te Reo!
 
Te Poo | Poo Whakangaahau
8.00pm | Vintage Bar, Taranaki St

Kua rongo kee koutou ki ngaa rangi ataahua o Hope Rd? E Hika maa, kia kaua e takaroa, nau mai haere mai ki te noho wahanguu, kia areare ngaa taaringa ki eenei korokoro miiharo. Ko te nuinga o teenei peene he Maaori. Ka waiata hoki raatou i roto i te Reo Maaori. Ka ngaahau teenei peene ki te karapuu hou o Vintage. He paakihi Maaori teenei, tokorua raaua – Noo reira, haramai ki te tautoko i eenei oo Ngai Taua e whakahau ana e tautoko ana kia koorerohia, kia whakamahihia to taatou Reo Rangatira.
 


Panui: I ngaa koorero e whai ake nei ka hurihia matou i ngã tohutoo ki ngaa tohu oro e rua.
Notice: In all articles we have changed the macron into double vowels.

Share on FacebookShare on Google+Pin on PinterestTweet about this on Twitter

About the Author ()

Salient is a magazine. Salient is a website. Salient is an institution founded in 1938 to cater to the whim and fancy of students of Victoria University. We are partly funded by VUWSA and partly by gold bullion that was discovered under a pile of old Salients from the 40's. Salient welcomes your participation in debate on all the issues that we present to you, and if you're a student of Victoria University then you're more than welcome to drop in and have tea and scones with the contributors of this little rag in our little hideaway that overlooks Wellington.

Comments are closed.

Recent posts

  1. Losing Metiria
  2. Blind Spot
  3. Aspie on Campus
  4. Issue 17
  5. Australian Sexual Assault Report Released
  6. The Swimmer
  7. European Students Association Re-emerges
  8. Can of Worms!
  9. A Monster Calls — J. A. Bayona
  10. Snapchat is a Girl’s Best Friend and Other Shit Chat
LOCKED-OUT

Editor's Pick

Locked Out

: - SPONSORED - The first prisons in New Zealand were established in the 1840s, and there are now 18 prisons nationwide.¹ According to the Department of Corrections, the prison population was 10,035 in March — of which, 50.9% are Māori, 32.0% are Pākehā, 11.0% are Pasifika, a