Viewport width =
July 23, 2007 | by  | in Features |
Share on FacebookShare on Google+Pin on PinterestTweet about this on Twitter

Teetahi koorero o Te Paati Maaori

Ponga ra! Ponga ra!
Ka taataki mai Te Whare o nga Ture!
Ka whiria te Maaori! Ka whiria!
Ngau nei oonaa reiti, ngau nei oonaa taake!
A ha ha! Te taea te ueue! I aue! Hei!

Patua i te whenua!
Hei!
Wakatauaa i nga ture!
Hei!
A ha ha!
Naa ngaa Mema raa te kohuru
Naa te Kaawana te koheriheri!
Ka raruraru ngaa ture!
Ka raparapa ki te pua toorori! I aue!
  
Meina ka whakaaro weetahi o koutou he aha ai i whakauruhia e maatau teenei haka a Te Kiri Ngutu hei timata i ngaaoo koorero anei te whakamaarama.
 
Ko te kaitito ko Tuta Nihoniho o Ngaatiporou. I titoa e ia i runga i toonaa whakatakariri ki te Kaawana me te Kamupene Whenua Tametame moo ngaa mahi hoko whenua i roto o Ngaatiporou. Ko taa Nihoniho maa ngaa ture Kaawana me oonaa whakahaere ka ngaro te whenua, ka riro i te iwi kee.
 
He nui noa atu ngaa waiata he koorero hohonu kai roto. Ko te haka taparahi a Tohu Kakahi araa a Mangumangu Taipo teetahi. He wero ki te iwi Maaori kia kaha te pupuri ki ngaa tikanga o raatau maa. Ko taana kaare e mau ngaa tikanga Paakehaa moo ake tonu atu, aa toonaa waa, ka taka. He peeraa i te uku. Meina he maakuu, ka piri atu ki te rino, eengari kia maroke, ka makere mai. Kua noho eenei kupu inaiaanei hei whakatauakii. He wero ki eera o taatau kei te whakaaro ko te ara Paakehaa anake te ara tootika moo taatau, ko taa Tohu he nui ngaa mea o taatau kua whai i te ao o iwi kee, naa i te mutunga i ngaa waa ka noho mokemoke ka tahuri te whakapaa mai ki teeraa ao i whakarerea raa e raatau. Ko taana, kaua e whanga kia mate mai i te poharatanga o te mokemoke.
 
Naa ka tae mai taatau ki te tau rua mano maa whaa, ka kite e hika kai te mahi tau a porokai a whanako i aana mahi taurekareka. Ko oona hoa haere i teenei waa ko ngaa Maaori katoa kei roto i te roopu Reipa me te roopu Niu Tireni Tuatahi. Kia kore taatau e wareware ko wai raatau, raatau i pooti kia riro te takutai moana e te Kaawana. Raatau i pooti kia kore e taea e ngaa iwi, hapuu raanei te haere ki te Kooti Whenua Maaori kia waanangahia e taua Kooti meina he mana taa teenaa iwi, taa teenaa hapuu ki te takutai moana. Raatau, ngaa mema i pooti ahakoa ngaa aue o a raatau hapuu, iwi moo ngaa mahi whanako, muru whenua a te Kaawana. Raatau, ngaa pononga a te Kaawana.  

Naa eenei mahi a raatau ka kitea te whakaaronui a ngaa koorero a Tohu araa, ahakoa te kaha o teetahi te panipani i a ia anoo ki te uku, me maaku tonu ka piri taua uku. Naa hoki, ahakoa peehea te kaha o teetahi Maaori o te roopu Reipa te panipani i a ia ki ngaa tikanga tauiwi, me kii ngaa tikanga a te roopu Reipa taro ake te waa e ngahoro ai aua tikanga e hoki ai aua tangata ki too raatau iwi. Eengari kaua e whanga kia whakarerea e te roopu Reipa ka peera ai.
 
Nee, i ngee wiki tata kei te tuu mai, ko taa maatau a te Paati Maaori ka waimarie pea kia puta ake taa maatau pire ki mua o te Paremata kia taea e te Whare te waananga te pooti kia turakina te ture Takutai Moana 2004 a te Kaawana. I teenei waa meina he puku kaha, he raima kai te tuara o te Roopu Nahinara te pooti kia haere taa maatau pire ki mua i teetahi o ngaa Komiti Whiriwhiri e hika maa, kai raro e putu ana te Kaawana.
 
Aanei ngaa roopu kai te tautoko i taa maatau pire i teenei waa. Ko ngaa Kaakaariki, e ono raatau, ko maatau tokowhaa hoki, ko Taito, ko ngaa tokorua o ACT a meina ka piri mai a Nahinara me too raatau hoa a Copeland ka noho ono tekau maa rua hei tautoko i too maatau pire, rima tekau maa iwa ngaa mema kaare i te tautoko.
 
Ka tika ko Tariana te kaitono o teenei pire koia anake o ngaa mema o Reipa kaare i whakaae kia whai mana te Pire Takutai Moana a te Kaawana. I te waa i whai mana taua pire ka whakarerea e Tariana a Reipa, ka whaanau mai te Toorangapuu Maaori. I muri mai ka wikitoria i roto i te Hauaauru a Tariana i teetahi pooti motuhake, Koia te tangata i para i te ara moo ngaa tokotoru i whai mai i muri i ngaa raa pooti o te tau rua mano maa rima.
 
Naa maatau te reo motuhake o te Whare Paremata, te reo kaare e taea e tangata te kii, “e, kei te whakahua to waha i ngaa koorero a tangata ke”. Naa reira, me mataara taatau i ngaa waa katoa kia kore ai a ngaarara e ngau i o taatau koito, e tango i te moko, e kai i te whenua e uukui raanei i te mahara.
 
Teenaa taatou.
 


Panui: I ngaa koorero e whai ake nei ka hurihia matou i ngã tohutoo ki ngaa tohu oro e rua.
Notice: In all articles we have changed the macron into double vowels.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Interview with Dr Rebecca Kiddle
  2. The Party Line
  3. Te Ara Tauira
  4. Robotic Legs, “Inspiration”, and Disability in Film
  5. VICUFO
  6. VUWSA
  7. One Ocean
  8. Steel and Sting
  9. RE: Conceptual Romance
  10. Voluntary WOF a Step in the Right Direction
redalert1

Editor's Pick

RED

: - SPONSORED - I have always thought that red was a sneaky, manipulative colour for Frank Jackson to choose in his Black and White Mary thought experiment. It is the colour of the most evocative emotions, love and hate, and symbolises some of the most intense human experiences, bi