Viewport width =
July 27, 2009 | by  | in Features |
Share on FacebookShare on Google+Pin on PinterestTweet about this on Twitter

He Rau Tumu Kōrero; tuarua

I te kaupeka o Pīpiri i te marae o Te Tumu Herenga Waka i huihui mai ngā kaiako, ngā tauira o ngā motu o Aotearoa mō ‘He Rau Tumu Kōrero Tuarua’. Ko te kaupapa nei ko te hītori Māori, ā, puta noa i te rā nei ngā kōrerorero, ngā kauhau e whakamāramatia ana i ngā whakaaro “he aha tēnei mea te hītori Māori?” “ka pēwhea te āhua a muri ake nei?” Nā ngā kaiparahaurahi i tū ki te kauhau, i whiwhi i a mātou ngā hua maha mai i o rātou rangahau hei tautoko i a mātou, arā ngā uri e whai ake nei ki ngā whare wānanga o te motu.

I puta te hihiri o Te Pū Nehenehe mai i tō mātou pupukenga ki roto i te mātauranga hītori. Nei rā i mōhio tātou me mau, me ū hoki ki ngā taonga i whakatakoto e ngā tūpuna. Me kī, kei te pērā tonu te kaha o ngā kairangahau Māori ki te eke i tēnei maunga teitei kia ū rā anō ki runga i tōna karamatamata. E tino kaingākautia ana mātou ki ngā wheako a ngā tūpuna, ā, i pēwhea, ka pēwhea hoki ngā kairangahau te whakaatū i a rātou.

Ko te papakainga o tēnei rōpū, Te Pū nehenehe kei te Whare Wananga o Te Ūpoko o te Ika a Māui i te marae o Te Tumu Herenga Waka. Ka whitiwhiti kōrero mātou i roto i tōna kōpū e pā ana ki ā mātou ākona, ā mātou wheako whaiaro hoki. Tā te mea nō ngā Tai e whā mātou, ā, e whai ana mātou i ngā mātauranga maha, ko te painga ka puta ngā kōrero kanorau. I tae mai te whakamanawa nō te ahorangi Aroha Harris o Te Whare Wananga o Tamiki Makaurau, i whākī mai ia kia hāpai mātou i ‘He Rau Tumu Kōrero Tuarua’. Ko te pūtake o te rōpū ‘Te Pū Nehenehe’ i puta mai i ‘He Rau Tumu Kōrero Tuatahi’ i tū ki te Whare Wānanga o Waikato i Here-Turi-Kōkā 2008. Kōtahi tau ka hipa mai i tā mātou haerenga ki Te Rohe Pōtae, ka tae te wā kia karanga atu mātou ki te manuwhiri, kia haere mai ki tēnei whare wānanga mō tētahi hui anō.

I te mea ko tō mātou rōpū ka noho ngātahi me Te Whānau o Te Herenga Waka Marae ka puta te manako kia hāpai mātou me ngā mahi ō muri. Mō ētahi ō mātou he pēnei ā mātou mahi i te kāinga hoki. Mate kāinga tahi, ora kāinga rua. Manomano hoki ngā wā kua rongo mātou i ngā hītori maha e kore nei e kitea ki roto i ngā tuhinga o tētahi. Ko te whakawhanaungatanga i waenga i ngā ahorangi me ngā tauira hoki e kaha whakahiki i te wairua o te whare wānanga nei. Waihoki, mei kore tātou e wareware i te kōrero o ahorangi Aroha Harris, me kore hoki tātou e wareware nō ngā kōrerorero i waenga i ō hoa, me tō whānau hoki tēnei mea te Hītori Māori, ā, ka whakaako hoki anō ko wai koe.

He puna mātauranga hītori i tae atu kingā kai taua hui, arā, i whakaaro tahi, i manako tahi hoki, tēnei puna me tēnei kaupapa ‘āhuatanga hītori Māori, tukanga rangahau hītori Māori.” I whakahē a Pita Meihana, me tōna kaha uiuinga, i te reo matua e ūmeretia ana i ngā pakiwaitara tāmitanga o Aotearoa, ko taua kōrero e kīa ana, kāre i tua atu o ngā painga i a Ngāi Māori, kāre i tua atu a Ngāi Pākehā, kāre hoki i tua atu a Ngā Iwi Taketake o te ao. Kō tāna, e mōhio pai ana ngā kaituhi hītori Māori ka noho taketake tēnei whakaaro ki roto i te pakiwaitara matua, i te tuakiri matua hoki o Aotearoa. Taua whakakapinga matua ka noho rangirua ki roto i te hinengaro, i te mea he tino rerekē ki te tātaringa, ki te hītori, a mātou me o mātou whānau kaiako hoki.

Hei kaupapa Tākutatanga i whai atu tētahi o mātou o Te Pū Nehenehe, ko Arini Loader, i ngā taonga tuku o tōna koro. I te hui i kōrero ia mō te whiwhinga o tētahi pukapuka i tuku atu ki tōna koro, hāngai ana ki ngā Tuhinga o ngā tāngata taketake o Amerika. Kātahi nā a Arini kia oti tāna whakapae akonga Māori, ko “haere mai me tuhituhi he pukapuka; muri iho ka whawhai ai tātou…” “Reading Te Rangikāheke” te ingoa, he kōrero i whakamahi i ngā tirohanga ahurei ki ngā akonga mātātuhi. Nā aua akonga āna rangahau i whiwhi i ngā hua o te hītori Māori. He wero tā Arini ki a mātou kia whiua a mātou kupenga ki te ao pēnei i te whakatauki “ka pū te rūhā, ka hao te rangatahi”. He painga kei roto o te mahi pēnā mō te kōrero hītori Māori, te mahi whakataurite i ngā kōrero Māori ki ngā kōrero o tētahi atu iwi taketake.

I whakarongo mātou ki te reo o te aumangea nei a Keri Kaa “me āhei koutou i ngā reo e rua” waihoki “kia mātau i tō ake whakapapa, i mua i te uiui atu ki te whakapapa o tētahi atu.” He hītori Māori tēnā. Ko te whakapapa ko au, ko au te whakapapa.

I tā Kaa “Mēnā e whakapono ana koutou i tō koutou mahi hei painga mō tō whanau, nā, haere tonu.”

“He hītori Māori tēnei” koirā a ‘He Rau Tumu Kōrero Tuarua.’ Ko te kura i whiwhi mātou nā ngā kaikōrero ko tēnei “ka whawhai tonu mātou, ake ake ake!” Ka whāia i te iti kahurangi o ō mātou kōiwi. I tā Keri Kaa “He hitori tāu, whākina. he reo tāu, kōrerotia. He ahurea tāu, whāngaia ki te mano.”

Ka nui te mihi ki te whanau o Te Tumu Herenga Waka marae, te ahorangi Aroha Harris me te whānau whakamarumaru i hāpai, i tautoko hoki te kaupapa nei, kia ora rā koutou katoa.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Interview with Dr Rebecca Kiddle
  2. The Party Line
  3. Te Ara Tauira
  4. Robotic Legs, “Inspiration”, and Disability in Film
  5. VICUFO
  6. VUWSA
  7. One Ocean
  8. Steel and Sting
  9. RE: Conceptual Romance
  10. Voluntary WOF a Step in the Right Direction
redalert1

Editor's Pick

RED

: - SPONSORED - I have always thought that red was a sneaky, manipulative colour for Frank Jackson to choose in his Black and White Mary thought experiment. It is the colour of the most evocative emotions, love and hate, and symbolises some of the most intense human experiences, bi