Viewport width =
July 27, 2009 | by  | in Music |
Share on FacebookShare on Google+Pin on PinterestTweet about this on Twitter

INTERVIEW WITH MAISEY RIKA

music

Ko te tuatahi nō hea koe?

Ko Putauaki Te Maunga
Ko Mataatua te Waka
Ko Ngāti Awa ko Te Arawa ko Tuhoe ōku Iwi
Arā noa atu te iwi whāngai mai i au ko Te Whaanau-ā-Apanui tēra
E noho mātau ko tōku whānau i te tō pito o te Ao, te Tai Raawhiti
Kia Whakatane au i ahau, Wairaka Tangata
E ngā mana e ngā reo e ngā karangaranga maha, tēnei te mihi maioha, te mihi aroha kia koutou katoa. Tēna koutou, tēna koutou, tēna koutou katoa…

He aha ngā momo waiata i runga o te kōpae tuatahi?

He waiata aroha, he waiata tangi, he wero anō ētahi e hāngai ana ki ngā kaupapa puta noa te motu whānui.

He aha te take ka whakamahia i ngā reo e rua i roto i ōu waiata?

I tipu ake au i roto i ngā Ao e rua, ko tōku taha Māori te taha kaha te taha hohonu rawa atu, ki te kore au e kite i te kupu Pākehā, ka huri au ki te kupu Māori hei kinaki i ōku waiata.

He aha te take i whiria tēnei mahi hei mahinga māu?

Mai i a au e tamaiti nohinohi ana a  tae noa mai ki ēnei rangi tonu ko tēnei mahi te whakarongo te waiata hoki i ngā momo waiata a ētahi atu tētahi mahi tino kaingaakau ki au, engari anō te waiata i ōku ake waiata – he rerekē anō tēra tuahuatanga, ā, i ngā tau e rua kua pahure kau ake nei i timata mai māua ko tāku tungaane (JJ) te tito i a māua waiata.  I muri tata mai i tāku mutunga i te Whare Wānanga, ka hoki mātau ko tōku whānau ki te haukainga ki te whakatipu i a māua (ko tāku tane) pēpi, nā i reira anō a JJ e whakatangi ana i tōna kutā kātahi ka timata mai tāku tapiri atu i ngā kupu, ehara i te mea nāku anō tēnei huarahi i rapuhia, me kii i tuwheratia te huarahi nei ki a māua.

He aha to ahuatanga a wairua i a koe e tito waiata ana?

I ētahi wā pouri ana au, i ētahi wā harikoa au, whai ana au i ngā tohu o te wā.

He aha āu moemoea mo nga tau e heke mai ana?

Tuatahi: kia otihia e mātau tā mātau kopae
Tuarua: kia tae atu ki tēra pito ki tēna pito o te Ao tohatoha ana whakapuaki kau ana i o mātau waiata
Tuatoru: kia whai pepi anō ahau
Tuawhaa: ‘Be happy and Make our people proud’

I tae mai koe ki te Whanganui ā Tara i ngā wiki kua pahure, tēna kōrero mai mo taua wā.

E rua a māua whakangahau, ko tētahi i tu ki te Vintage Bar, ko tētahi i tu ki Te Papa, ka nui te mihi ki a rātau i tae mai ki te tautoko i a māua ,i a māua te honore!!

He kupu āu, whakatauki rānei mo te hunga e whai ana i ōu tapuwae?

Kia kaha, Kia Maia, Kia Manawanui i roto i o mahi katoa, i o mahi katoa mahia!!!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided