Viewport width =
July 27, 2009 | by  | in Features |
Share on FacebookShare on Google+Pin on PinterestTweet about this on Twitter

Ki te kōmata o te Mātauranga

Ko Pania Lee te Kaiuiui

He tātai whakapapa tēnei ahorangi nō Ngāti Wai me Ngāti Tamatera. I tupu ake ai ia ki Kirikiriroa, i reira i whiwhi tōna tohu paerua nō te Whare Wānanga o Waiato. Whai muri i tēra i whakaoti tōna tohu tākuta i te kaute (Gout) ki te Whare Wānanga o Wikitoria. Koinei te kōrerorero ki tā Willy John.

Tēna, whakamārama mai i pēhea koe i whai i tō tohu tuatahi, tohu Paerua atu ki te tohu tākuta?

Ka mutu ōku rā i te kura tuarua, ka hōhā ahau i te kura ahakoa i whiwhi māka pai. I whakarerea te Whare Wānanga mo te wā poto. I mahi au mo ētahi tau kia kohi moni ai, kātahi ka haere ki Ahitareiria hei mahi tūao mo taku hahi. Mea ake, ka hoki au ki Aotearoa. Ka tīmata tāku ara matauranga i te Whare Wānanga o Waikato.

I te timatanga, kāore au i te tino mōhio he aha ngā kaupapa kei mua i a au. Nō reira, ia tau, ia tau, whai ahau i ngā akoranga e pai ana ki a au mo tāua wā. Nāwai rā, i puta mai ki a au te kaupapa pārekareka, arā ko te Koiora. I whiwhi au I tāku tohu tuatahi i te Mātauranga Koiora. Kātahi ka rongo ōku taringa i tetahi mahi rangahau ki Pōneke mo te rongoa Māori. Nā tēnei tāku tohu tuarua i puta mai ai. Tēna, i kī mai tāku kaiarahi Māori he mahi rangahau anō tā te Malaghan Institute e pā ana ki tētahi mate taumaha ki a tātou, ko te mate kaute. Ko te mutunga rā anō ko tāku tākutatanga.

Heoi, ahakoa he pūrehurehu te ara i te tuatahi, ka nui tōku hiahia ki te kai i te reka o te mātauranga. Nō reira i whai tāku ihu i te kakara reka hei arahi i au i te ara, ahakoa te kāpō o ngā whatu.

He aha ai kei te mahi koe i tēnei rangahau, te kaute?

Tokomaha tātou te iwi Māori e pāngia nei tēnei mate, anō hoki ko ngā kaumātua me ngā kuia. I whakarite au i tēnei kaupapa nō te mea he hua mo tātou katoa.
He aha te ranga wairua i awhina i a koe?

Ko te mea nui ko te wawata. Ka nui hoki te hiahia ki te piki ki te tihi o te maunga o tenei mea te mātauranga. Hei rākau, hei taiaha māku, mā tāku whānau hoki.

He kaupapa anō i kawe i au. Ko au te manutaki o tāku whānau e takahi ana i tēnei ara, i te wawata kia whakaritea te ara. I hiahia hoki au ki te whiwhi i tāku tākutatanga hei hōnore mo ōku mātua me tāku whānau. (Ko au te mataamua o ngā tamariki 14!)

He aha ōu moemoea?

Kia huhua ngā tangata Māori e whiwhi tohu ai. Kia puta mai he ao hou e haere tahi ai ngā whakaaro hou, me nga whakaaro tawhito.

Kei te aha koe i tēnei wā?

Kei te haere tonu tāku mahi rangahau mo te gout. Ka whakawhānuitia te kaupapa i ngā tau kei te heke mai i roto i ngā take hauora e hāngai ana ki ngā wawata o te iwi Māori. I tēnei wā tonu, kei Poihākena ahau e mahi ana i tētahi laboratory o konei mo te wā poto kia whakapikia āku pūkenga i ngā take pūtaiao.

Hei whakakapi, he kupu kōrero, whakatauki rānei mo te hunga e hiahia ki te whai atu i te ara e takahia ana e koe?

Kei ia tangata tōna ake ara. Ko te tikanga kia kite i tō ara, ka hikoi. Kia nui to whakapono ki tōu ake kaha. Kia kaha, kia mutu rawa. He reka te hua.

Kāti ake e te matua, nei ngā mihi manahau, ngā mihi uruhau ki a koe, mo ngā kōrero, mo ngā whakaaro i whārikihia e koe. Anō nei he tauira mā tātou te hunga e ngana nei ki te kai i ngā kai o te mātauranga. Kua whakatakotoria e koe i te mānuka, kia werohia ngā tauira o nāianei, kia heke te werawera o ngā tauira Māori o tēnei wā. Kua whakarangatira koe i a mātou nā te mea, he Māori koe, ā, kei te tūtuki koe i ngā wawata hā kui, hā koro. Nō reira, me mihi ka tika ki a koe mo ngā mahi kua mahia e koe!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided