Viewport width =
July 27, 2009 | by  | in Opinion |
Share on FacebookShare on Google+Pin on PinterestTweet about this on Twitter

Kōrero o te Tumuaki

Kō ngā kōrero o te Tumuaki
Ko Tapuae o Uenuku te Maunga
Ko Waiautoa te Awa
Ko Te Tai o Marokura te Moana
No Kaikoura te Whenua
Ko Takahanga te Marae
Ko Marukaitatea te Whare Tipuna
Ko Ngāti Kurī te Hapu
Ko Ngai Tahu te iwi
Ko Victor Manawatu ahau

I te tuatahi me mihi ki te matua nui i te rangi, nānā nei ngā mea katoa. Ki ngā mate o ia marae, o ia marae haere, haere, haere. Āpiti hono, tātai hono. Te hunga mate ki te hunga mate. Āpiti hono tātai hono te hunga ora ki te hunga ora. Tātou ma ngā kanohi ora, tēnā koutou, tēnā koutou, tēnā koutou katoa.

Kia ora koutou katoa. Ko Victor Manawatu tōku ingoa. I tēnei wā ko au te tumuaki o Ngāi Tauira, te rōpu ākonga Māori o te Whare Wānanga o te Ūpoko o te Ika a Māui.

I tipu ake te rōpū o Ngāi Tauira mai i te whakaaro ō ngā tauira Māori mō tētahi rōpū ki te tū, ki te panaia a mātou nei whakaaro, i a mātou nei tumanako, ā, i a mātou nei wawata hoki i te Whare Wānanga. Ko Ngāi Tauira te rōpū e mahi tonu ana tēnei kaupapa.

Ko te kaupapa tino nui o Ngāi Tauira, hei tautoko, hei manaaki, hei āwhina hoki ngā tauria Māori katoa. Ka tū tonu mātou ki te kōrerorero i ngā hiahia o ngā tauira ki te rōpu whakahaere.

Ko tō tātou nei kōrero moemoeā, ‘Hei muka tuitui i te korowai whakamarumaru i te hunga e whanake ana’.

He nui ake te mahi o tā tātou nei rōpū i tēnei tau. Ko te whakaaro nui o mātou ki te whakanui i ngā mea pai i te maramataka Māori me ngā mea pai i te maramataka o te whare wananga, mai i te timata o te wāhanga tuatahi ki te mutunga o te wāhanga tuatoru.

I te timata o te tau ka mahi mātou ko Te Herenga Waka, Ko VUWSA i te hāngī ānini te māhunga. He rā pai tēnei mō ngā tauira hou ki te tūtaki i ētahi whānau i te whare wānanga.
Ka tū hoki mātou ki te whakanuia i te hui whakapūau. Te rā pōtae mo ngā ākonga i whakamutu i a rātou nei tohu mātauranga. I hoatu mātou i tētahi taonga mai i te rōpū o Ngāi Tauira ki ngā ākonga i haere mai ki raro i te korowai o Toihuarewa.

Ka noho a Ngāi Tauira i waenganui o te Rōpū Te Mana Akonga. Ko Te Mana Akonga te rōpū tauira Māori ō Aotearoa. Ko te tumuaki o Te Mana Ākonga te māngai mō ngā tauira Māori katoa i ngā whare wānanga me ngā kura tini hoki. Ia tau, ia tau ka haere a Ngāi Tauira me ētahi atu tauira, mai i te whare wānanga o te Ūpoko o te Ika, ki Te Huinga Tauira. Ko Te Awhioraki, nō Ōtautahi, ngā kaiwhakahaere o Te Huinga Tauira i tēnei tau. Nui ake ngā whakataetae i te huinga, ā, ko te Kapahaka, Manu kōrero, Kareoki, me ngā Hākinakina.

Ināianei ka whakamana a mātou i te wiki o te reo Māori. Ahakoa ko mātou nei whakaaro, ko ia ra, ia wiki, ia marama, ia tau, ngā wā ki te whakamana i a tātou nei reo. Nō reira ngā mihi nunui kia koutou katoa i a koutou whakaaro pai i whakanuia te reo ō mātou nei tīpuna. I te mutunga o ia wāhanga ka whakahaere mātou i ngā pō whakangāhau mō ngā tauira kia whakatā.

Ahakoa ka mahi tātou i ngā mahi pai, i ngā mahi whakangahau, ko tā mātou i kōnei he raupī, he whenawhena i ngā tauira i tēnei Whare Wānanga mana nui nei.
Mauri ora whānau.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge