Viewport width =
July 27, 2009 | by  | in Opinion |
Share on FacebookShare on Google+Pin on PinterestTweet about this on Twitter

TE TAUWHĀINGAROA

I te rā rua tekau mā waru o Pipiri, i tū tētehi oma roa i Pōneke, arā, ko te Pōneke Haurua Tauwhāingaroa. Ka uru ētehi o ngā tauira Māori o te Whare Wānanga o te Upoko o te Ika a Māui, ā, ko ētehi i whakangungu mō te tekau wiki ki te whakapakari i ō rātou tinana kia pai tā rātou oma. E hia kē mai ngā māero i oma rātou kia oti tēnei rēhi!! Haere ai rātou ki te whare hākinakina oma ai ia wiki. He uaua te parakatihi ki ētehi nā te mea, ehara aua tauira i te kaioma! He taniwha te oma ki a rātou! Ahakoa tērā ka parakatihi tonu tae noa ki te rā rēhi. Kāore ētehi atu i parakatihi mō te rēhi nei. E ai ki a Pania Lee, “Ehara au i te kaioma, waihoki, kāore au i parakatihi!” Heoi, nā wai rā ka mutu te oma, ko ngā whiwhinga he pai ake tōna taima mō te rēhi ki ērā o mātou! (I pēhea? Ko wai ka mōhio?!) Tokoono ngā tauira i uru i te rēhi, ko Jamie Winiata rātou ko Albert Tibble, ko Pania Lee, ko Arini Loader, ko Te Atawhai Kumar, ko Christina Gonzalez. Ki tā Jamie, kapakapa ana te whatumanawa, ka wiriwiri ōna waewae, ēngari ka tae ki te rāina rēhi, ka kite ia i ōna hoa me tana tāne, ka tau te rangimārie, ka rite. Ka uru ētehi o ngā tamariki o ngā kaioma, arā, ko Tahiwi Loader rātou ko Piper Maaka, ko Griffin Maaka, ko Shafan Tira Lee-Kirk. He pai te oma ki a rātou, ā, i muri i te oma, ka haere rātou ki te whare kauhoe whakatā ai. He mea tino nui tēnei tūmomo mahi, te whakapakari i te tinana, i te wairua hoki. E ngā kaioma, he pai ōu koutou mahi, kei te mihi ki a koutou katoa. Me mihi anō hoki ki a Ngāi Tauira mō tā rātou tautoko i tēnei oma.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided