Viewport width =
July 26, 2010 | by  | in Opinion |
Share on FacebookShare on Google+Pin on PinterestTweet about this on Twitter

Mā Whero, Mā Pango, Mā Mā e Wikitoria ai te Poitarawhiti!

Tutū ana te puehu i te papa poitarawhiti o te Whare Wānanga o te Upoko o te Ika, i te whare e kīa nei te ‘Rec Center’. He pakanga nui kei te haere, arā, hei ia Rāapa, mō ngā wiki e 9, ka tū te tauwhāinga poitarawhiti mō ngā tauira o te whare wānanga nei.

Kua whakaurua e Ngāi Tauira e toru ngā tīma toa ki tēnei tauwhāinga; Tīma Whero, Tīma Pango, Tīma Mā. I te tīmatanga o tēnei tau i uru atu a Tīma Whero, Tīma Pango hoki ki ngā tauwhāinga o te wahanga tuatahi, ā, i tae atu a Tīma Pango ki ngā whakatauranga mō te tūnga tuatahi, tuarua rānei.

Ahakoa tē wikitoria e rātou, i puta anō te hiahia ki te pūrei, ki te nanaiore atu i taua tūnga tuatahi. Anō hoki, nā te nui o te hiahia a ngā tauira ki te pūrei, ka whakauru atu a Ngāi Tauira i a Tīma Mā. Nā tērā, e toru ngā tīma ināianei hei whakahihiko i tēnei whakataetae. Nō tērā wiki anō i tukituki a Tīma Pango ki a Tīma Mā, ā, nā wai i toa? Nā te Tīma Pango i eke panuku! Tēnā, ki tā Te Waka Tōreni whakaaro, “Rrrrrrrawe rrrrrrrrrawa atu!” te kēmu i tērā wiki.

I tēnei wiki ka pakanga atu a Tīma Pango i a Tīma Whero, ā, ko wai ka hua, ko wai ka tohu? Ki te wātea mai koe, anga tō haere ki te Rec Center mō tēnei kēmu hei te Rāapa, 7pm. Haurua hāora noa iho te roa o ia kēmu, ka mutu, taihoa e haere, ko te kēmu a Tīma Mā whai muri mai i te 7:30pm.

Hei tāpiri, he tīma anō tā te rōpū tauira Māori o Ngā Rangahautira. Ka whakapau werawera te tīma nei i te Rāapa, 4pm o tēnei wiki. Tutuki ai rātou i te tīma e kīa nei ko Ballers.

Tēnā ki te pirangi koutou te marea te haere ki te tautoko atu i ēnei tīma e toru, e whā hoki, whakapā atu ki tō hoa – kāore e kore kei te mōhio rātou – mō ngā wā o ngā kēmu. Ka taea koe te whakapā atu ki a Natalie rānei (natalie.goldsmith@vuw.ac.nz).

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Am I my skin?
  2. The Trauma of the Non-Voter
  3. Marshall Islands deliberate whether to ban nuclear weapons
  4. Vanity Fair — W. M. Thackeray
  5. Her Legacy
  6. GIG GUIDE
  7. The Fury of [our] own Momentum: Twin Peaks, Protest, and the Bomb
  8. VUWSA
  9. Editors’ Letter
  10. Mario + Rabbids Kingdom Battle
brigid

Editor's Pick

I’m Not Sure How I Feel: Disillusionment With Elections

: - SPONSORED - This post-election sentiment was written prior to the election, due to both the limitations of print and the pervasiveness of this disillusionment beyond the election’s outcome. If there was a revolution over the weekend, some of these thoughts can be disregarded.