Viewport width =
July 26, 2010 | by  | in Opinion |
Share on FacebookShare on Google+Pin on PinterestTweet about this on Twitter

Ngā Māra Kai ki Ōwhiro

Kāore e tawhiti mai i te tāone o Te Whanganui-ā-Tara he hapori e kaha ana ki te āwhina i ngā whānau ki te whakatō kai, ki te mahi māra.

Mehemea e mōhiotia ana koe ki te whanga o Ōwhiro kei reira te rori matua o 72 Happy Valley ngā whare o Mokai Kainga me ngā māra hapori o Ōwhiro.

Ko Mokai Kainga tētahi Ratonga Hauora Māori e kaha ana ki te whakatō i ngā tikanga o te whakawhanaungatanga, te hauora, te mātauranga, te rapu mahi mā te ‘Māori, mō te Māori’ i te hapori o Ōwhiro me Te Whanganui-ā-Tara.

I te pikinga o ngā utu o te kai mā ngā whānau, me te kaha pēhitanga i runga i ngā whānau ki te utu i o rātou pire hei oranga mō rātou, i tīmatahia tēnei kaupapa o ngā māra kai mō te hāpori o Ōwhiro e Mokai Kainga. Otirā, i pau katoa ngā ngakinga māra i Brooklyn, ka whakaarohia e Robert Te Whare, te kaiwhakahaere o Mokai Kainga, ki te whakamahi i ngā whenua i muri i ōna whare hei wāhi āhuru, hei whakatō kai mā te hapori.

Ono marama ki muri i tīmata te whakapai o ngā whenua i muri i ngā whare o Mokai Kainga hei whakarite i ētahi māra. I ngā wā o mua ko ēnei whenua katoa he kōawa.

Ki te haere koe ki reira ināianei he rahi ngā māra, he hōpua kei reira kī ana i te tuna me te wātakirihi, he rakiraki kei reira mō ngā tamariki hei whāngai hoki.

Nō reira ki te pīrangi koe, tō whānau me ōu hoa ki te whakatō kai, mahi māra rānei, haramai ki te tono i tētahi māra māu.

Ka haramai ngā whānau mai Strathmore rānō ki te whakatipu kai, arā noa atu ngā momo tāngata ka haramai ki te whakatipu kai mō a rātou whānau.

Ko te nuinga o ngā kai e whakatipu ana ki ngā māra nei, he mea koha mai i ngā whānau, arā, he ‘heirloom’ katoa ngā kākano. Tekau mā rua ngā momo rīwai e whakatipu ana ki reira. E rima o ērā he rīwai Māori. He puna kei reira mō ngā whānau, he rongoā Māori anō hoki o reira.

I tēnei tau i tohatoha katoa ngā kai mai i ngā māra ki ngā whānau katoa o te hāpori o Ōwhiro, puta noa atu ki Porirua, ki Te Awakairangi. Otirā, e mahi tahi ana a Mokai Kainga me te Ara Poutama o Aotearoa ki te āwhina i ngā tāngata e raru ana i te ture ki te mahi i roto i ngā māra. Arā, ka taea hoki rātou ki te whakahoki ki ngā kāinga i whakatōhia e rātou i ngā māra nei.

He rahi ngā painga kua puta i ēnei māra, ahakoa kotahi tau noa iho ēnei māra e tipu ana. Ko te tūmanako ka muia ēnei māra e ngā ringa raupā, ngā ringa whānau hei ngā tau e heke mai nei.

Anei ētahi tohutohu mai i ētahi o ngā kaingaki māra o ngā māra nei:
• Kaua e haere ki te māra, ki te mate wahine koe
• Kaua e patero (ka aroha hoki ki ngā huanga kai!)
• Kaua e whakatō kai mēnā kei te riri koe
• Kuhu ana koe ki te māra i tō wā tuatahi, karakia ki a koe anō.

Mēnā kei te hiahia koe i tētahi ngakinga māra, waea atu ki a Mokai Kainga: (04) 383 4922.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. VUWSA Responds to Provost’s Mid-Year Assessment Changes
  2. Te Papa’s Squid is Back and Better Than Ever
  3. Draft Sexual Harassment Policy Consultation Seeing Mixed Responses
  4. Vigil Held For Victims of Sri Lankan Easter Sunday Attacks
  5. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  6. Eye on the Exec – 20/05
  7. Critic to Launch Hostile Takeover of BuzzFeed
  8. Issue 10 – Like and Subscribe
  9. An Overdue Lesson in Anatomy
  10. Astral Rejection

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov