Viewport width =
July 26, 2010 | by  | in Opinion |
Share on FacebookShare on Google+Pin on PinterestTweet about this on Twitter

Ngā Tohutaka (Recipes)

Kūmara Taūmu
(Kumara Bake)

Momo kai

Kūmara—600 kerēme, kua waruhia,tapahia, ngakungakutia
Rīwai—4 rahi tauwai (medium), waruhia, tapahia, ngakungakutia
Paukena—250 kerēme, waruhia, tapahia, ngakungakutia
Pēkene—4 poroangi, tapahia, ngakungakutia
Aniani—1 rahi tauwai, tapahia, ngakungakutia
Tōmato—2 rahi tauwai, taphia, ngakungakutia
Titiwai—1 peka, horoia, tapahia, ngakungakutia
Hua manu—3, kōhua mārōtia, whakangakungakutia
Hinu Oriwa (Pata rānei)—1 koko rahi
Pepa kaene—1 koko rahi
Tumeriki ngakungaku—1 koko rahi
Tote—1 koko rahi
Pepa—ki tōna rekanga
Waiū mōmona—600 miririta
Waiū—250 miririta
Tīhi—pārekareka, ngakungakutia
Paraoa ngakungaku—hei pūehuehu uhi kapipai te tīiti

Ngā Tohutohu

1. Whamahanatia te umu ki te 180 orau. Pania te kumete umu ki te pata
2. Wai-koropupūtia ngā kūmara, rīwai me te paukena kia weherua te maoa.
3. Ringitia atu te nuinga o te wai me te āpiti poro pata ki roto, ka raua atu ki te kumetū umu ka waiho ki tahakī.
4. Whakaweratia he hinu, pata rānei ki roto kōhua, ka āpiti ngā aniani kia tata māoa, ka apiti hoki i ngā kīnaki (seasong) me te pēkene ka whakaoti te tunu.
5. Huia atu te waiū, te huamanu me te tōmato ki roto i te huinga pēkene kua tata maoa ka raua atu nga kāputi tata māoa me te kōrori ngāwari katoatia.
6. Māturuturu atu te tīhi ngakungaku me te rū kōangiangi atui te paraoa ngākungaku ki runga atu o te tīhi kua ngakungaku.
7. Tunua i roto umu mo te 35–50 meneti, ā kia ngāwari pai ngā hua whenua.
8. Māu anō e mea ki raro i te rinowera kia tunua parauritia te tīhi o runga.
www.icook.co.nz/pages/maori/Kumara_Bake_Maori.htm

He Kūmara Roroi
(Kūmara Pudding)

Ngā Whakaritenga:

Whakaritenga ngā mea katoa
Horoia ngā ringaringa
Ngā tautapu:
• he naihi koi
• he paepae tunu papaku
• he taputapu kuoro
• he omu
Ngā Kai
6 ngā kumara āhua rahi
1/2 kapu huka (kei a koe te tukunga)
he pata, he inu ranei (kai iti nei) he pani i te paepae tunu

Ngā Tohutohu

Whakamahanatia te omu kia 180ºC te pāmahana.
kuhuna komohia te pae omu ki roto o te omu i te tuatahi
Pania te paepae tunu ki te pata, kite hinu rānei
Āta horoia ngā kumara ki te wai
Kuorotia he “roroi”
Whakatakotoria te roroi nei ki te paepae tunu.
Uwhiuwia te huka ki runga ake
Tapahia te kūmara kotahi e toe ana
Horaina ngā tapahanga kūmara ki runga ake, te roroi mā e tunua ana.
Tunua i toto i te umu mō te 1 haora.
Kua rite ki te kai. Whakamātauria te waipupura, te kirimi rānei hei kinaki. Kia mātao te roroi, ka taea anō te tapahi, ka pani kite pata me te tiamu.
www.icook.co.nz/pages/maori/He%20Kumara%20roroi_maori.htm

Kānga Piro
(Fermented Corn)

Ngā Kīnaki

Kānga mā (waruhia)

Ngā Tohutohu

Purua te kanga mā ki roto i tetahi pēke parāoa puehu, ā, purua ki roto i te wai mā e rere ana, ki roto i tētahi taramu rānei (ki te mahi mā roto taramu, me huri te wai ia rā).

Waiho mō ngā marama e rua ki roto i te wai. Ki te ngāwari te kānga, tēnā, kua rite. Tango kia rua ngā kapu kānga, horoia, ā, tūpenupenutia.

Purua kia ono ngā kapu wai e koropupū ana ki roto i tētahi hōpane, ā, tāpiri atu te kānga tūpenupenu, kōrarihia ētahi wā.

Waiho kia koropupū iti noa i runga i te wera ngāwari mō te kotahi hāora.

Whakaratongia ki te kirīmi me te huka. Kia maha te huka.

He Hupa Pipi
(Pipi Soup)

Ngā Kīnaki

Kotahi te kapu pipi
Hāwhe tīpune natimeke
Kotahi te aniani kua tapatapahia
E rua ngā kapu wai
E rua ngā pune rahi o te pāhiri
Kotahi te pune rahi o te pata
Tote me te pepa, kia reka
E rua ngā pune rahi o te puehu kānga

Ngā Tohutohu

Mōtetehia ngā pipi, raua atu ki roto i tētahi hōpane me te wai, aniani me te pāhiri. Waiho mō te 30 miniti kia koropupū iti noa.

Tātarihia, raua atu ki rō, whakahanumi [mix] rānei, kātahi whakahokia ki te hōpane.

Kōrarihia kia rua ngā pune rahi miraka me te puehu kānga, kātahi tāpiri ki ngā pipi natimeke hoki, ā, kōrarihia ētahi wā kia koropupū.

Tāpiri te tote me te pepa kia reka.

Tango, whakarato me te rewana, parāoa parai ranei.

Kirīmi Pāua
(Creamed Paua)

Ngā Kīnaki

E rua ngā pune rahi o te parāoa puehu
E rua ngā pune rahi o te pata
Kotahi te kapu miraka
Te tote me te pepa
Kotahi te aniani
500 karamu o te pāua
Hāwhe kapu o te kirīmi

Ngā Tohutohu

Hei mahi i te kīnaki, rewahia te pata, kātahi ka tāpiri atu te parāoa puehu. Tāpiri atu te miraka, ā, ka kōrarihia i runga i te wera ngāwari kia kukū. Tāpirihia te tote me te pepa.

Kia rahirahi te tapahi o tētahi aniani, ā, tāpiri atu ki te kīnaki. Hipa atu te 10 miniti, tāpiri kia 500 karamu o te pāua, kōrarihia.

Tāpiri atu he hāwhe kapu o te kirīmi, waiho kia koropupū, kātahi tangohia mai te werawera. Taupokia, waiho kia tunu te pāua.

Ki te hiahia koe, tāpiri atu kotahi te tīpune o te puehu kare ki te parāoa puehu i roto i te kīnaki mō te pūkara.

Ka whāngai tēnei kai kia whā nga tangata (kia rua ngā Māori e mate kai ana rānei).

Kai Kōhua
(Boil Up)

Iwi Poaka Kōhuatia
Momo Kai

1. Iwi Poaka—3-4 kiro kereme (kk) (tiehutia ki te wai mātao)
2. 8-12—Rīwai, rahi haurua, waruhia, horoia, tapahia hauruatia, whakaritea kia 2-4 poro rīwai mō ia tangara.
3. Kūmara—4 kūmara rahi haurua. Waruhia, horoia, tapahia hauwhātia.
4. Wairikiriki, Pūhā rānei—kōurutia ki te wai.

Ngā Tohutohu

Whakaritea te Wairikiriki, te Pūhā rānei, (ā, tētehi atu rau kākāriki rānei) 30 meneti pea i mua tata o te maoatanga o ngā iwi poaka, kia mou tonu ai te matamatanga o ngā rau. Me whai ipu rahi tonu he whāngai i te whānau toko ono. Kā maoa te wairikiriki me te pūhā, e hekenui tonu ana tōna nui.

• Wairikiriki—Tapahia atu ngā peka raro me te ata horoi i te toenga o ngā rau, ka uhi, ka waiho ki tahaki
• Pūhā—Tapahia atu ngā ūpoko o ngā pūhā, ngā putiputi me ngā peka raro. Āta kōurutia ki te wai me te whakahou i te wai, ka kōuru ano. Ka pērātia ano mo te 2-3 wā. Uhia ki te tauira mākū ka waiho ki tahaki

1. Raua atu ngā iwi poaka kua kōurutia ki te wai ki tētehi kōhua nui, ka whakakī ki te wai ki runga ake o ngā kōiwi. Tunua kia koropupū ka waiho kia mirumiru mai i te weranga ngāwari mo te 2 ki te 2-1/2 hāora, me te whakakī tonu ki te waiwera ki runga ake i ngā kōiwi i te wā e tunu ana.
2. Raua atu ngā rīwai me ngā kūmara ki te kōhua kua tata maoa ngā iwi poaka me te whakapiki ngāwari i te wera. Kia tūpato, kia noho tonu te wai i runga ake o ngā hua whenua. Tunua mo te 20 ki te 30 meneti, ā, ka tango ake i te wā e āhua matamata tonu ana ngā hua whenua.
3. Raua atu te wairikiriki ki ngā iwi me ngā huawhenua. Mētia atu ki runga i ngā kūmara me ngā rīwai me te whakatūpato e kōuru tonu ana i te wai. Kia ngāwari te tunu mo te 15 meneti, ka raua atu ngā poro parāoa, a, tametame rānei, kā waiho noa iho kia tunu. Kaua e kōroria, ā he tikanga ano tēnei (arā te rū tote atu ki tōna rekanga, ā he apiti kīnakinaki i te wā e tohatia ana āra ki runga i te wairikiriki) kā tunu kia ngāwari.
4. Tātaritia ake te wai ka toha me te parāoa Māori i te maoatanga o te wairikirirki, te poro parāoa, te tametame rānei, kua āta maoa ā roto mai.
www.icook.co.nz/pages/maori/Rarangi_Tuna_Kai-boil-up.htm

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge