Viewport width =
July 26, 2010 | by  | in Film |
Share on FacebookShare on Google+Pin on PinterestTweet about this on Twitter

This Way of Life

Film

Nō ngā tau e whā kua pahure ake nei, kua tū a Peter Karena hei kaitito, kaihautū hoki o te pakipūmeka ‘This Way of Life’, e hāngai pū ki tōna oranga me te oranga o tōna whānau hoki. Me he tangata e mau ana i te mata e pupū nei i te mura o Hollywood, ā, he matatau, koi hoki ki te eke hoiho, ko Peter tēnā. Kāti rā, ka ora ai te toki nei mā te whai i nga uara o te ora me te tika, e ngaro nuitia nei i ēnei ra. Ahakoa no Ūropi te tangata nei, i whāngaitia ia ki tētahi whānau Māori, ā, kua Māori katoatia, i tua atu i tōna kiri. He toki ki te whakawhiti-kōrero ki ngā hoiho, he toki mō te rapu kai, mō te mahi hanga whare, ā, he hoa rangatira, he matua hoki.

Ahakoa ngā piki me ngā heke, e kore rawa a Peter e mate ā-moa, ā, ko tētahi tino tūāhuatanga kua pokea nei i ōna pokohiwi, ko tōna hononga kua roa nei e noho whati ana, ki te hoa rangatira o tōna whaea, e kore rawa e waihotia nei i a ia.

Ko te hoa rangatira o Peter, ko Colleen Karena (nō Ngati Maniapoto), te kaipupuri i ngā taonga tuku iho o tōna whānau. Me he hanga e rite nei ki ngā tūpuna whaea rangatira, ko Colleen tērā e whakarite nei i tōna whānau ki te mea nui o tēnei ao, anō hoki, ko tōna tūranga hei Māma tōna mahi tūturu i roto i tēnei ao. Hei ngā wāhanga whakaotinga o te pakipūmeka, ka kite tātou ko tōna tūāhuatanga noho ngū e taupokitia nei tōna manaakitanga ki ōna tamariki, ā, ka kitea ki roto i te oranga ā-tinana, ā-wairua hoki o ōna tamariki. Tokoono ngā tamariki, anō hoki, e rima tekau ngā hōiho kei te whānau nei. Kei ngā pae maunga o Ruahine, kei tētahi ākau huna e mura ai te ahikā o te whānau Karena. Ki kōnei kite ai ngā whēkau o te whānau, tā rātou hononga ki te Wao-Nui-a-Tane hei kaitiaki, me te aroha nui rawa atu i waenga i a rātou.

Ka pupū ake ngā kare ā-roto i te nui o ngā mahi a te whānau nei, pērā i tō rātou whakapau kaha kia tau te rangimarie i waenga i a Peter rāua ko tōna pāpā; te pāhuatanga o ngā hōiho; me te toronga o tōna hau kāinga te hua noa. Ka whai atu te hunga kaimātakitaki i a rātou nekehanga i tēnei ao hurihuri, i te taiao, i te ngāhere.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge