Viewport width =
July 18, 2011 | by  | in Features |
Share on FacebookShare on Google+Pin on PinterestTweet about this on Twitter

Te Kapa Haka o Ngāi Tauira

Te takahi o te waewae
Te wiriwiri o te ringa
Te piu o te poi
Te tīoriori o te reo
Te haruru o te haka

Ko wai rā, ko wai rā?
Ko Ngāi Tauira Kapa Haka e ngunguru nei!
I au! Au! Aue hā!

Kua tau te puehu, kua heke te ārohirohi o Tane-Rore, kua memeha te reo waiata o Hine Rehia, kua ea te taha ki te taumāhekeheke kapa haka o Te Huinga Tauira ki Pōneke 2010, ā, ko Te Kapa Haka o Ngai Tauira tērā e tū ana i te whatārangi toa. Ko Manawatahi nō Te Papaioea kei tōna hope, ko Te Rōpu Māori kei ōna rekereke. Ahakoa te whakatakotohanga wero a Manawatahi ki a Ngai Tauira i Ōtautahi, arā, ka eke ake rātou ki te taumata panekiretanga o ngā mahi haka, kāore i ea te pana i a Ngai Tauira mai tōna taumata toa. Hitara rī ana te tū o te tōtara haemata nei mō ngā tau e toru kua pahemo.

Ka tika, kia rere ngā reo aumihi, ngā mihi maioha ki ngā rōpu katoa i tū i te pō, te 27 o Ākuhata. I whakatinanatia te ihi, te wehi, te wana o ngā taonga whakahirahira nei i tukuna mai e rātou mā kua mene ki te pō. Kīkī ana te hōrō o te kura kaiako ki Karori i te marea i whakaemi mai ki te hāpai i te tūranga o ngā kapa. Mārakerake ana te kite i te pikingao te taumata o te whakataetae nei, ā, hei tōna wā pea ka tū tahi ia i te paerewa o Te Matatini.

Nā te tokotoru tapu nei, a Te Urikore Biddle, a Patrick Hape rātou ko Ani-Piki Tuari, te ope o Ngai Tauira i whakairo kia tū i te tū a Tane Rore, a Hine Rehia. Nā te hekenga mai o mōtuhi, o werawera i ea. Me mihi anō hoki ki te hunga i hāpai, i whai pānga ki te rōpu nei, ki a Daniel Rangawhenua, Angela Karini, Earl Karini, Whatanui Winiata rātou ko John Tuari.

Heoi, kua tō te rā ki tēnei kaupapa. Kua ara mai ko te tau 2011, ā, ko Te Huinga Tauira ki Tāmaki Makau Rau kei te paerangi e whakatata mai nei. Engari ko Ngai Tauira anō tērā e whakatere ana i te waka o Kapa Haka kia tūtuki ai te tū i te whata rangi o wai, o haka.

Nā KŌkako o te KĀhui manu

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided