Viewport width =
July 18, 2011 | by  | in Features |
Share on FacebookShare on Google+Pin on PinterestTweet about this on Twitter

He Uiui ki a Kuikui

Tēnā, whakahuihui mai koutou mā mō tēnei wahanga He Uiui ki a Kuikui. E ono ngā pātai, e ono ngā whakautu. Pānui mai.

Kuikui,
He aha te take ko au ko koe, ko koe ko au?
Naku noa, Au me Koe.

Ehara koe i ahau e moko. Ko ahau a Kuikui. Ko koe a Moko, ihu hūpē, tamaiti wāwāhi taha. He uri pea nōku engari kia kaua e pōhēhē ko tāua, tāua.

E Kui,
Ko Tauira o te reo Māori ahau. Titiro mai tautoko i te korero Māori. Kei whea?
Tauira

Aue e tama/hine. He nui tonu ngā rautaki whakaora, whakapakari reo i ēnei ra. Kura kaupapa, kohanga reo, wharekura, whare wānanga me ngā rautaki pēnei i te Ātaarangi. Te āhua nei me tere to rapu he ara kia whakapakari i tou reo. Ki te kohanga reo pea?

Tena koe e Kui,
He pātai tāku. He aha te mua nui o te ao ki a koe?
Kia ora,
Rūpenupene

He aha te mea nui ki ahau? E toru pea ngā wahanga ki taku whakautu. Tuatahi, ko ōku matua, ōku tipuna. Na rātou ko au. Tuarua, ko ahau. Ko ahau tēnei e tu ake nei. Tuatoru, ko ōku tamariki, ōku mokopuna. Ko rātou ngā uri o tēnei e tu nei. Nō reira he tika anō te korero. Hutia te rito o te harakeke…he aha te mea nui o te ao? He tangata, he tangata, he tangata.

E kui,
Ko tēnei taku tau rua tekau ma tahi ki te whare wananga, me noho tonu au, me haere ranei?
Na Tane

Hika ma e moko. Me pēnei taku korero ki a koe. Kaore he mutunga ki tēnei mea te huarahi o te mātauranga, engari me mōhio mārika koe, a tona wā, me hoki koe ka tika ki ōu maunga kia tuku i ōu mōhiotanga ki ngā uri whakaheke o t/ōu iwi. Kei a koe te whiriwhiringa hei āhea taua wā.

E kui,
E kōingo ana ahau ki tetahi tane, engari he tane whaiwhai wahine ia. Me aha au?
– Mate Kanehe

E hine! Kaua e whaiwhai i te tane whaiwhai wahine. Me oma atu ke koe. Katahi ano ia ka whaiwhai i a koe.

Kuikui,
Nō hea o tini mātauranga? Me pēhea au e whai i to tauira?
Naku noa, nā tō pononga i te mātauranga.

Ahhhhh, nō ngā Atua e moko! Nō ngā rangitūhāhā ōku tini mātauranga. Engari anei he timotimo kai ma to kete mātauranga:
1. Kainga ōu huawhenua!
2. Whakarongo ki o matua, ki o kaumātua.
3. Tīkina he kapu tī moku…katahi au ka whakautu i tou pātai tuarua.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Your silent cries left unheard
  2. How it Works: On the Climate Change Response (Zero Carbon) Amendment Bill
  3. Is Vic Books Missing Out on the Living Wage Campaign?
  4. Jesus Christ Super-Nah, Saviour’s New Political Party May Need Miracle
  5. Issue 12 – Friendship
  6. SWAT: Friendship Column
  7. Inevitable Entanglement
  8. HOROSCOPE WEEK OF JUNE 3: FRIENDSHIP
  9. Liquid Knowledge: On Israel and Palestine
  10. An Ode to the Aunties

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov