Viewport width =
July 18, 2011 | by  | in Music |
Share on FacebookShare on Google+Pin on PinterestTweet about this on Twitter

House of Shem: Island Vibration Review

Ko tēnei te kōpae tuarua mō ēnei toki Māori o te ao waiata reggae ki Aotearoa nei. Ahakoa ko tēnei tō rātou kōpae tuarua noa, kua wāia kē rātou ki ēnei mahi. Ko ētahi o rātou i ngā rā o mua kua tū mō ngā pēne pērā kia Herbs me The Twelve Tribes Of Israel.

E hoa mā, i te tino hihiko tōku manawa i tōku rongo mō te putanga mai o tēnei kōpae. Nā te aha i pēnei ai? Nā te mea ko tō rātou kōpae tuatahi (Keep Rising) tētahi o ōku tino kōpae i roto i tēnei ao! E hia kē ngā waiata e whakahiki nei i te wairua pērā ki a ‘Thinking About You’, ‘Keep Raising’ me ‘Dreams’ e hika mā, ngā mea katoa! Nō reira, kua tōhua kē tēnei kōpae i te taumata tiketike hei eke.

Ahakoa i te hihiko te manawa, i te āhua āwangawanga hoki au nā runga i ōku whakaaro “ka taea tēnei kōpae ki te eke ki ngā taumata tiketike o te kōpae tuatahi?”

I au e whakaaronga ana ki tēnei kōpae ka hoki mai ngā oro rongonui o House of Shem, te tangi o te pūtohe me te ia o te reggae. Ahakoa te whānui, te rongonui o tēnei mea te reggae, he mita reggae anō tō Aotearoa. Ki te hiahia koe ki te rongo ki tēnei momo reggae nei rā te kōpae mō tēnā.

Ko te pai nui, ‘i eke ki te taumata o te kōpae tuatahi?’ ki ahau nei, kāo. Heoi, kāore i te tino tawhiti tōna ekenga ki taua taumata rā. He āhua ngāwari ake te ia o tēnei kōpae. He pai mō aua haerenga roa mā runga motokā i te raumati me te whakatā i te wairua.

Ko ngā waiata pai ki au ko ‘Party’ me ‘Sweet Love’. Ka nui te mihi hoki ki a rātou mō tō rātou mahi ngātahi i te taha o Ruia ki te tito he waiata reo Māori mō te kōpae nei, ‘Tahuri mai’. Mauri ora.
8/10

NĀ Pītoitoi o te Kāhui Manu

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. AUSA President Anand Rama Resigns
  2. My Attention is Broke
  3. WHERE VIRAL DREAMS GO TO DIE
  4. Storytime: Angst, Agony, and Adorable Babies in Teen Mom YouTube
  5. VUWSA Responds to Provost’s Mid-Year Assessment Changes
  6. Te Papa’s Squid is Back and Better Than Ever
  7. Draft Sexual Harassment Policy Consultation Seeing Mixed Responses
  8. Vigil Held For Victims of Sri Lankan Easter Sunday Attacks
  9. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  10. Eye on the Exec – 20/05

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov