Viewport width =
July 18, 2011 | by  | in Features |
Share on FacebookShare on Google+Pin on PinterestTweet about this on Twitter

Hui Whakapūmau

He tamaiti akona ki te kainga, tu ki te marae, tau ana.

Koia nei te whakatinana o ngā mahi o te whare wananga. Nā taku whanau anō ahau i kawe ki te whare wananga i runga i te mōhio ka upoko pakaru ki ngā mahi. A, nō te marama o Haratua i tutuki, i ea taua wahanga ki te whai i te tohu paetahi mō te ture. Tau ana ahau me ngā tauira mō to matou whakapotaetanga.

Ka ao ake a Tama nui te Ra ki roto o Hinetakurua hei reo karanga mō ngā mahi kei mua i te aroaro. A, na ngā manu korihi o te Herenga Waka te reo pōhiri kia matou kia whakaeke ki te marae mō te Hui Whakapūmau. Whai muri mai i te pōhiri, ka tīmata ngā mihimihi, tuku taonga o Ngai Tauira me te karakia whakapūmau.

Hei kīnaki i ngā mihi me ngā taonga, i tu a Mereana Hond, tētahi o ngā tauira o mua ki te tuku korero mō ana mahi whakaata mō te hongere o Al Jazeera. Ko tāna, ahakoa te aha, me whai whakaaro koe kia koe anō, a me whakangungu, whakatika ia koe anō hoki. Ki reira koe takahi i te ara o poutama, i te ara o te mātauranga. A, ko te manu e kai ana i te mātauranga, nōna te ao.

Nō te pō tonu i tu te whakapotaetanga mō ngā tauira Maori e kiia nei ko Toi Huarewa. He kaupapa nui whakaharahara kia tu te kanohi Maori ki runga i te atamira me tona whakawhiwhi ki te tohu paetahi. Nōku anō te maringanui kia tu ki mua i te aroaro ki te whakaputa i waku whakaaro me te whakahoki i ngā korero ki te hunga na rātou i whakarite i te hui o Toihuarewa. Ko tāku, he tuku mihi kia rātou i whāngai, i awhi, i whakarongo kia matou ia matou e takahi ana i tēnei ara, ngā piki me ngā heke, ko taua hunga anō tera i tu hei poutokomanawa, hei tuara mō matou. Koia nei te matu o taku kauhau ki te hunga. He tu whakamihi ki runga i te whakaiti me te mōhio ehara taku toa i te toa takitahi engari he toa takitini.

Nō reira, ka waiho aua korero ki reira. Heoi anō, me tuku mihi kia rātou katoa na rātou tēnei kaupapa i tutuki, i ora, i ea. Ki te Marae, Te Herenga Waka, ka mihi. Kia Ngai Tauira, tena anō koutou me ngā mahi nunui mō taua ra. Anō hoki ngā mihi ki te Whare Wananga o te upoko o Te Ika, koutou katoa i whakatu i tēnei hui, e kore te kupu e whakatinana i ngā mihi!

Tena koutou, tena koutou, mauriora kia tātou katoa.

NĀ David Jones

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. AUSA President Anand Rama Resigns
  2. My Attention is Broke
  3. WHERE VIRAL DREAMS GO TO DIE
  4. Storytime: Angst, Agony, and Adorable Babies in Teen Mom YouTube
  5. VUWSA Responds to Provost’s Mid-Year Assessment Changes
  6. Te Papa’s Squid is Back and Better Than Ever
  7. Draft Sexual Harassment Policy Consultation Seeing Mixed Responses
  8. Vigil Held For Victims of Sri Lankan Easter Sunday Attacks
  9. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  10. Eye on the Exec – 20/05

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov