Viewport width =
July 18, 2011 | by  | in Features |
Share on FacebookShare on Google+Pin on PinterestTweet about this on Twitter

Ngā Taura Umanga – Te Rōpū Tauira Māori Mō Ngā Mahi Umanga

Ko tēnei te tau whakamutunga mōku mō tōku pōkairua paetahi i roto i te kaupapa tatauranga, anō nei mō tōku tohu paetahi i roto i ngā mahi pakihi, ngā mahi whakahaere hoki. Ko ngā aronga matua o tēnei tohu ko ngā kaupapa tatauranga me ngā ture pakihi.

I tōku tau tuarua, ka uru atu au ki te kōmiti whakahaere o Ngā Taura Umanga (NTU) nā runga anō i taku hiahia ki te awhi, ki te tautoko hoki i ngā tauira Māori ki te eke ki te taumata. Ā, i te tau 2009, i tū au hei kaitiaki pūtea mō NTU. E ngākaunui ana ahau ki ngā mahi me ngā momo hui e taea e au te uru nā tēnei āhuatanga ōku, he mea whai hua hoki te whakawhanaungatanga i roto i tēnei whāruarua kaupapa mahi.

Ngā Taura Umanga

Ko te kaupapa whānui o Ngā Taura Umanga he poipoi i te whaiora o te iwi Māori, ka mutu, ko tō mātou aronga ko te tautoko i te iwi Māori ki te eke ki te taumata ikeike i roto i ngā kaupapa ūmanga katoa.

Ko mātou te rōpū tauira Māori mō ngā mahi pākihi, tauhokohoko hoki ki te Whare Wananga o te Upoko o te Ika. Ka tautoko matou i ērā tauira e whai ana i te mātauranga pakihi hei eke ki te taumata, ka mutu, ki te whakakīkī i to rātou kete mātauranga. Ko te aroha, te kotahitanga, te manaakitanga me te wairuatanga ngā pou o tō mātou whare.

Ka ū tonu matou o Ngā Taura Umanga ki te tautoko i ngā tauira ki tēnei whare wananga, ka whai wā hoki matou ki te tautoko i ērā tauira e hiahia ana te haere ki ngā momo hui me ngā wananga mō ngā mahi pakihi. Pērā ki ēnei momo hui:

Ngā Wānanga Ako
Te Huinga Tauira
Te Hui a Tau mō ngā Kaitatau
Māori o Aotearoa

Ka whai wāhi ēnei hui mō te whakawhanaungatanga atu o te tauira ki te tauira, te tauira ki te matanga kaitatau hoki. He maha ngā hua o ēnei momo hui mō te whai mahi, te whai tuakana i roto i ngā mahi pakihi, te whakangungu, te poipoi hoki i ngā tauira i a rātou e whakanui ana i te reo Māori, i ngā tikanga Māori hoki.

Kōmiti Whakahaere 2011:

Tia Sorensen – Tumuaki Wahine (Female President)
Richard Cooper – Tumuaki Tane (Male President)
Rana Sorensen – Kaituhi (Secretary)
Lucas Gammie – Kaitautoko Pūtea (Treasurer)
Jessie Gammie – Kōmiti Whakahaere (Executive Member)
Jess Wilson – Kōmiti Whakahaere (Executive Member)
Chris Renwick – Kōmiti Whakahaere (Executive Member)

Nau mai, haere mai e te iti, e te rahi; whakatau mai hei kaitautoko, hei kaimahi o te kōmiti rānei!

Īmera mai: ngatauraumanga@gmail.com
Whai mai mā te Pukamata (Facebook) rānei:
Ngā Taura Umanga

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Turkish Red Lentil Soup
  2. Dragon Friends
  3. NZ Music Month
  4. Dear White People
  5. You’re Allowed to Watch Shit Films
  6. Flint Town: Season 1
  7. Sometimes It’s Too Cold to Go Outside
  8. Some Spicy AF Hot Takes
  9. Postgrad Informer
  10. Love Isn’t Real, Because You Aren’t Hard Enough
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided