Viewport width =
July 23, 2012 | by  | in Opinion |
Share on FacebookShare on Google+Pin on PinterestTweet about this on Twitter

Ngai Tauira

TAMA TUTAMA ORA, TAMA NOHO TAMA MATE.

I ngā āhua o te wā, ka mihi ki a koutou ngā tauira o Te Whare Wānanga o Te Ūpoko o Te Ika a Māui.

Ko te kaupapa nui i tēnei wiki, ko Te Wiki o Te Reo Māori. He nui ngā kaupapa e whakanui i tēnei wiki whakahirahira. Kua whakahaeretia ētahi kaupapa e ngā tari Māori o Wikitōria, e Te Taura Whiri i Te Reo Māori, e te hapori hoki. Kimihia ngā mahi pai māu hei kai mā te hinengaro, hei kai mā te wairua!

I ngā wā o mua, i whakaputa a Ngāi Tauira i te puka, Te Ao Mārama, hei tautoko i te kaupapa arā tō tātou reo rangatira. Engari, ka puta taua pānui ā te 6 o Ākuhata. Nō reira kia tiro atu ki taua puka mā ngā tauira Māori e whakahaere.

Ka huri ki tētahi atu take o te wā, e kīa nei ko Te Wānanga Tauira. I te 1 o Hanuere, i whakamanahia te ture Freedom of Association Act (e rangona whānuitia e tātou, ko VSM). Ko te āhua o tēnei ture, e kore e whakaaetia kia herea ngā tauira ki tētahi rōpū e te whare wānanga, i a rātou e uru mai nei ki te kura. I tēnei whakaaro, kāore tētahi rōpū e whai mana hei māngai mō ngā tauira katoa. Nō reira, nā te Whare Wānanga i whakatū te whakaaro nei, ko Te Wānanga Tauira. He huihuinga tēnei kia whakawhiti whakaaro, kia wānangahia ngā take tauira, kātahi ka takotoria i te kaunihera o te Whare Wānanga.

E whā ngā tūranga Māori i tēnei poari. Ki a Ngāi Tauira, ka whai mana tātou kia mau i ngā tūru e toru hei māngai mō ngā tauira Māori, kei mate tātou i te hunga kuare. I te āhua o te kī, tukuna te reo kia tauira, tukuna te reo kia pono, tukuna te reo kia Māori. Ko Ngāi Tauira e kawe nei i te reo o te tauira Māori.

I te ahiahi pō o tēnei Tūrei, ka tū te hui tuatahi. Ka whai wā ngā tauira katoa ki te kōrero ki ngā hui o te poari, takoto ai ngā take. Nā, anei te karanga ki a koutou, kia haere mai. Mehemea, kāore e taea e koe te haere ki te hui, engari he take tāu, whākina mai ki Te Kōmiti Whakahaere o Ngāi Tauira, mā mātou e kawe atu. Ki te whai koe i ētahi atu whakaaro, kōrero ki te Tumuaki, māna e whakamārama.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. VUWSA Responds to Provost’s Mid-Year Assessment Changes
  2. Te Papa’s Squid is Back and Better Than Ever
  3. Draft Sexual Harassment Policy Consultation Seeing Mixed Responses
  4. Vigil Held For Victims of Sri Lankan Easter Sunday Attacks
  5. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  6. Eye on the Exec – 20/05
  7. Critic to Launch Hostile Takeover of BuzzFeed
  8. Issue 10 – Like and Subscribe
  9. An Overdue Lesson in Anatomy
  10. Astral Rejection

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov