Viewport width =
July 30, 2012 | by  | in Opinion |
Share on FacebookShare on Google+Pin on PinterestTweet about this on Twitter

Ngai Tauira

Me mate ururoa, kei mate tarakihi! Kia oho, kia mataara!

Ko tētahi mate nui o te tangata, ko te kore mōhio. I ētahi wā, kāore te tangata e mōhio he aha te mea e kore mōhiotia rā. He momo kuare tēnei, engari ehara i te āhua hou, anō hoki, ko tēnei te āhua o te ao. Ka puta te mea hou, kāore e roa, ka puta te mea e rite ana engari he pai ake, ahakoa he iti te rerekētanga. I ētahi wā, ka huri te ara kia rerekē te haere engari he rite tonu ngā whāinga.

I te whare wānanga nei – i Aotearoa nei – kua raru te Māori i tēnei āhua. Nō reira, ka aha tātou kia haere tōtika ai i tēnei ara o te ao mātauranga? Ka aha tātou kei mate i ngā taumahatanga o ngā whakaaro, kei mate tarakihi?

I tēnei tau, he rerekē te āhua o Ngāi Tauira i ngā tau o mua. Ki te tokomaha o ngā tauira (o ngā kaimahi hoki), kua kitea a Ngāi Tauira hei rōpū whakahaere i ngā mahi whakangahau i te tangata, arā, te pō whakangahau me ngā mahi whakawhānau. Engari, kua tae tātou ki te piko o te ara, he āhua hou. Kāore tātou e whai pūtea mā ēnei momo mahi. Ki a mātou, he whakahirahira ake tēnei mea te reo o te tauira hei reo whakamana i te whare wānanga. Nō reira, ka hoki mātou Te Kōmiti Whakahaere ki te whānau whānui, pātai ai. Me pēhea te Kōmiti Whakahaere o Ngāi Tauira e tū hei māngai māu? He aha ngā whāinga, ngā take, ngā raru hoki o te tauira? Whakautua mai, kei whakapau kaha mātou mā te koretake. Hei tauira, I ngā wiki e toru kua pahure, he reo Māori tēnei pānui. Kāore e kore, tokoiti ngā tauira e mārama ana ki te reo Māori, tērā pea, iti iho koutou e pānui ana i tēnei puka. Engari ka whai mātou ki te whakamana i tō tātou reo rangatira. He aha te mea nui ki te tauira? Kia mārama ai te kōrero, kia māori atu kē hei tohu māoritanga?

Ko te manako, ehara mā Te Kōmiti Whakahaere anake ngā whakaaro e tuku atu. Mā te whānau whānui kē, engari kua whakatūria Te Kōmiti Whakahaere o Ngāi Tauira hei māngai noa mā te katoa.

Otirā, kei te whai mātou i ēnei momo whakaaro kei mate tēnei hei waituhi noa o te puka nei, kei mate koutou hoki i ngā amuamu o tēnei. Whakamanahia tōu reo rangatira kia tina!

 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Recipes from the Suffrage Cookbook
  2. Beneath Skin and Bone
  3. No Common Ground
  4. Chris Dave and the Drumhedz
  5. Good Girls
  6. Winter Warmers: Home Alone
  7. Winter Warmers: About Time
  8. Sex at Dawn
  9. BANG!
  10. PSC: One Ocean
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided