Viewport width =
August 13, 2012 | by  | in Features |
Share on FacebookShare on Google+Pin on PinterestTweet about this on Twitter

Matariki Ja Nai Boke!

Are wa Subaru yo!

Ki te nuinga o tātou, Ko Hapani te kāinga o te sushi, te sake, te karaoke, ngā ninja, ngā momo motokā tere, iti nei te utu. Kāore e kore kua rangona kētia e tātou tēnei ingoa a Subaru, ā, tērā pea he moemoeā ki ētahi o tātou te whai motokā pēnei. Tē mōhio nei āhea rānei ka taea e au te hoko waka Subaru. Mō tēnei wā he pai ki ahau te hopu pahi.

Engari tokohia o tātou kua āta titiro, kua āta whakaaro hoki mō tōna tohu. Mehemea kāore anō koe kia kite i tēnei tohu, e ono ngā whetū o te tohu rā, arā ko te ingoa o taua kāhui, ko Subaru.

Ko te tūturutanga o te kupu Subaru e whakatauira ana i te kotahitanga. He kupu anō mo te kāhui whetū. He ōrite ki a tātou te iwi Māori me te iwi Kariki. Arā ko Matariki ki a tātou, ko Pleaides ki Ngāi Kariki.

Kei ia rohe o Hapani ōna ake tikanga e pā ana ki tēnei mea e kii ana ko Subaru. I ngā wāhi ahuwhenua i Hapani, ko te Subaru, he kākano. Hei tā ngā tīpuna o reira he rite te kāhui whetū ki te kākano. Arā mō rātou, koinei hoki te wā pai ki te whakatō kākano. Ki ētahi atu ko Suharu kē te ingoa. Koinei te wā whakarōpū ai i ngā raihi i ngā patiki.

He rerekē anō te ingoa mo ngā iwi e noho ana ki tai, arā kua tapaina e rātou ko Sumaru. Mo ngā iwi o reira, koinei te wā ka hao ika me te kupenga sumaru. He kupenga rangatiratanga te sumaru e whakamahia ana i tēnei wā noa iho.

I te rohe o Kochi-ken, ko te ingoa o aua kāhui whetū ko Hooki Boshi, he momo tikanga peita. Te rite nei kua peitahia e tētahi ngā rangi tūhāhā me te peita mā, arā koia nei te kupu o te Hooki Boshi. He tikanga anō tā te kupu hooki boshi – arā, he kupu mo te matakōkiri. Kātahi te pohewa ātaahua nē?

He pai te whakaaro kāore noa iho te tikanga o Matariki e noho noa iho ki Aotearoa nei, ki te Moana-nui-a-Kiwa hoki. Engari e puta ana tōna mōhiotanga ki ngā whenua maha, ki ngā ahurea maha. Ahakoa Matariki, Subaru rānei, e hono ngā tikanga a te iwi Māori ki ngā iwi o Hapani. Tērā pea he tika taua kōrero I haere mai tātou te iwi Māori ki Aotearoa nei mai i tētahi motu o Hapani, Āhia ranei. Engari ki a au nei, nā te matatau o ō tātau tipuna, arā ngā tohunga ki te tiro whetū, ki te mahi māra, te mahi kai, i rangatira ai tātou. Koia nei e whakarangatira ai tātou i tēnei wā, te wā o Matariki.

Nā wai rā ka huri tātou hei ninja. Ko wai ka mōhio?
Mau tonu mai!

Matariki atua ka eke mai i te rangi e roa, e roa, e Whāngainga iho ki te mata o te tau e roa, e.

Tuhinga tuatahi Tu mai 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided