Viewport width =
August 13, 2012 | by  | in Opinion |
Share on FacebookShare on Google+Pin on PinterestTweet about this on Twitter

Ngai Tauira

WHAKAPAUKAHA I TE AHA?

I te tuatahi, ko te āhua o ngā tauira, he māuiui. Kia kaha tātou ki te whakapakari i a tātou anō. Ki te āwangawanga koe i ngā mate o te wā, kaua e haere pōturi atu ki Mauri Ora, te wāhi whakaora o te Whare Wānanga. Mā ngā nēhi rātou ko ngā tākuta koe e awhi. Ko tētahi āhua hoki o te wā takurua ko te taumahatanga o te wairua. Ki te tokomaha, kua nui ake ngā aromatawai, kua tata pau ngā moni, kua pā mai te rewharewha, kua roa te wā e kitea ai te whānau. He wāhi pai Mauri Ora ki te whakatau i te hinengaro, he Māori hoki tētahi o ngā kaimahi. Ki ahau nei, kāore he rongoa atu i te hokinga ki te kāinga, e kī ana te whakataukī, hoki ki tōu maunga kia purea e ngā hau a Tāwhirimātea. Ahakoa, kua pahū tōku maunga a Tongariro, e whakapono ana ahau ki taua whakataukī. I te hokinga atu ki te kāinga, ka tau te wairua, ka piki te ora. Anō hoki, kei reira te whānau e aroha mai ana. Kei konei hoki a Ngāi Tauira hei whānau tautoko mā te tauira. He tauira hoki mātou
o Te Kōmiti Whakahaere, kei te mārama mātou ki ngā raru. Kāti rā te whakamā ki te whakahoahoa mai.

Ka huri ki ngā take o te wā. Ā te mutunga o te mārama, ka haere te tokomaha ki Te Huinga Tauira ki Ōtepoti. He huinga tēnei mā ngā rōpū tauira Māori o ngā whare wānanga me ngā kuratini o Aotearoa. Ki ngā tauira o te tau tuatahi, kāore anō kia kitea te hui pēnei nā. He whanaunga, he ngāhau, he tauira hoki tēnei hui. I tēnei tau, kāore mātou o Ngāi Tauira e tino whakaaro ki ngā mahi whakataetae arā te kapa haka, te manu kōrero me ngā hākinakina. He hohonu kē ngā take tauira, me eke tātou kia kore te tauira e toromi i ngā āhua o te ao Pākehā. Ko te pūtake o te huinga, ko te kotahitanga a ngā tauira Māori. Kei ia pito o te motu ngā tauira Māori, e ngana ana ki te hāpai i ngā marae, i ngā hapū o Aotearoa. Mehemea, kotahi te reo ka tū pakari te whānau. Otirā, kia whakamārama mai koutou, he aha tāu i pīrangi ai i te whare wānanga? he aha ōu wawata mā ngā tauira Māori o Aotearoa? Mā mātou e kawe atu ki Te Huinga Tauira, kia rangona ai tōu reo!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Token Cripple: You’re totally messing with my cripple aura, dood.
  2. You Are Not Your Illness
  3. Let Me at The Bachelor, and Other Shit Chat
  4. Lost in the Sauce – Avo-no you didn’t
  5. Mauri Ora – Winter’s Comin’
  6. Token Cripple – How To Survive Your First Year at University (with a disabled twist!)
  7. Dream Diagnosis – Fire in Wellington
  8. Liquid Knowledge – Animal farts and performative veganism
  9. One Ocean
  10. Uni Council Corner

Editor's Pick

He Tāonga

:   I wanted to write this piece, in order to connect to all tauira within the University, with the hope that we can all remind ourselves that we are a part of an environment which is valuable, no matter our culture, our beliefs or our skin colour. The ultimate purpose of this