Viewport width =
September 17, 2012 | by  | in Opinion |
Share on FacebookShare on Google+Pin on PinterestTweet about this on Twitter

Ngai Tauira

TE MANU E KAI ANA I TE MĀTAURANGA

I te āhua o te whakataukī he whakahirahira te mātauranga. Kei konei tātou ki te whai mātauranga hei whāngai i te whānau, hei whāngai i te hapū te marae me te iwi. I ngā teihana Pākehā o ngā reo irirangi, niupepa, pouaka whakaata hoki, kua waihangatia tētahi āhua pōuri o te iwi Māori. E ai ki ngā kōrero o te ao hauora me te ao mātauranga, e mate ana te Māori i te pōharatanga. He nui ngā kōrero e pā ana ki tēnei kaupapa. Hei tā ētahi, kua mate te Māori i te koretaketanga

o te Kāwanatanga. Hei tā ētahi atu, nā te Māori kē ia anō i whakararu. E kī e kī, ki te whakapono tātou ki te whakaaro o muri mai kāore e kore ka hinga te iwi. Kua pahure ngā tau kotahi rau whitu tekau mā rua i tāngia te Tiriti o Waitangi engari e whawhai tonu ana tātou kia tū motuhake ngā marae o Aotearoa.

Ko te āhua nei, ko Wikitōria hoki tērā e kore e whakamana i te Tiriti. Kua whakarōpūngia te Māori ki iwi kē o te moana-nui-ā-kiwa hei rōpū e noho hauā i ngā āhuatanga o te hapori. Ka hono te Māori ki aua iwi engari i te whakaaro o te Tiriti ko te Māori te tangata whenua o tēnei motu.

Ka huri ki te tino aronga o tēnei kōrero. Nei tāku, me pēhea tātou ki te whakanui i te whare wānanga nei mehemea kāore te whare wānanga e whakanui i te mana o te Māori? Me pēhea te karanga atu ki ngā whānau kia haere mai ki konei ako ai mehemea kāore te whare wānanga e whai wā ki te whāngai i a rātou? E rua ngā tino raru o te wā.

I te tuatahi, I tēnei Mane ka hui te kaunihera o te whare wānanga nei, wānanga ai ngā moni rēhita o ngā pepa ako. E ai ki te tumuaki tuarua kāore e kore ka nui ake te utu. Ka pēhea ngā whānau ki te kai i te mātauranga mehemea e kore e taea te whai pūtea? I te tuarua, mā rātou e whai wā ki te haere mai, ka aha a Wikitōria ki te whāngai i a rātou mehemea kāore te whare wānanga e whakanui i te Tiriti?

Kua whai hua ahau i ngā tari Māori me Te Herenga Waka engari ka tū mō ake tonu ēnei pou ki te kore te Tiriti e whai mana? E aua hoki.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Newsthub: No need to kill cats Mittens, owners should be responsible – Wellington Mayor Justin Lester
  2. Where Does Your Student Services Levy Go?
  3. Presidential Address
  4. Simran Rughani Resigns from VUWSA
  5. Score Steamed Hams with Seymour for Society Soirée
  6. VUWSA Launches Student Mental Health Campaign
  7. Tragicomic Webseries
  8. Issue 18, Vol 81: Under the Surface
  9. NT: Te Ara Tauira
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided