Viewport width =
August 5, 2013 | by  | in Opinion |
Share on FacebookShare on Google+Pin on PinterestTweet about this on Twitter

Guest Editorial – Te Ao Marama

Kotahi tonu te hiringa

i kake ai Tāne ki Tikitiki-o-Rangi;

ko te hiringa i te mahara.

Tērā te kōrero e mōhiotia whānuiti e te tini ngerongero, e te tini ngiangia. Kei tēna, kei tēna ā rātou ake huarahi, ā rātou ake kakenga, ā tīnana, ā hinengaro, ā wairua, me te mea nei, kite atu ai i te hononga o ō tātou ake whainga e whaia ana, ki te kakenga o Tane ki Tikitiki-o-Rangi. Ko tēnei mea te haerenga, te kaupapa matua kua whakairotia ki ngā whārangi nei o Te Ao Mārama. Nō reira e hoa mā, rukuhia ngā whārangi o tēnei puna mātauranga, whāngaihia ngā taonga ō roto ki te hinengaro, hika ana i te ahi o te reo i roto i te whatumanawa, kia mau ki te reo, kia tangata whenua ai.

Kei ngā ringa tango parahia, ngā ringa tōhau nui, e whakatangetange riaka ana, e whakapau kaha ana, kia ekengia ai te moana pukepuke e tēnei waka whakanui reo, tēnei ka mihi ake ki a koutou. Ahakoa nā mātou o Ngāi Tauira tēnei waka o Te Ao Mārama i whakatere, nā koutou tēnei waka i hoe ki uta, kia whakatutuki i tā tātou i wawata ai. Nō reira, he mutunga kore aku mihi ki a koutou katoa. I tua atu i ngā kaituhi, me mihi ka tika hoki ki ōku hoa a Pauly, rātou ko Jojo, ko Tanj, aku mānu tātarariki e para nei i tēnei huarahi mōku kia māmā ake ai tēnei tutukinga. Waihoki ki te peka Ngākau Kotahi, koutou i tautoko mai i a mātou kia pupuri i ngā taonga a kui mā, a koro mā, tēnei te mihi ki a koutou hoki. Ki ō tātou nei māngai o te rōpū Ngāi Tauira, koutou e whakarongo ana ki aku amuamu, koutou i ū tonu ki te kaupapa ahakoa taku whakahoha i a koutou, koutou i āwhina mai i a au ahakoa te aha, ka kore e mimiti aku mihi ki a koutou.

Mōku ake nei, ko taku haerenga mai i tōku kainga ki te whare wānanga o Te Upoko o te Ika a Māui, he wheako ka kore e warewaretia. Ina noa ake ngā hua kua puawaitia i tōku ao i te wehenga atu i te kāinga. Ko Te Herenga Waka tētahi, ko ōku hoa tētahi, ko euchre tētahi anō. Heoi, ko te mea nui kua whakatōkia ki roto i te whatumanawa, ko te reo Māori. Ko te ātaahua o te kupu, ko te hohonu o te whakaaro, ko te miharotanga o te ao Māori, ngā mea e tākirikiri ana i ngā tauwharewhare o te whatumanawa. Nō reira e hoa mā, hei tautokona tēnei kaupapa, tukuna tō reo ki te ao, tukuna ki te rangi, tukuna ki ngā iwi katoa, kia kaua e noho pērā i te moa.

Kia mōhio mai koutou, he paku were ki muri i te pukapuka nei. Whakautua ngā pātai, ā, whakahokia ki te tari o Ngāi Tauira ki 42 Kelburn Parade, ākene pea ka whiwhi i a koe tētahi taonga mena ka kōwhiritia e tētahi o ngā māngai o Ngāi Tauira i tō pepa whakautu. Karawhiua rā!

Ngā mihi anō ki a koutou, otirā ki a tātou katoa,

Stace

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided