Viewport width =
August 5, 2013 | by  | in Features |
Share on FacebookShare on Google+Pin on PinterestTweet about this on Twitter

He Haerenga ki Tonga

I tērā tau, i haere māua ko tāku tāne ki Tonga ki te āwhina i tētahi kura i reira. Ko St Andrew’s te ingoa o te kura rā, ā, he Karaitiana nō te kura, kāore te kāwanatanga o Tonga e tautoko ana i te kura – arā, kāore te kāwanatanga e tuku ana i te moni ki a rātou. Nā whai anō, kua tawhito ngā whare, kua paruparu ngā paetara, kua pakaru te nuinga o ngā mea – ā, kua pau te matangareka o ngā kaiako rātou ko ngā tauira mō tō rātou kura.

Nā, i haere māua i te taha o te roopu nunui nō tētahi hāhi i Newlands, arā, ko St Michael’s. Tērā pea e rua tekau mā rima ngā tāngata, nā reira he nui, he rerekē hoki ngā pūkenga o te roopu! Nāku ngā paetara i peita i te ata, ā, nāku ngā tamariki i tiaki i te ahiahi – i kaukau mātou ko ngā tamariki i te moana kia haere tonu ngā mātua o ngā tamariki ki te mahi i aua wā. He pūkenga rorohiko tā tāku tāne, nā reira nāna te kaimahi rorohiko o te kura i whakaako i ētahi mea hou, engari i whakatikatika ia i ngā tuanui o ngā rūma ako i te nuinga o te wā. He tokomaha ngā tāne kaha i te roopu, nā reira i taea e rātou te whakatika ngā tuanui o ngā rūma e whā i ngā rā e rima! I wareware te pū nēra, nā reira i mamae rawa ngā ringaringa! Ahakoa tērā, i ngana rātou – me titiro koe ki ngā pikitia i raro kia mohio koe i ngā rerekētanga i tētahi o ngā rūma ako.

Waihoki, i whakahaeretia ngā pukapuka o te whare pukapuka e tētahi wahine, i horoia ngā mea paruparu o te rūma Pūtaiao e ētahi anō, i whakakapia ngā mea tawhito, pakaru rānei i ngā mea hou. I tunu ētahi mema o te roopu ia rā mā mātou, he mahi tino whakahirahira anō!

He nui te manaakitanga o ngā tāngata o Tonga. I hākari mātou i te nuinga o ngā pō he marae nō rātou – he maha ngā poaka, ngā ika me ngā hua whenua i whakapaingia mā mātou, he reka rawa atu ngā kai katoa. Ahakoa i āwhina mātou ki a rātou, kaōre e kore i whakamānawa katoa rātou i a mātou anō.

Mehemea kua whakaaro koe e pā ana ki tētahi haerenga ki tāwāhi, ka taunaki au he haerenga āwhina māu! He waimārie te nuinga o tātou i tēnei motu pukahu, engari he nui ngā raru i ētahi motu anō. Kua haere au ki Haina, Whītī, Ukanata hoki hei whakaako, hei hanga, hei tuku kākahu anō hoki. Ko te tūmanako he pai te āwhina ki ngā tāngata o aua motu, engari ki ahau nei, he nui rawa atu ngā painga, ngā whakamānawa i ngā tāngata nei ki ahau. Ki te puta te kōwhiringa ōrite ki a koe, me hopu koe ka tika!

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. AUSA President Anand Rama Resigns
  2. My Attention is Broke
  3. WHERE VIRAL DREAMS GO TO DIE
  4. Storytime: Angst, Agony, and Adorable Babies in Teen Mom YouTube
  5. VUWSA Responds to Provost’s Mid-Year Assessment Changes
  6. Te Papa’s Squid is Back and Better Than Ever
  7. Draft Sexual Harassment Policy Consultation Seeing Mixed Responses
  8. Vigil Held For Victims of Sri Lankan Easter Sunday Attacks
  9. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  10. Eye on the Exec – 20/05

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov