Viewport width =
August 5, 2013 | by  | in Features |
Share on FacebookShare on Google+Pin on PinterestTweet about this on Twitter

He Kohinga Wheako

Tēnei au, tēnei au
Te hōkai nei i aku tapuwae
Ko te hōkai nuku, ko te hōkai rangi, ko te
hōkai a tōku tūpuna a Tāne-nui-a-rangi
I pikitia ai, ki ngā rangitūhāhā ki te tihi o
manono
I rokohinga atu rā, ko Io Matua Kore anakē
I riro i a ia ngā Kete o te wānanga
Ko te Kete Tuauri, ko te Kete Tuatea, me te
Kete Aronui
Ka tiritiria, ka poupoua ki a Papatuanuku
Ka puta ko te ira tangata ki te whei ao, ki te
ao mārama.

Kotahi tonu te hiringa
i kake ai Tāne ki Tikitiki-o-rangi;
ko te hiringa i te mahara.
Ka kitea i reira ko Io-matua-te-kore anakē.
I a ia te Toi-ariki, te Toi-uru-tapu,
te Toi-uru-rangi, te Toi-uru-roa;
Ka whakaputa Tane i a ia ki te waitohi

a Puhao-rangi, na Oho-mai-rangi,
te wai whakaata na Hine-kau-orohia;
kauorohia nga Rangi-tuhaha.
Ka karangatia Tane ki te paepae tapu
i a Rehua i te hiku mutu o te rangi;
ka turuturu i konei te Tawhito-rangi
te Tawhito-uenuku, te Tawhito-atua;
ka rawe Tane i e hiringa matua,
i te hiringa taketake ki te ao marama;
ka waiho hei ara mo te tini e whakarauika nei,
E tama, e i!” – Dr Tāmati Reedy

Tērā te tini e noho pōhēhē ana i te huhua o ngā kōrero tauparapara e taki ana i te tuhinga nei. Waihoki, he aha rā ia te take kua kikī te kōrero nei i ngā purapura a kui mā, a koro mā. Mōkori anō mo tērā i te mea, ko te kaupapa kua whārikihia ko tētahi kohinga wheako, a tinana, a hinengaro, a wairua rānei, ā, ko ngā kōrero a te tangata e whai ana i ōna ake whainga, ahakoa te aha he mea e whakataurite ana ki te kakenga a Tāne ki Tikitiki-o-Rangi.

Kia whakatūria e au taku Whare Kōrero.

ko te tuāpapa ko taku whakatupuranga, ko te pou-tuarongo ko ngā tini kaupapa kua whakairo i taku waiaro, ko te poutokomanawa ko taku whānau, ko te pou-o-mua ko ngā whainga i whakaritea i au e tamaiti tonu ana, ko te tāhūhū ko ngā wheako kua tukua mai ki au.

I tipu ake tēnei maramara a Ruawāhia i te take o Tarawera. Ki te Rotorua-nui-a-Kahumatamomoe, ka pakeke mai ki Pare Hauraki, he aute te āwhea.

ō tōku ekenga ki te reanga wharekura ka hoki atu ki te Waiariki, ki reira pūrea ai e ngā hau, e te haunga pūtanetane o te ngāwha. Ko te take o tēnei hūnuku, ko te whai i te karanga o te Reo Māori, arā ia ko te Kaupapa o Te Aho Matua. Koia hei tūāpapa, hei pou-tuarongo e whakatangata-whenua ana i au ki tēnei ao.

Me he rākau o te whānau-a-Tane, e kore tēnei e tū ki te kore aku paiaka. Koia rā ngā pou e whakatū ana i tēnei whare, ko tōku whānau. Na ōku kaumātua au i manaaki, na ōku mātua au i poipoi, na ōku tuakana au i tārai, na ōku teina au i whakatangata, na aku irāmutu au i whakawā. ko tēnei te tino pou i whai pānga ki taku whakatupuranga, i whai pānga ki ngā pūmanawa e whakawehi ana i te ao. tērā tētahi wā i au e tamariki tonu ana, ka whakatakotoria e ōku mātua te wero ki au. Inā oti i au aku mahi kura katoa, tae noa ki te NCEA 3 me te UE, ka wātea au ki te whai i ngā tapuwae a Hori Nēpia mā me te whakarere atu i te pā tū watawata o te Kura Kaupapa, kia tahuri atu ki te kura auraki mō te whutupōro te take.

Nā wai, ka pupū ake ki roto i au tēnei āhuatanga mate kai, mea rawa ake, kia tae au ki te reanga tuaono, kua oti kē i au ngā mahi kura katoa i whakaritea mōku. i tutuki i au te wero, ā, i wātea au te rere atu ki te Kura Tama Tane o Kirikiriroa ki te tākoro whutupōro.

Mohoa nei, kua toa i au tētahi whakataetae whutupōro o te ao, kua tū au hei kanohi mō tēnei whenua i roto i te Waka Ama, i kāpene au i te tīma pā whutupōro o Aotearoa, i rere atu au ki Amerika, ki Hapani hei māngai mō te tīma whutupōro wharewānanga o Aotearoa, kua haere atu hoki au ki Ahitereiria mō te tīma whutupōro whare wānanga o te Ao, a, i tēnei wā hoki kei te whare wānanga au e whai ana i te Reo Māori, me te ture.

ō reira, ki hea tēnei waka tau ai? e kore ia e tau, ka rere tonu kia riro atu i a ia te ao.

hākinakina mai, mātauranga mai, ahakoa te aha, me whakapeto ngoi te tangata kia ora pai ngā tini āhuatanga o tōna ao. tērā te kōrero, “kia raka te maui, ka raka te matau”.

Heoi anō, hei kapinga kōrero, nā ngā pou katoa o tēnei whare ia i tū, nō reira tātou, whakanuia ngā pou o tō whare, whaia te iti kahurangi! mā reira tō whare e rangatira ai.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. The Party Line
  2. Te Ara Tauira
  3. Robotic Legs, “Inspiration”, and Disability in Film
  4. VICUFO
  5. VUWSA
  6. One Ocean
  7. Steel and Sting
  8. RE: Conceptual Romance
  9. Voluntary WOF a Step in the Right Direction
  10. Cuts From the Deep: Lucille Bogan
redalert1

Editor's Pick

RED

: - SPONSORED - I have always thought that red was a sneaky, manipulative colour for Frank Jackson to choose in his Black and White Mary thought experiment. It is the colour of the most evocative emotions, love and hate, and symbolises some of the most intense human experiences, bi