Viewport width =
August 5, 2013 | by  | in Features |
Share on FacebookShare on Google+Pin on PinterestTweet about this on Twitter

He Reo Whanau

Kia ora. Ko Pj tōku ingoa. Ko te Moana-nuia-Kiwa te moana, ko Mauna Kea te maunga, ko Wailoa te awa, ā, ko Kauakanilehua te ua. I tipu ake ahau i te moutere o Moku `o Keawe i Hawai`i.

He tauira ahau nō te Whare Wānana o Hawai`i ki Mānoa. Nā te whakapau kaha o ngā tāngata o taua wānanga ka taea e au te haramai ki te whare wānanga o Te Upoko o te Ika a Māui mō te tau kotahi. I tae mai au ki Aotearoa i tērā tau i te marama o Hōngongoi. Nā tōku kaiako reo Māori a Mary Boyce te whānau o Te Herenga Waka i whakamōhio mai ki au. Ko Whaea Te Ripowai Higgins rāua ko Matu Stevens ngā tāngata tuatahi i tūtakina e ahau.

I tōku wā ki konei, i hiahia ahau ki te ako i te reo, ngā tikanga, me te ahurea hoki o ngā tāngata Māori. Nō reira, i kōwhiri au ki te whai i ētahi akoranga Māori. Ko Te Reo Māori, Māori Society and Culture, Marae Practice, me Maori Music Performance ngā akoranga i whaia e ahau. Nā aua karaehe i tino kite au i ngā rerekētanga, ā, ngā ōritenga ki tōku ahurea o Hawai`i.

Ko te reo Māori he reo whānau ki te reo Hawai`i, nō reira, he pai te karaihe reo Māori ki ahau. Ko te mahi tuhituhi te mahi pai ki ahau, engari anō mō te mahi kōrero me te mahi whakarongo. Kāore ahau i tipu ake i te reo Māori, nō reira, he iti ngā kupu Māori e mōhiotia e au. He raru tēnei, engari, i haere tonu ahau. Ko te whakatakotoranga he ahua rite ki te whakatakotoranga Hawai`i, nō reira, he āwhina nui tērā māku. He tino ātaahua te reo Māori. He rite tonu ki te reo Hawai`i, me te mea nei i puāwai tōku aroha mō tēnei reo whānau. Kia hoki atu ahau ki Hawai`i, ka hiahia ahau ki te ako tonu i te reo Māori, he ataahua nō te reo, he taonga nō te reo, he kāmehameha nō te reo. Waihoki, ko te reo he mea hei hoki aku mahara ki tōku wā ki Aotearoa.

I ngā toenga o āku karaihe, i ako ahau i te hītori o ngā tāngata Māori i tō rātou whenua, ō rātou tūrangawaewae. I tāku karaihe o Te Kawa o te Marae, ko te tikanga me te kawa o te marae ngā kaupapa e ako ana ahau. He tino pai tēnei karaihe ki ahau, nā te mea, ko Whaea Te Ripowai me te whānau o Te Herenga Waka ngā kaiako. He tino kaha ngā kaiako me ngā tauira hoki ki te kōrero i te reo, me te aha anō ka pakari haere tōku reo. Kāore he marae tō te ahurea Hawai`i, he “kauhale,” kē, he ahua orite ēnei mea e rua. He tino kaha a Whaea Te Ripowai, ā, te whānau o Te Herenga Waka hoki ki te tautoko mai i a au, ki te manaaki mai i a au, anō nei he whānau kōtahi mātou. Koira te tino taonga ka kawea ki tōku kainga.

Nō reira, koira tētahi paku kōrero o tōku ‘haerenga’ i Hawai`i ki Aotearoa. He mutunga kore aku mihi ki Te Whānau o Te Herenga Waka mō tā rātou kaha ki te tiaki mai i ahau arā, ko Te Ripowai, ko Tu, ko Gran, ko Monoa, ko Matu. Ki ōku hoa hoki, koutou i akiaki mai i au, i āwhina mai i a au, kia kite i ngā mea miharo o Aotearoa, ā, ngā mea ataahua o te ao Māori, nei rā taku mihi ki a koutou. Ka kore tēnei wā ki o koutou nā taha e warewaretia. Ā tōna wā ka hoki mai au ki te taha o tōku whānau ki Aotearoa.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Losing Metiria
  2. Blind Spot
  3. Aspie on Campus
  4. Issue 17
  5. Australian Sexual Assault Report Released
  6. The Swimmer
  7. European Students Association Re-emerges
  8. Can of Worms!
  9. A Monster Calls — J. A. Bayona
  10. Snapchat is a Girl’s Best Friend and Other Shit Chat
LOCKED-OUT

Editor's Pick

Locked Out

: - SPONSORED - The first prisons in New Zealand were established in the 1840s, and there are now 18 prisons nationwide.¹ According to the Department of Corrections, the prison population was 10,035 in March — of which, 50.9% are Māori, 32.0% are Pākehā, 11.0% are Pasifika, a