Viewport width =
August 5, 2013 | by  | in Opinion |
Share on FacebookShare on Google+Pin on PinterestTweet about this on Twitter

Ngai Tauira President

He moana pukepuke e ekengia e te waka

He tohunga aku tīpuna ki te whakatere i te ara moana. Mehemea he Māori koe, kāre e kore he pērā hoki ētahi o ōhau ake tīpuna. I tarea e rātou te whakatere i te moana tāpokopoko e kīia nei i ēnei rā ko Te Moana-nui-a-Kiwa, mai i Hawaiki ki Aotearoa. He nakawhiti tō rātou māia, me tō rātou pūmanawa kia rauora ai taua ekenga kaitā rawa atu. Koia pea tētahi o ngā tāhuhu kōrero nui whakaharahara e pā ana ki ngā haerenga moana huri noa i te ao whānui.

Nā, e mōhio ana ahau ko te hūmārie tētahi o ngā uaratanga nui a tāua te Māori. Koira tētahi whakataukī e mea ana, “Kāore te kūmara e kōrero ana mō tōna reka!”. Kāre pea e tino tika ana kia whakamihia ngā mahi o oku tīpuna. Engari ka whakamīharo ki ngā āhuatanga o ēnei haerenga i whakatutuki ai rātou, me whakahīhī ka tika.

Ko te whakahāngaitanga o taku kōrero e pēnei ana; ko tā tātou haerenga hei tauira Māori i te whare wānanga kāre i te tino rerekē ki ērā o ō tātau tīpuna. I ēnei rā me mau tonu ki te mauri hautū i te ara moana. Ahakoa kāre au i te mōhio ki ngā whakataumahatanga i whakapā atu ki ngā tīpuna, kāre e kore ko Mataku rāua ko Mokemoke o rātou hoariri.

I roto i ēnei marama ruarua nei kua rangona ngā kare-a-roto o te mataku me te mokemoke; he āhua rite tonu ki ērā i pīkautia nei e ō tātou tīpuna i tō rātou ake haerenga. Ko te āhua o te waka rā e tere mokemoke ana mai Hawaiki, whakawhiti atu ana ki waho o Te Moana nui a Kiwa, he āhuatanga rite ki te āhua o Ngāi Tauira i ēnei rā. I ētahi wā he rawa kore, i ētahi wā kua pokea e te mahi, ā, ka whakawhirinaki ki runga i ngā karakia ki Hawaki nui, ki Hawaiki Pāmamao hei tautoko!

Ko aku pātai ko ēnei:
He aha ngā whakaaro o ngā tīpuna i a rātou e titiro whakarunga ana ki ngā whetū?
I whai rātou i te ara tika?
I te rangirua hoki rātou? I whakataumaha te manawa i ētahi wā?
I te harikoa rātou i tō rātou haerenga?
I rata ai rātou ki te whakamātautau o ō rātou pūmanawa, mātauranga hoki?

Mōku tonu, kua akona e au, ā ka whakaaetia hoki pea e aku tīpuna, mā te tohungatanga o te hunga e tautoko i te hoe o te waka te kaupapa e tutuki pai ai. Kua āio te haere o te nuinga o ngā whakahaeretanga mō tēnei tau, ā, i whaihua hoki, nā te pukumahi, te wairua pai, me te māia o te tira kaiarataki o Ngāi Tauira. Nā te karawhiu kotahi o te hoe ka ū tō tātou waka ki tahaki. E kore e mimiti te puna whakamihi ki a koutou.

He mokopuna tātou ngā tauira Māori o ēnei tohunga whakatere waka, mā tātou e whakatinana i tā rātou tauira hei whakapakari i a tātou e whai nei i te mātauranga. Mehemea ka pērā tātou, kāre e kore ka hāngai te titiro ki Paerangi, ā, ka umere i te whakaharakoa pērā i tērā i waiatatia ai ki runga i tō Kupe waka, “He ao, he aotea, he aotearoa!”.

Ka noho ko ngā whakatutukitanga a ō tātou tīpuna hei akoranga whakaako. Mehemea ka whakapuke a rae, ka kite, ka whiwhi i ngā hua pai i ngā tini āheinga i te moana tāpokopoko e kīia nei ko Te Whare Wānanga o te Upoko o te Ika a Māui.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Losing Metiria
  2. Blind Spot
  3. Aspie on Campus
  4. Issue 17
  5. Australian Sexual Assault Report Released
  6. The Swimmer
  7. European Students Association Re-emerges
  8. Can of Worms!
  9. A Monster Calls — J. A. Bayona
  10. Snapchat is a Girl’s Best Friend and Other Shit Chat
LOCKED-OUT

Editor's Pick

Locked Out

: - SPONSORED - The first prisons in New Zealand were established in the 1840s, and there are now 18 prisons nationwide.¹ According to the Department of Corrections, the prison population was 10,035 in March — of which, 50.9% are Māori, 32.0% are Pākehā, 11.0% are Pasifika, a