Viewport width =
August 5, 2013 | by  | in Arts Film |
Share on FacebookShare on Google+Pin on PinterestTweet about this on Twitter

White Lies

I ahu mai te kōrero nei I te pukapuka nā Witi Ihimaera, arā ko Medicine Woman. Heoi, he whakaaro tēnei mō te āhua o te kiriata I hangaia e Dana Rotberg. Ko tēnei kiriata he kōrero pūrakau o te wā o nehe. Ka timata ki te āhua o te tohunga rātou ko tōna whānau, ko tana mokopuna hoki. Kātahi ka tae mai te hoia tauiwi, whakamate I te whānau, patu I te mokopuna.

I tana pakeketanga ka whakaarihia te mokopuna e Whirimako Black, ko Paraiti tana ingoa. He tohunga a Paraiti e mahi ana I ngā rākau o te ngahere hei rongoā mo ngā whānau Māori. I tērā wā tonu, I aukatingia ngā mahi a te tohunga e te Kāwana, engari, I whakamaua ngā tikanga e Paraiti. Ka rawe te mahi a Whirimako ki te whakaatu i te āhua o Paraiti. He wahine pakari, he wahine toa.

Nā tana mahi, ka tonoa a Paraiti e te wahine Māori kia awhi atu i tētahi wahine kiritea. Ko taua Māori, a Maraea, i whakaarihia e Rachel House. Ko tōna rangatira, a Rebecca, i whakaarihia e Antonia Prebble. Kāore a Maraea e kōrero Māori ahakoa he māramatanga tōna. Hei tāna, he pai ake te ao Pākehā i te ao Māori. Ko Rebecca te wahine o tētahi rangatira Pākehā, e kore e pai ana ki te iwi Māori.

Ka rawe hoki ko enei wahine tokotoru. Ko rātou hoki ngā tino kaiwhakaari o te kiriata. I ētahi wā, ka kōtiti haere te kōrero ki wāhi kē, e kore e mārama ai. Engari, nā ngā pūkenga o ngā kaiwhakaari ka mau tonu te hunga mātaki. Anō hoki, he papai te whakaputanga. Ka mārama ngā whakaaro o te kōrero, hei aha ngā kaupapa rīraparapa. Ko tētahi āhua o te kiriata, he nui ngā whakaaro Māori o roto anō nei he kiriata mō te Māori. Ki a rātou e noho kūare ki ngā mahi a te Māori, ka ngaro ngā tino tikanga o te kōrero. Hei tauira, i tētahi wāhanga ka takahia te whenua o te pēpi e te Pākehā. Ki tā te Māori he mahi kino tēnei engari ki tā te hunga kūare he whakaaro anō tōna. Nō reira, ka noho te kaimātaki ki tana māramatanga ake.

E whakaatu tonu ana tēnei kiriata ki ngā whare pikitia puta noa i Pōneke. I ētahi wā, he reo Māori te reo i whakahua. Heoi, he reo pākehā ngā kupu hauraro nō reira he pai tēnei mā rātou e kore e kōrero Māori.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. In NZ.
  2. The Party Line ~ Issue 04
  3. Mental Health Wānanga Celebrates Work, Looks to the Future
  4. Sustainability on Salamanca: VUW working on environmental impact
  5. Basin Reserve Vigil: Wellington Stands with Mosque Attack Victims
  6. Mosque Terror Attacks: The Government Responds
  7. Issue 04 ~ Peace
  8. Law School Apparently Not Good at Following Rules
  9. Wellington Central Library closed indefinitely
  10. School Climate Strike Draws Thousands

Editor's Pick

In NZ.

: When my mother gave me my name, it was a name she couldn’t pronounce. The harsh accents of the Arabic language eluded the Pākehā tongue. Growing up, I always felt more comfortable introducing myself as she knew me—Mah-dee or Ma-ha-dee—just about anything that made me feel