Viewport width =
June 1, 2014 | by  | in Features |
Share on FacebookShare on Google+Pin on PinterestTweet about this on Twitter

A new challenge I have faced

Raa atu, raa atu he wero ka wero i teetahi. Inaaia tata ake nei he raru ka wero i a au. He rawa kore ooku, he raru ki roto i tooku whaanau. Ka nui eenei kia whakahapa i a au i roto i ooku mahi.

Ko taa Te Whare Waananga o Wikitoria tikanga kia 96 te taumaha o ngā pepa hei tauira pūmau ki koo. Kei a au e 95 noa te taumaha o taku mahi. Naa runga i teeraa i whakakorengia e Hoto Akoranga taku tahua tauira. Naa taku whakamauru atu ki a Hoto Akoranga kia hoatu puutea, ka raru a au. He mahi tuuao nooku, engari he itiiti noa nei te puutea hua kia utu i ooku mauranga, kia utu i aaku kai, me te aha anoo kia utu i tooku whare noho ki Pooneke nei. Naa runga i taku koohukihuki, ka timata a au ki te aawangawanga. I mea mai teetahi “hei aha atu maau; Me aro atu ki oou whakaakoranga.” Me peehea hoki te aro atu inā noho tata kaainga kore a au. Kei te hangarau au, engari tonu. E moohio ana a au aa toona ka pai ake tooku tuuaahua, i tuku iimera atu a au ki Hoto Akoranga, ki te whare wananga hoki. I whakakii a au i ngaa utu whakawhiringa. Kua tonoa keetia e au moo ngaa pepa anoo. Kua mahia ngaa mahi kia tika haere ai taku tuuaahua.

He raru kei te kaainga. Me puu tonu a au ki aaku koorero, he raru kei roto i tooku whaanau. He koorero haangai ai. Iinaa tonu i wehe ngaatahi ai teetahi o ooku tuuaakana raaua ko taana hoa taane hou ki Ahitereiria. Ae e pai noa pea teeraa, engari ka peehea te mea atu i mahue i a ia taana tamaahine ki Whanganui. Ka peehea te mea atu kaaore he putanga ngaawari moo tooku tuungane i ngaa tarukino. I timata a ia i taana 14 tau, e 17 oona tau ināianei. Ka peehea te mea atu kei tooku maama ngaa tumomo mauiui e kore ai teetahi te hikoi pai ai, e rua oona mahi, ngaa mahi aa-tinana uaua nei. Ka whakaaro a au ka taka mai ngaa raa ka taka hoki te hau o tooku maamaa. Ka peehea te mea atu, he kui weriweri kino naa taa raaua tawhito rawa atu ka niho teka a raaua, he puurari tangata hoki e tino hiahia te paa mamae, te whakakinokino atu i tooku tungaane moo te kore noa. Ka peehea te mea atu i whaangai mai, i whakatipu hoki tooku maamaa i ngaa tamaiti e ono a tooku whaea keekee. Ka noho tuuaakana, teina, tuungane hoki ki a maaua ko tooku tuungaane i taana tuunga kootahi. E pirangi ana a au te wepua kaha ai i ngaa tangata i paa hara atu ki tooku whaanau.

Ehara i te mea he hanga aroha teenei maa koutou kia aro mai ki a au, e hee. He koorero noa eenei hei whakaatu atu i teetahi o ngaa uauatanga hurinoa. He ngaawari ake ooku raru ki ngaa raru o te nuinga, engari he raru tonu. Ahakoa tonu, kei te hari tonu a au.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided