Viewport width =
June 1, 2014 | by  | in Features |
Share on FacebookShare on Google+Pin on PinterestTweet about this on Twitter

Āe Rānei, He Iwi Pōraruraru?N

“He waka eke noa”

Ia rā, ka kōrerotia e te whenua nei ngā mahi hē a te iwi Māori. Ngā mahi kūare a rātou te tokoiti, tā mātau noho mūhore i te akomanga, te aha rānei, te aha rānei. Engari, me pēhea hoki e kitea ai ā tātou mahi pai? Ka kīia e te nuinga ‘tē taea te aha, koinei anō te tikanga o ia tangata Māori ināianei, me waiho rātou ki a rātou.’ Ko tāku urupare ki tērā, me whai rānei i tērā pono? Ka ahatia tātou te iwi Māori ina waiho tēnei whakaaro i te ao e kī nei he tāngata māngere, he taihara rānei tātou? Ka hinga te reo, ka hinga ō tātou papakāinga, ka hinga tātou katoa te hunga whāiti nei. Me pēnei anō tō mātou tīni i tā mātou titiro atu ki te ao, hei whakakore i ngā hē hei whakaara ake anō i te mana motuhake o te iwi Māori.

Engari, nōhea mai tēnei whakaaro? E ai ki ētahi, nā ngā Māori e kore whai ana i te tika, e ai ki ētahi atu nā te hunga pāpāho. Kei tēnā, kei tēnā tāna ake tirohanga ki te take nei, engari he kōmitimiti kē o ngā taha e rua te hurihuri i roto i ōku ake whakaaro. Ko tā te hunga pāpāho ko te whakapāho i ngā mahi a te motu katoa. Engari, mārama rawa te kite ko tā rātou e whakapāoho atu ana ko ngā mahi hē o te iwi Māori. Ka whakaatu rātou i ngā kaupapa weriweri o te ao Māori, ko ngā aituā me ngā mahi tāhae. Koinei ngā momo kōrero ka whakaputaina e ngā kaikawe pūrongo ki te iwi whānui. Engari, kei hea hoki tērā atu taha – te tika, te pai? Kei hea ngā kōrero mō rātou kua whiwhi i ā rātou tohu kairangi? Kei hea ngā kōrero mō rātou ngā tini ngaio hākinakina e whakatutuki ana i ō rātou wawata ki te tākaro mō te motu? Ko ēnei ngā momo mea e hiahia nei au ki te kite i te pouaka whakaata, i tua atu i te kino me kite anō ko te pai. Heoi anō, me mārama hoki tātou koinei te tirohanga a ētahi noiho, engari ētahi. Ko ia kaimātakitaki kei te whakapono mārika ki ngā kōrero mā runga mata, me waiho i ō rātou ake whakaaro mō te kaupapa, kei reira hoki te hē. Kei ia tangata tēnei mea i roto i tōna ake hinengaro me whakawā, kino nei, i tētahi atu. Kua tukuna mai tēnei whakaaro ki a tātou mai i ngā reanga pakeke ake i a tātou? He tikanga rānei tēnei a te ira tangata?

Hei whakatau i te take nei, me whai tātou i ngā mahi a kui mā, a koro mā. Ko ngā mahi i mahia e rātou i ngā rā o nehe, he mahi i tika ai te noho a te katoa. I ēnei rā, ko te whakaaro o te nuinga, he iwi momi hikareti tātou, he iwi kai tarukino, he iwi e ora ana mō te peti moni ki te TAB. Me mārama tātou te iwi Māori, āe kua taka ētahi ki te hē. Heoi anō rā, me mārama anō a Ngāi Pākehā e ora tonu te tika i te iwi Māori! Ā, me mārama te katoa he iwi kotahi tātou, he waka eke noa.

 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Access Denied – Invisible City
  2. Tapu and Noa
  3. It’s not you, it’s Hookup Culture
  4. VUWSA
  5. Touching on Taboo
  6. WOMAD
  7. National Urges Govt to be More Ambitious with Child Poverty Legislation
  8. Doin’ it for the Retweets: NZ Police’s Rainbow Car
  9. Postgrad Informer
  10. Sexual Violence Court Pilot
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: - SPONSORED - Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak Englis