Viewport width =
June 1, 2014 | by  | in Features |
Share on FacebookShare on Google+Pin on PinterestTweet about this on Twitter

Blood Quantum

I tēnei ao hurihuri, kua whanake haere ngā tuakiri o ngā tāngata o Aotearoa. Nā ngā mea rerekē pērā i te hekenga mai o ngā iwi tauiwi ki konei i puta ai ēnei momo whanaketanga. Ahakoa kāore tērā i te kino ki a au, kua puta mai ētahi raru. Ko te raru matua ko te whakaaro o te ‘blood quantum’.

Ko te ‘blood quantum’ tētahi tikanga o ngā kaikoroni i ngā rā o mua (ahakoa e hāngai ana te mea nei ki ēnei rangi). Ko te āhuatanga matua o te ‘blood quantum’ ko te whakatinanatanga o tōu ahurea i roto i tōu toto.

Hei whakamahuki:
Ina whai koe i nga tikanga o tēnei mea te ‘blood quantum’ ko te tikanga kua Pākehā tētahi hawhe o tō toto, kua Māori kē tētahi hawhe o te toto. Ki te moe taua hāwhekāihi i te tangata Pākehā  ka hauwhā kē te toto Māori o tāna tamaiti. Ki te hātepe tonu te waimeha o te toto ka mimiti haere nga wāhanga o tō toto (nō reira, he iti te ahurea). He pōhēhē te tikanga nei.

Hei aha te tikanga?

Ko take whakapae, ko te tikanga hei wehewehe i ngā tāngata whenua nā tō rātou ahurea, ā, hei whakamana i te Kāwanatanga ki te whakature i ngā ture hei takahi i te mana hei turaki i ngā rauemi o ngā tāngata whenua. Ko tēnei te pūtake o ‘blood quantum’. Ko ‘blood quantum’ he nuka whakapākehā, he nuka koronia. Mēnā ehara koe i te tangata whenua, he Pākehā kē. Kāore ōu mana whenua, kāore ōu tikanga motuhake. He māori noa iho koe, kāore ōu mana. E ai ki a Tākuta Tahu Kukutai, he kairangahau ia ki te Whare Wānanga o Waikato, ko te ‘blood quantum’ tētahi “moemoeā koronia.” He whakaaro noa iho, ehara i te mea pono.

I nāianei, arohaina te whakaaro Māori arohaina te whakapapa. Ka tautuhi te papakupu He Pātaka Kupu i te kupu ‘whakapapa’: “Ngā kāwai o te tangata, o te whānau, o te hapū. o te iwi, ka tīmata ake i tētahi atua, i tētahi tupuna rānei, ka heke iho.” Kei hea te kōrero e pā ana ki te toto?  Kāore kau. Ka tū te whakapapa i tētahi tupuna. Kāore e  taea te waimeha te whakapapa o te tangata – ko tōna whakapapa ko ia! I whakapūmautia te whakapapa i a tōu whaea e hapū ana.

Ki te titiro koe ki a au, ka taea e koe te kite tōku mata. He kiri mā, he whatu kikorangi, te mea, te mea. Te āhua nei, he Pākehā au. Nā whai anō kāore ngā tāngata e whakapono ina kī au, “āe, he Māori au, he uri nō Te Āti Awa.” He tika tāku i kī ai? Āe rā. Ka whakapono mai aua tāngata? Ākene pea. Kei a rātou te tikanga. Ahakoa te aha, e tū ana au i ngā taonga tuku iho o ōku tūpuna.

He aha ōu whakaaro?

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. My Attention is Broke
  2. WHERE VIRAL DREAMS GO TO DIE
  3. Storytime: Angst, Agony, and Adorable Babies in Teen Mom YouTube
  4. VUWSA Responds to Provost’s Mid-Year Assessment Changes
  5. Te Papa’s Squid is Back and Better Than Ever
  6. Draft Sexual Harassment Policy Consultation Seeing Mixed Responses
  7. Vigil Held For Victims of Sri Lankan Easter Sunday Attacks
  8. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  9. Eye on the Exec – 20/05
  10. Critic to Launch Hostile Takeover of BuzzFeed

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov