Viewport width =
June 1, 2014 | by  | in Arts |
Share on FacebookShare on Google+Pin on PinterestTweet about this on Twitter

He toto tangata, he oranga whakapapa!

He Māori tonu ahau? Hei kai mā te hinengaro! Ka noho au i konei ka whakaaro noa e pā ana ki tēnei mea te toto, te karukaru. He mea nui te whakapapa ki a au heoi i huri aku whakaaro ki tēnei o ngā pātai ‘mā te toto e whakapae tōu Māoritanga?’ I te 22 o Haratua i ūhia ai tēnei wheako ki runga i a au me te aha anō i te mimiti haere te rere o tōku toto. Nā konā, i whakatau te tākuta me papu te toto ki roto i tōku tinana. I taua wā tonu ko te mea nui ko tōku oranga, heoi i a au e takoto rūwha nei ka toko ake te pātai nō hea te toto nei? He whakapapa tōna? Ko wai te kaituku? Me te pātai e kaikinikini nei i roto i a au anō ka noho tonu ahau hei Māori ina e rua, e toru e aha rānei ngā momo toto i roto i a au?

Ki a au nei ĀE he Māori tonu ahau. I heke mai i ōku tīpuna, mai te kōpū o tōku māmā ki te ao marama nei, nā konei he Māori ahau. Nā taku huia kaimanawa arā, te reo Māori me āna tikanga i totoka tēnei āhuatanga ki roto i a au! Nā taku whānau, aku kāhui whakapapa, aku iwi, aku hapū me au anō e mōhio ai au he Māori ahau. Nōku te hōnore kua tipu ake i waenganui i ngā pā harakeke o te kāinga nā rātou ahau i poipoi, i manaaki, i whakatipu ake i roto i te ao Māori. Waihoki, i whakatenatena i ngā tini āhuatanga Māori kua tītī ake nei i taku manawa.

Engari he aha rawa e pōraruraru nei tēnei mea te karukaru i aku whakaaro? Ka kaha pahupahu tātou ki a tātou anō mō te toto o te Māori me ōna whakapapa, engari kāore anō ahau ki āta whakawhānui i te aronga o te tangata Māori kua papu i te toto, kua whiwhi whēkau rānei mai i tangata kē. Ko wheako te matua o te whakaaro nui, ā, koia tāku ki ngā kaipānui – kua huri haere tōku ao ā-wairua, ā-tinana, ā-hauora hoki nei. Ā, nā whai anō kua huri hoki taku aronga e pā ana ki tēnei mea te tuku whēkau. I mua tonu i tēnei o ngā wheako ko tāku i whakaaro ai me pēhea rā e ora ai ō whēkau ki rō tangata kē? Engari nei au e whakautu ana i tērā o ngā pātai i te mea kei tērā taha o te taiapa ahau e noho  ana, ora ake nei. Nei rā taku mihi aroha me taku whakanui hoki i ngā kaituku whēkau, mei kore ake rātou e takahi tonu ana ahau i te ao marama!  Me taku whakapae anō mōhio ana ahau e kore pea au e tūtaki i ngā kaituku toto mai, heoi kua rangitāmirohia ō mātau karukaru ināianei.

Hei whakakapi ake i aku kōrero, e ngāi Māori mā i tēnei rautau, mā te aha e Māori ai koe?

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge