Viewport width =
June 1, 2014 | by  | in Features |
Share on FacebookShare on Google+Pin on PinterestTweet about this on Twitter

Ōku ao e rua

“Wehe atu te wūru!”

“Kumea te aho!”

“Hīpō!”

Koinei ētahi o ngā rerenga kōrero maha i rangona e au i tāku whakatipuranga. Nō te ao kuti hipi aua rerenga kōrero, ā, koirā te ao i tipu ake ai au, koirā hoki te ao i ako au, he pēhea te whai oranga mō tōku whānau, ā, pēhea hoki te mahi ngātahi kia tutuki i tētahi momo whāinga. Nā ōku tīpuna tēnei momo ao i whakatūroatia i te whānau mai rānō. I ēnei rā tokomaha ōku whānaunga e mahi ana i te kuti hipi. Ka mahi tonu ētahi o ōku kuia rātou ko ōku koro ēngari e torutoru noa iho i ēnei rā. He kaikutikuti tōku Pāpā rāua ko tōku tungāne, ā, he pirihō tōku Māmā rāua ko tōku tuakana.

Ehara te mahi kuti hipi i te mahi noa iho ki tōku tungāne rāua ko tōku tuakana. Nā te mahi kuti hipi kua whakauru rāua i ngā momo whakataetae mō te mahi kutikuti me te mahi pirihō huri noa i Aotearoa. Kua wikitoria rāua i ētahi whakataetae pērā ki te wikitoria a tōku tungāne i te whakataetae roera o Manawatu, i eke ia ki te taumata o te kutikuti teina i te tau rua mano tekau mā toru. He nui hoki ngā wikitoria o tōku tuakana engari ko ana wikitoria matua i whiwhi ia i te whakataetae kutikuti tino pai rawa atu ā-iwi o Aotearoa. I te tau rua mano tekau i eke ia ki te taumata o te pirihō teina, ā, i te tau rua mano tekau mā rua i hoki atu ki taua whakataetae eke ai ki te taumata o te pirihō mataamua.

I ngā wā o mua kāore te ara mātauranga i te tino hira ki tāku whānau nōtemea  he maha ngā momo mahi he ōrite ki te mahi kuti hipi, te mahi kūtētē me te mahi whawhaki kīhai tētahi i hiahia ki te whai i te ara mātauranga, engari mo te mamahi o a rātou ringa kē. Ka whakaae te nuinga o tāku whānau ki te mahi kuti hipi nōtemea he momo mea tērā mā rātou hei tūāpapa matua ki te whai, hei whai oranga hoki mō tā rātou whānau. He tikanga pai tonu tēnei ki te whai i ēnei rā, engari nōtemea kua rerekē te ara mātauranga i roto i ngā tau kua hori, kua tipu haere te hiranga o te ara mātauranga hoki.Macintosh HD:Users:Allandria:Desktop:858704_10151738713821632_6628373_o.jpg

I ēnei rā ki te whai tētahi i te ara mātauranga nōnā te ao.  He tikanga tēnei kua koropupu ake i waenga i te ao hurihuri nei. Ki tāku whānau he tikanga tauhou tēnei kāore ano rātou kia whakapūmau. Ko ahau te tamaiti tuatahi o te whānau ki te whai i te ara mātauranga, ki te oti hoki i tāku kuraina i te kura tuarua, nōtemea, i kōwhiri te nuinga o tōku whānau ki te whai i te ao kuti hipi kē, kāore i te ara mātauranga. I pātai mai ōku Mātua ki au mehemea i pirangi au ki te haere ki te mahi kuti hipi rite tonu ki ōku whānaunga engari i pirangi au ki te haere ki te whare wananga whai tohu mātauranga ai, nō reira koia tōku mahi. E haere ana au ki Te Whare Wānanga o te Upoko o te Ika a Māui e ako ana i te reo māori me ana tikanga me te mahi kaute. Nā tēnei momo mahi ka pirangi au ki te whakaatu ki tōku whānau he hua nunui ka puta mai i tēnei. Kei konei tonu au ki te whare wananga ināianei, koinei tāku tau tuarua. Ahakoa kāore ano au kia mutu i tāku akoranga he maha ngā momo hua kua whiwhia kētia e au. Koinei tētahi, nō tērā tau i whiwhi au i tēnei mahi autaha ki te whakamāori i ētahi momo tuhinga waihanga i raro i te marumaru o Te Tāhuhu o te Mātauranga, ā, nui te utu mō taua mahi hoki.

Ko te mātauranga tōu taonga tino pai. Ki te whai i te ara mātauranga ka whakapai atu koe i tōu mātauranga, ā, kei taua ara ōna ake hua, ngā momo hua ka whai oranga mōu, mō tōu whānau, ā, mō tōu iwi hoki. Hei whakakapi i tēnei kōrero, ko tāku tino rongo pea ko tēnei “Me takawawe koe mō ngā mea tino pai i tōu ao, ā, kaua hoki e whakatau mō tētahi ao kōpipiri noa.” Ahakoa kāore au i whai i te ara o te ao kuti hipi pērā i tōku tungāne rāua ko tōku tuakana, i pirangi noa au ki te hanga i tāku ake tuakiri i tēnei ao, ki te whai i tāku ake ara, te ara mātauranga!

Share on FacebookShare on Google+Pin on PinterestTweet about this on Twitter

About the Author ()

Salient is a magazine. Salient is a website. Salient is an institution founded in 1938 to cater to the whim and fancy of students of Victoria University. We are partly funded by VUWSA and partly by gold bullion that was discovered under a pile of old Salients from the 40's. Salient welcomes your participation in debate on all the issues that we present to you, and if you're a student of Victoria University then you're more than welcome to drop in and have tea and scones with the contributors of this little rag in our little hideaway that overlooks Wellington.

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge