Viewport width =
June 1, 2014 | by  | in Features |
Share on FacebookShare on Google+Pin on PinterestTweet about this on Twitter

Te Mata Whānui o Te Moananui

Nōku te waimarie kua tonoa ahau ki te tuhi kōrero mō tōku mata. Ehara i te mea e kī ana au, he rawe ki a au te kōrero mōku ake. Heoi, kia rongo nei au i te kupu mata ka hoki aku mahara ki taku haerenga nui nōnakuanei tonu i oti ai. Nā, ko te haerenga nei i tīmata mai i Whīti, ka oti atu ki Palau, i te taha uru o Te Moananui a Kiwa, kai te rohe o Maikaranihia. Tata ki te rima tekau moutere i tae atu ai mātau, ā, nā runga i taku aroha ki ngā reo taketake ka whakarongo, ka pātai atu rānei ahau ki ngā tāngata whenua o aua moutere rā “he aha rā tā koutou kupu mō te eye/face?”I te nuinga o te wā ko te whakahokinga mai ko: “mata”. Tika tonu taku tūmeke i tēnā. Kua roa nei au e mōhio ana he tata rawa te hononga ki waenga i a tāua te Māori me ngā Poronihia, engari tonu tā tātau hono ki ngā Maikaranihia!

I tērā tau ka tīmata taku mahi i runga i tētahi waka, ko Okeanos tōna ingoa. I rere atu māua ko tētahi o aku hoa ki Whīti, ko au hai kāpene. He poto iho te waka nei i ērā atu o ngā waka e mōhio whānuitia ana, pērā i a Hokule’a, te mea nāna i tīmata mai te hahutanga ake o ngā mātauranga whakatere waka hourua/waka moana. Kāti, ko te ingoa o te kaupapa e kōkirihia ana e mātau ko “Sustainable Sea Transport”. Ko tōna whāinga matua kia kitea mehemea ka whaitake rānei te whakamahi i te waka tere nei (sailing vessel) i ngā moutere nōnakuanei i ngaro atu ai ō rātau pūkenga/mātauranga tere moana. He nui rawa ngā kōrero mō te kaupapa nei, heoi me aro kē ki ‘tōku mata’ hai tuhinga kōrero māku. Ko ngā pito whenua e whā i raro iho nei hai matapaki ake.

Fiji (Viti Levu/ Vanua Levu), Meranihia

I te waia kē ahau ki te āhua o ngā reo o Whīti, he nui ngā kupu ōrite ki ā tātau. Hai tauira: ko ‘manumanu’ tā rātau kupu mō ‘manu’, ko beka tā ratau kupu mō ‘pekapeka’, ko ‘vanua’ mō ‘whenua’, ko ‘mimi’ he rite tonu, he rite anō te nui o ngā kupu mō ngā wāhanga o te tinana, arā ko ‘mata’ tētahi o aua kupu.

Kiribati, Maikaranihia

I te rere tawhiti haere atu mātau i Poronihia ka tae ki Kiribati. Ahakoa he rerekē te tangi o te reo, tērā tonu ngā kupu āhua rite, pērā i te ‘kiri’ mō tā tātau ‘kurī’, te ‘mim’ mō tā tātau ‘mimi’, me ētahi o ngā kupu mō ngā wāhanga o te tinana, arā ko te ‘mata’ anō tērā.

The Republic of the Marshall Islands, Maikaranihia

Kai te raki o Kiribati ēnei moutere huhua rawa. He rerekē anō te reo i tō ngā Kiribati. Heoi ka rangona tonuhia ngā kupu āhua rite nei: ko ‘ik’ tā rātau kupu mō tā tātau ‘ika’, ko ‘mate’ he ōrite (koia tētahi kupu ka rangona whānuitia i Te Moananui), ko ‘mata’ tonu kai te rangona hoki.

Palau (he tata ake ki Āhia tēnā i Poronihia)

Ehara i te mea ka patapataihia te katoa o ngā tāngata whenua o ēnei moutere engari ko ngā kupu āhua rite i puta mai i ngā whakawhitinga kōrero i Palau, ko ‘mate’, ki a rātau ko ‘mat’ (he māmā ake te kōrero i te tuhi), me tērā kupu rongonui anō, ko ‘mata’!

E hika mā, kai pōhēhē tātau ko te katoa o ō tātau whanaunga e noho ana i Aotearoa nei me Poronihia, e tā! Mai rā anō nā te tuarā ararau o Hinemoana i tūhono ai ngā iwi KATOA o Te Moana Pukupuku a Tangaroa! Kai whea atu tēnei āhua e kitea ana – te noho tawhiti rawa o te tini iwi e whakaputa nei i ētahi kupu ōrite? Korekau.

Nō reira, me mīharo tātau ka tika ki ngā mahi a ō tātau tīpuna. I ruiruia e rātau ā rātau purapura ki ngā hau e whā kia tau noa ki ngā kokonga katoa o Te Moananui. Ka mutu, kaua e ohorere inā tae atu koe ki ngā moutere, ā, ka kitea e koe tō mata i roto i te iwi taketake o reira….he iwi kotahi tātau!

Share on FacebookShare on Google+Pin on PinterestTweet about this on Twitter

About the Author ()

Salient is a magazine. Salient is a website. Salient is an institution founded in 1938 to cater to the whim and fancy of students of Victoria University. We are partly funded by VUWSA and partly by gold bullion that was discovered under a pile of old Salients from the 40's. Salient welcomes your participation in debate on all the issues that we present to you, and if you're a student of Victoria University then you're more than welcome to drop in and have tea and scones with the contributors of this little rag in our little hideaway that overlooks Wellington.

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge