Viewport width =
April 19, 2015 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Kei tua o te pae

Katahi te ingoa hangai ki te kaupapa o tōna hui ko tera.  Kua rangona whanuitia ngā kupu nei i roto i ngā mihi ki ngā mate.  Heoi, he kōrero ano mo ngā wananga, ngā tikanga, ngā mahi a kui mā a koro mā i ngā rā o uki.

Ko te ingoa tenei o te wananga i tū ki Te Whare Wananga o Raukawa ki Otaki i te marama o Poutu-te-rangi.  No Ngati Raukawa te reo karanga ki te marea kia rarauhi mai ki te hui nei.  He tika ano hoki te tū o te hui ki roto i te whare wananga Māori.  I whai wahi mātou ko Te Wehi Wright, ko Te Aonui McKenzie ko Te Po Hawaikirangi ki te haere hei mangai mō Ngāi Tauira, mo Ngā Rangahautira.

E rua ngā kaupapa i wanangatia, ko te rangatiratanga, ko te matauranga Māori hoki. Na mātou ano te whiwhi i  ai mātou ki te noho ki te whakarongo ki ngā taniwha hikuroa o te ao matauranga.

Na Moana Jackson matou i whakamohio ki nga whakamarama mo ngā kaikōrero.  Ka whakatakotohia ano hoki e ia ngā kōrero whakakapi i te hui.  He tirohanga ki te retotanga o ngā kaupapa i wanangatia.

Ka tū a Dayle Takitimu ki te whakawhariki i ōna kōrero mo te rangatiratanga.  I kōrero ia mo ngā taumahatanga i pā mai ki a ia i āna mahi hei roia mo ngā kereme o te Te Whanau a Apanui ,a, te whawhai i ngā ture mo ngā hinu kei te takutai moana o te rohe rā.  Ko tāna, me tū toka tu moana te iwi Maori i ki ngā ngaru whawhati o te Kawanatanga me te ao hurihuri.  I reira ano hoki a Wayne Ngata. E ai ki a ia, mā te whakaora me te whai i te matauranga Māori e whakamau ai te iwi Māori ki tōna rangatiranga.

Katoa ngā kōrero nei i wanangahia e te hunga whakarongo i ngā ahiahi.  Tere tonu tā mātou hono atu ki te rōpu kōrero Māori, kia wanangatia, kia wetewetetia ngā whakaaro,a, ngā kōrero o te rā.  I whai wahi ano hoki mātou ki te whakatakoto i o mātou ake whakaaro mo te hui.

Ao ake te rā tuarua, he wananga ano te mahi.  Na Veronica Tawhai te ahi i tautau me ōna kōrero mo te ropu rangatahi – Matike Mai Aotearoa.  He rōpu i whakaturia ki te whai rautaki hei akiaki i ngā rangatahi ki te whai i ngā kaupapa mo te tuapapa ture o Aotearoa.  Ko tā rātou he whakaara ake i te reo o te rangatahi ki ngā ture hangai ki te kawanatanga.  I tū ano hoki a Ruakere Hond ki te waha i ōna whakaaro mo te matauranga Māori.  E ai ki āna rangahau, ehara te ‘matauranga’  i te kupu tuturu o te iwi Māori.   Ko te kura, ko te wananga rānei te kupu i whakamahia e ō tātou tipuna.

Katahi te hui rangatira ko tēnei.  Katoa ngā ahuatanga o te rangatiratanga i whakatinanahia e te hui nei.  Ko te reka, ko te hohonu o ngā kōrero hei kai ma ngā taringa.  Ko te manaakitanga o te hau kainga tera e tohu ana i tōna rangatiratanga.  Ko te mahi o te rangatira i ea i te raranga mai i te tira whakarongo, ki te timotimo i ngā kai o te kōrero.

Kati, me mihi ka tika ki a Toihourewa ngā rangatira i whakaaea hei uru tātou ngā manu taiko ki tēnei wananga hirahira.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Issue 20, Vol 81: CW: Tits & Bits
  2. Food Sex
  3. A (Selective and By No-Means all-Encompassing) Look at Neo-Soul
  4. A Love Song
  5. Doing It
  6. Top 5 Sexiest TV Shows I I Was Too Young to be Watching But I Did Anyway
  7. My Dad Wrote A Porno
  8. NT: Te Ara Tauira
  9. Sexing up the Hub: Condoms, Clits & Suzy Cato
  10. The Lifts Are Always One Step Ahead
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided