Viewport width =
maramatanga
July 26, 2015 | by  | in Features |
Share on FacebookShare on Google+Pin on PinterestTweet about this on Twitter

He aha te māramatanga i tōku ao?

I tēnei whenua o tātou e wātea ana tātou katoa, ahakoa ko wai, ahakoa nō hea, ki te whai i tēnei mea te mātauranga. Engari, ko te nuinga o tātou kāore i paku whakaaro mō taua āhuatanga. I ētahi whenua o tēnei ao, kāore e wātea ētahi ki te whai i te mātauranga. Hēoi, e ai ki te Whakapuakitanga Tika Tangata he tika tangata tēnei mea te mātauranga. Engari, ahakoa tana tū hei mana tangata kua whatia ki ētahi tamariki, ki ētahi pakeke anō hoki. I te whākorekore o tēnei tika tangata , he māmā te kite, kua huri tēnei mana tangata mā te katoa, hei hōnore mō te ruarua noa iho.

Kāore e kore kua rongo te nuinga o tātou ki ngā kōrero e pā ana ki a Malala Yousafai. Engari, mō koutou kāore anō kia rongo ki a ia ānei ētahi kōrero. He kōtiro a Malala, nō Pakitāne, i whawhai ia mō te āheinga a ngā kōtiro, ngā wāhine ki te whai i te mātauranga. Kia kore ai te mātauraunga e noho ana hei hōnore mō ngā tāne, mō ngā tama anake. Hēoi, i te tau 2012, i a ia e noho ana i tōna pahi mō te kura i hoata ia, i te Taliban. Ahakoa taua aituā, i te whakapikinga o tana ora i whawhai tonu ia mō tana kaupapa, ā, nā tāna mahi i whakamana te pire o te mana ki te whai i te mātauranga o Pakitāne. Ko taua pire rā te pire tuatahi o tōna āhua mō Pakitāne.

Mai i ngā kōrero o Malala ka āhei tātou ki te kite i te hiranga o te mātauranga ki a ia. I whakapau ia i ōna kaha katoa kia wātea ai ngā kōtiro, ngā wāhine o tōna whenua ki te whai i te mātauranga. Kia ōrite te taumata mō ngā tāngata katoa. Kia kore ai te mātauranga e noho hei hōnore mō ētahi anake.

Ko te tumanako ka mōhio koutou ināianei ki te māramatanga i tōku ao, arā, ko te mātauranga. I te nuinga o te wā kāore tātou i āta whakaaro mō tō tātou āheinga ki te whai i te mātauranga, hēoi ka waiho au i tēnei whakataukī hei whakaarotanga mā koutou:

“Ko te manu e kai ana i te miro, nōna te ngahere.

Ko te manu e kai ana i te mātauranga, nōna te ao.”

Kupu hou:

Pakitāne – Pakistan

Tika (Mana) Tangata – Human Right

Whakapuakitanga Tika Tangata –Universal Declaration of Human Rights

Whākorekore – Denial

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Your silent cries left unheard
  2. How it Works: On the Climate Change Response (Zero Carbon) Amendment Bill
  3. Is Vic Books Missing Out on the Living Wage Campaign?
  4. Jesus Christ Super-Nah, Saviour’s New Political Party May Need Miracle
  5. Issue 12 – Friendship
  6. SWAT: Friendship Column
  7. Inevitable Entanglement
  8. HOROSCOPE WEEK OF JUNE 3: FRIENDSHIP
  9. Liquid Knowledge: On Israel and Palestine
  10. An Ode to the Aunties

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov