Viewport width =
July 26, 2015 | by  | in Opinion |
Share on FacebookShare on Google+Pin on PinterestTweet about this on Twitter

Te Hōhaieti o te reo Māori ki Wikitōria

E kaha kōrerotia ana a Ngā Tamatoa nō te Whare Wānanga o Tāmaki Makaurau. Mōhio rānei koe ki te rōpū nā tēnei wānanga nei, Te Rōpū Reo Māori? Tēnā, kia whakamāramahia e au.

1969 te tau. I puta i a Koro Dewes te whakaaro kia whakatūria tētahi rōpū kōkiri i ngā kaupapa o te wā ko te reo te take. Ka hua mai ko Te Rōpū Reo Māori. Hui ai rātou ki te whare hākinakina (Club Kelburn) ki te ako. Kāore he karaehe reo, he marae hei tautoko i te reo Māori i tēnei wānanga, korekau!

Nāwai, ka puta te hiahia whai i tētahi kaupapa tōrangpū hei whakamana i te reo Māori i ngā kura, i te pouaka whakaata. Ka whakaritea e te Rōpū tētahi petihana hei tuku ki te Karauna. Ko Ngā Tamatoa te ringa āwhina. Neke atu i te 30,000 ngā tāngata i tohu i te petihana nei. Ā, nō te 14 o Hepetema 1972 whakatakotohia ai te petihana nei ki mua i te whare pāremata. I tapaina tēnei rangi, te 14 o Hepetema, ko te Rā o te Reo Māori. I te tau 1975 ka huri te wiki i taka ai te 14 o Hepetema hei wiki whakanui i te reo Māori. Arā, ko te Wiki o te Reo Māori tēnā.

I whakaputaina anō e te Rōpū Te Ao Marama, tēnei pukapuka tonu e pānui nei koe! Mōhio koe, kotahi anake te niupepa reo taketake i te ao, ko Te Ao Marama tonu!

1986 te tau. I rangona te kerēme reo Māori (Wai11) ki Te Herenga Waka Marae, me Waiwhetū Marae. I te mutunga iho, ka whakaturehia te reo Māori hei reo whai mana i te tau 1987.

I tēnei tau, kua whakatūria anō te Rōpū – me tōna ingoa ake, Te Hōhaieti o te reo Māori – hei whakamihi, hei whakarangatira i ēnei Ika a Whiro i whakapau kaha mō tō tātou reo, mā tātou hei whai ā muri ake nei – he tauira noa iho i taua wā, pēnei i a tātou.

E meatia ana kia kaua e kōrerotia tō ake reka. Heoi, e tika ana anō me tuku ēnei kōrero kia rere, hei wānanga mā tātou i waenganui tonu i a tātou, matawhāiti nei. I ora te reo Māori i tēnei whare wānanga, i āna tauira. Me te aha, i te korenga o ēnei kōrero e rangona kua wareware, kua ngaro! He aha te hua o tērā?

Kia maumahara tonu ki ēnei kaupapa nā Te Rōpū Reo Māori i whakatū, mā tātou hei pīkau. Ko te pātai ia, māu rānei e hiki, ka tukuna rānei e koe mā Wareware e tiaki?

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. SWAT
  2. Ravished by the Living Embodiment of All Our University Woes
  3. New Zealand’s First Rainbow Crossing is Here (and Queer)
  4. Chloe Has a Yarn About Mental Health
  5. “Stick with Vic” Makes “Insulting” and “Upsetting” Comments
  6. Presidential Address
  7. Final Review
  8. Tears Fall, and Sea Levels Rise
  9. It’s Fall in my Heart
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided