Viewport width =
elijah
July 26, 2015 | by  | in Features |
Share on FacebookShare on Google+Pin on PinterestTweet about this on Twitter

Te Whānau Tōrangapū Māori ee. Bleh!

He aha rā tōku māramatanga i tōu ao. Ko ngā take tōrangapū, ko tōku taha Māori, kā mutu, te whanaketanga o tō tātou iwi Māori.

Ko ngā take tōrangapū pēnei i te Paati Māori, ko ngā take tōrangapū o te motu hoki. Nō reira ka tīmata pea ki taku kaingākau ki tō tātou Paati Māori, arā te Paati tika mō tātou. Ko tō mātou nei kaupapa, me hāngai ngā policies ki ngā whāinga o te iwi Māori. Pēnā ki te Reo Māori, te whakanaketanga o te hāpori, te Whānau Ora, te mea te mea.

Ko te Whānau Ora, he kaupapa e pā ana ki ngā wawata o te whānau. Mehemea kei te pīrangi te whānau ki te whakatū i tētehi kaupapa hei hua mō taua wawatā, mā te whānau ora tērā kaupapa e tautoko.  Mehemea kei te pīrangi tō whānau ki te āwhina i tō rā Whaea e pā ana ki tana hia tarukino, mā te whānau ora tērā kaupapa e tautoko. Te āhua nei ko te whānau te mea nui, me te kotahitanga o ngā mema katoa o tō tātou whānau. Koinā te mea nui.

Nō reira, ka tika me tautoko tātou ki te pāti māori, otirā ki tēnei o ngā kaupapa. Tū Māori Mai – Ko Mātou Tērā!

He taonga kei roto i ngā ringaringa a te tangata e poipoi ana, kāhore rānei? E pēnei ana nā runga i te mōhio, kei te taupatupatu ngā iwi me ngā toki o te reo me taua kaupapa, mā wai e tiaki i te reo o uki? Āna, ko te Mātāwai tērā kaupapa e tino tautohetohengia e koutou. Nē hā? Ko tāku, he huarahi tāpokopoko, kāore e kore, ēngari he hīkoi iti noa ki te pae tawhiti. Heoi anō, me he raru āu ki tēnei kaupapa, kei te pai tērā, ēngari kaua e amuamu, me puta tō whakaaro nā runga i te rangimārie, katahi me puta to whakaaro pai ake i tērā o te Kawana. Mōku ake, me hoki te mana o te Reo Māori ki te iwi Māori ka tika. Ēngari, he aha tēnei mea te huarahi tika mo te whakarauoratanga o te reo? Ko te Rautaki Reo Māori? Me kī, mā te mahi tahi ka tupu mai, ka ora mai te reo.

Kāore e kore, he whakaaro tā koutou mō ngā take tōrangapū katoa o te motu nei. Ēngari kia kaua e amuamu noa e pā ana ki ēnei whakaaro – me puta ki te whai ao ki te ao Mārama! Haere ki ngā mema pāremata, haere ki ngā Tāhūhū Rangapū o ngā Tari Kāwana, haere ki ngā kaumātua puta noa i te motu. Mā te aha koe e amuamu noa mō ēnei whakaaro? He aha rā ngā hua o tērā?

Me huri aku whakaaro kia rātou mā kua wehe. Ko tā James Hēnare, i te hokinga mai o ngā hoia: Hoki atu ki ō maunga, hoki atu ki tō iwi, hoki atu ki ō marae. Ēngari ko te mea nui, tū Māori mai, tū Maori mai. Koia.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. ONCE: A captivating collection of solo dance works
  2. Matilda the Musical — Matthew Warchus
  3. Rant with Grant
  4. A Fairer Aotearoa
  5. VUWSA Constitutional Changes
  6. The Politics of Caring: Interview with Max Harris
  7. Yes We Care
  8. Not Enough to Begin With
  9. On the Fence
  10. Policy for Policies

Editor's Pick

FUCK ENGLISH, VOTE POEM

: - SPONSORED - The layer of mist over paddocks, delicate and cold; the layer of cows under a silver sun-bleached tree; the hills rising over them and in the distance the whole countryside demarcated by accidental hydrangeas or a gentle river.   All of these layers upon layers