Viewport width =
July 12, 2015 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Te whare tapa whā

He whā ngā kokona o te whare, he whā ngā taha o te tinana o te tangata, na he whare tapa whā. He tika rā ngā kōrero a Mason Durie:

Ko te taha hinengaro te taha ka kawe i ngā whatumanawa o te tangata. Ka ruku hohonu te tangata i ngā momo ahuatanga perā ki te aroha, ki te rangimārie, ki te harikoatanga,ā, ki te pouritanga hoki. Ko te hinengaro o te tangata he momo waka ka kawe i ngā kare-a-roto o te tangata, nā ngā ahuatanga ka patukituki i te manawa. Āpiti atu hoki ko te hinengaro te tahūhū o te whare tangata. Ka noho te kakano i ruia mai i Rangi-ātea i rito i te iho matua o te tangata, ki kōnei ka puawai ngā wawata, ngā aronga o te tangata ki te whaiao, ki te Ao Mārama.

Ko te taha whānau te ahurumowai, ā, te ukaipotanga o te tangata. Ko te turanga o te whanau he tino whakahirahira i te oranga o te tangata. Huri kē atu ki te hiranga o to hononga ki o mātua tipuna, nā ngā rā o nehe. Huri kē atu ki te hiranga o ināianei i waenga i to tipuranga. Huri kē atu ki ngā wā kei te heke mai nei ki o mokopuna. Ko te turanga o te whanau te manawa o te tangata. Kāore e kore ko te taha whanau ko te whakapapa o te tangata. Ko koe tōu maunga e tū tiketike ana. Ko koe tōu awa e maringi ana ki te moana. Ko koe tōu waka e hoe ana ki rangituhāhā.

Ko te taha wairua te taha o te tangata e kore ai e kitea. Tera ko te wairua he ao ano. Kei ia tangata o tēra iwi, o tēra iwi he hononga ki ngā atua, ā, he hononga ki ngā kaitiaki o tēnei ao hurihuri. Kei ia tangata o tēra iwi he hononga ki ngā matua tipuna. Ka tuia te tangata i tōna taha wairua ki ngā mahi katoa.

Kati, ko te taha tinana te tipuranga o te tangata. Ahakoa te aha, ka tipu te tinana o te tangata mai i te wā e koropiko ana koe i roto i te kōpū o to whāea, tae noa atu ki te wā ka hoki to tinana ki te mahanatanga o Hine-nui-te-pō. Ka tahuri ki te hauora ōkiko o te tangata, na ko tēnei te wahanga tino hirahira o te whare tapa whā. Me whakaruruhau te tangata i a ia ano, hei ora ai tōna ake tinana, te tinana i ahu mai mai i ngā one o Papatuanuku.

Ki te kore tātau e poipoi i ēnei taha e whā o te tinana ka ngaro haere te kitenga,ā, te aronga o te oranga o tātou te ira tangata “ He kakano au i ruia mai i Rangiātea”.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Raw Collective, Jinz Moss, and Makeshift Movements
  2. Podcast: Interview with Get Your Hands Off My Dogcast
  3. Editors’ Letter
  4. Euthanasia Case Before the Courts
  5. We Can’t Take It for Granted: Academic Freedom in Hungary
  6. Free West Papua
  7. Pressured Lecturers, Cheating Students
  8. National Sexual Health Helpline Underway
  9. Tinder Surprise
  10. Populist Reaction Unlikely

Editor's Pick

Coffee Thoughts

: - SPONSORED - According to the NZ History website, “Wellington’s café culture is today an integral part of its identity as a city.” It’s true, everyone in this city seems to love coffee and we have an ample amount of cafes to keep the love brewing. I have been aware of t