Viewport width =
July 26, 2015 | by  | in Opinion |
Share on FacebookShare on Google+Pin on PinterestTweet about this on Twitter

Whānau Days

Kei ngā manu e kai ana i te matauranga tēnā tātou! Kua whakaterea e Ngāi Tauira he kaupapa hei whakahono i ngā tauira o tēra taumata o tēra taumata o te whare wananga nei. Ko te kaupapa e kīia nei ko ngā “Whānau Days”. Kei tērā 30 ngā tūranga e wātea ana mō ngā tauira, ēngari kua rahuitia ngā tūranga 15 mō ngā mea pīpī o te whare wananga. Ko te wairua ngahau te waka e kawe ai te kaupapa. Ka tangōhia ngā potae matauranga, ā, ka whakamau kē i ngā potae o te harikoatanga. I whakarite mātou i tēnei kaupapa kia taea ngā tauira hou te tutaki ki ētehi anō i raro, nā raro i te āhuru mōwai.

I tū te hui tuatahi ki ‘Paintball Corp’. Parahutihuti ana tā mātou haerenga, mā runga waewae express hoki tā tātou ekenga. I whakarōpūngia mātou e te kaiwhakarite kia toru ngā tīma. Kīhai i taro, ko te pahupahu noa te reo i rangona e ōku taringa. Ka timata ngā kemu, ka hoihoi katoa te pae o te pakanga i ngā nanakia o Ngāi Tauira. I te mutunga iho ko te whanaungatanga te hua i puta.

Na wai ra ka tū te hui tuarua ki te Keke Tini, ko te matakitaki whutuporo te mahi. Ahakoa he kaitākoro tāku tau a SBW mō te kapa Chiefs ka tautoko tōnu au i ngā Canes ,ngā whakaihuwaka. Me mihi ka tika ki a Navana Koretake Brrr. Nāna i whakamau te pōro, nāna anō i whakahoki ki ngā kaiākoro. Tō kerewa!

I tū tā mātou hui tuatoru i te mutunga o te taraimeta ki Queenswarf. I te pūrei mātou i te kemu, Bubble Soccer. He hatēkēhi rawa tēnei kemu. Ka timata mātou i tēnei kemu, ka hoki aku mahara ki te wā e purei bull rush ana mātou ko ōku whanaunga ki te marae. Ēhara i te mea ko te whai piro te whainga matua . Ko te tohu kē o ngā toa ko ō hoa e takoto ana i te whira. Ka aroha ki a koutou ngā hoariri o tāku tima. I raro rātou e putu ana

Hei te 1st o Akuhata ka tū ai tā tātou hui tuawha ki te Hunter Lounge e hoa mā nō reira kia kotahi atu koutou ki reira. Na Ngā Rangahautira tēnei kaupapa i whakarite. Ko te matakitaki i ngā whetu maiangi o te ao puoru te mahi. Ko Tiki Tane rātou ko …. ngā kaiwhakangahau. $25 te utu mō te hunga kai kai $35 mō Ngāi kai huare ,ā, mēna ka hoko koe i tō tīkiti mai i a Ngāi Tauira he $15 noa te utu. Kia mohio mai koutou he 30 noa iho ngā tīkiti $15. Taihoa ake, ka whakairihia ngā whakaritenga i runga i te wharangi Pukamata o Ngāi Tauira. Mā reira mohio ai tātou ki ngā nekehanga.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Interview with Katie Bruce
  2. Summertime Sadness: An Ode to a Short-Lasting Summer
  3. For Teresia
  4. Crazy Ex-Girlfriend, Season One
  5. Hit and Run
  6. what an idiot
  7. Shakti Refuge Refused Funding
  8. VIC UFO
  9. Presidential Address
  10. Te Ara Tauira
Salient (4)

Editor's Pick

Summertime Sadness: An Ode to a Short-Lasting Summer

: - SPONSORED - As the Wellington’s annual premature cold kicks in, the hashtag tbt increases sevenfold and we all begin to get moody at the thought of the imminent mould sure to resurface in the coming months. I was fortunate enough to grab at least a week of sunshine and happin