Viewport width =
September 13, 2015 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Te Huika Tauira 2K15

Ka tō te rā i runga i ngā puke, i ngā waipiataata, i te whenua o Tahupōtiki, i te rohe o Kai Tahu. Ka eke pai tō mātou wakarererangi ki ngā one o Ōtautahi. Ko mātou a Ngāi Tauira e haruru nei, e tae ā-tinana mai ki te tū hei māngai mō ngā tauira Māori o Wikitōria ki Te Huinga Tauira 2K15. Ko te rā tuatahi tēnei, ā, ko te Rāpare te 27 o Akuhata. Ka tae atu  te 40 o ngā tauira, nā ko mātou tērā. Ko te koekoe o te Tūī te reo tuatahi i rangona e tātou i te tomokanga. I pōwhiritia e te hau kainga a te Akatoki rāua ko Te Awhioraki i a mātou ngā tauira. Koinei ngā roopū i whakarauika mai ki runga i te pai whenua o Ōtautahi: Ngā Tauira Māori (Auckland University), Titahi Ki Tua (AUT), Manawatahi (Massey—Palmerston North), Kōkiri Ngātahi (Massey—Wellington), Te Roopu Māori (Otago University). Huri te ao, huri te pō i timata ngā manu kōrero i te pāparakauta. Kino kē nei ngā manu tīoriori e whakamahana ana ngā korokoro, e whakapuakina i a rātou ake aronga e pā ana ki ngā kaupapa katoa o te Ao Māori.

I te aranga mai o te rā i te rā tuarua i puta ngā mata weriweri i runga i te atāmira, ki te mahi kapa haka. I tū rangatira, i tū pakari ngā roopū katoa i te atamira rā. Pāpā ana te whatitiri, hikohiko te uira, rū ana te whenua, whatiwhati te moana nā ngā mahi a Hinerēhua, a Tāne-rore. I rongo mātou katoa i ngā waiata i ngā mōteatea, i ngā haka o tērā rohe, o tērā rohe huri noa i te motu. I te hekenga mai o te pō i whakariterite mātou i a mātou anō, kātahi ka peka atu ki te pō whakangahau ki te mahi whakawhanaungatanga.

Ka tahuri atu ki te rā tuatoru. I taua rā i puta ngā pūkenga katoa. I te tuatahi i purei ngā roopu i te pā whutupōro me te netipōro. Koinei te wa i hiki te ihi, te wehi me te wana. Kei runga noa atu a Ngāi Tauira. I te pō o te Rāhoroi i mau pūweru ngā wāhine, i mau hūtu ngā tāne, ā, ko tēnei te pō tohatoha i ngā taonga o Te Huinga Tauira. Kāore tētahi pō i tua atu i taua pō rā.  Mai i te timatanga tae noa ki te whakamutunga.

Me mihi ka tika ki ngā kaiwhakahaere, arā, ko Te Akatoki rāua ko Te Āwhioraki, mō tā rātou kaha manaaki, kaha poipoi i a mātou i tēnei haerenga. Kāore he kupu hei whakapuaki i ngā kare-ā-roto, i ngā tūmomo āhuatanga kua kite, kua rongo. Waihoki rā, he mihi matakuikui ki ngā kaitūruki, ki ngā kaiwhakahaere o Ngāi Tauira. Ko koutou ngā kaihoe e hoe ana te waka ki uta.

#TūMāoriMai.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Newsthub: No need to kill cats Mittens, owners should be responsible – Wellington Mayor Justin Lester
  2. Where Does Your Student Services Levy Go?
  3. Presidential Address
  4. Simran Rughani Resigns from VUWSA
  5. Score Steamed Hams with Seymour for Society Soirée
  6. VUWSA Launches Student Mental Health Campaign
  7. Tragicomic Webseries
  8. Issue 18, Vol 81: Under the Surface
  9. NT: Te Ara Tauira
  10. Queer Coverage: Local, National, and International LGBTQIA+ News
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided