Viewport width =
March 20, 2016 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Māori Matters—Food

Inā te huhua o te kai rangatira e horahia nei ki tēnei tēpu kōrero e ngā ringa whero o te maheni nei, tēnā rā koutou. Heoi, mōhio ana tātou ko te tino kai kāre e puta mai i tō waha, ka whakaurua kētia! Ruarua noa iho ngā takatao i roto i te reo Māori kua tāngia ā-pepa, ā-Ipurangi rānei. Anei tāku maramara hei whakawaiwai i te waha o Pīkoko.

Tiamu Aniana:

Tērā pea, koinei tāku tino kai e tunua ana e au. Māmā te whakarite, māmā te tunu, māmā te kai! Ina pīrangi koe kia taka te tātua, tirohia ki wāhi kē. He kai takurua tēnei. He pai rawa te pani pāraoa ki tēnei, he pai rawa atu anō tēnei hei kīnaki mō te mīti.

Kīnaki:

Aniana, e rua ngā kirokaramu
Huka paraone, he hāwhe-kapu
Tote, he pune nui
Pata, e 250 ngā karamu
Whīnika itariana, he kapu hauwhā

Takatao:

  1. Tapahia ngā aniana (kei a koe te tikanga o te āhua). I tētehi ipu, meatia ngā aniana kua tapahia, te huka paraone me te tote. Wehe atu ki te kaipaipa, takiuru atu ki Pukamata, te mea, te mea. Hoki mai anō ki te ipu i muri i ngā miniti e 25. Tātaritia te wai engari me mātua rāhui.
  2. Whakarewaina te pata i tētehi kōhua, ā tata parauri noa te tae. Whakaurua ngā aniana.
  3. Āta kauroritia ngā aniana kia kore ai e wera. Whakamahia tō pīnati – mōhio kē koe me pēhea te ahua o te aniana karamea (he paraone uriuri te tae). I ētehi wā, riringi mai te wai kua rāhuitia ki ngā aniana hei whakarewa i te tino rekanga i te takere o te kōhua. Ki te whakaaro koe he tangata whai rawa, pai anō te riringa mai o te waina (engari ki au nei, pai ake te inumanga).
  4. Kia parauri uriuri ngā aniana, he kakara rerehua e paoa ana mai i te kōhua, kua mutu. Meatia te whīnika itariana. Ka pai. Kua mahi koe i te tiamu aniana.

Maumaharatia tēnei whānau: ko koe te rangatira ake o te kīhini. Mehemea he pai ki a koe te konakona, he pai tonu ki a au.

Kupu hou:

takatao – recipe

kīnaki – ingredient; sauce

whīnika itariana – Balsamic vinegar

karamea – caramel; caramelised

konakona – flavour; taste

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Your silent cries left unheard
  2. How it Works: On the Climate Change Response (Zero Carbon) Amendment Bill
  3. Is Vic Books Missing Out on the Living Wage Campaign?
  4. Jesus Christ Super-Nah, Saviour’s New Political Party May Need Miracle
  5. Issue 12 – Friendship
  6. SWAT: Friendship Column
  7. Inevitable Entanglement
  8. HOROSCOPE WEEK OF JUNE 3: FRIENDSHIP
  9. Liquid Knowledge: On Israel and Palestine
  10. An Ode to the Aunties

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov