Viewport width =
Te-Ao-Marama-24
July 10, 2016 | by  | in Features |
Share on FacebookShare on Google+Pin on PinterestTweet about this on Twitter

Ko te Reo te Paiaka, Ko te Tikanga te Rākau

Kai Tahu (Kāti Huirapa), Ngāi Tenemāka, Ngāi Pākehā

 

“Ko te reo te paiaka, ko te tikanga te rākau”, he whakataukī tēnei nā tōku whaea, kua ū ki ahau mai i te wā e tamariki ana ahau i tāwāhi. Ko tana whakamāramatanga; ki te pirangi koe ki te tū rangatira i roto i ngā āhuatanga me ngā whakaaro o tētahi iwi me tōna tikanga me ōna ao wairua, me ako koe i te reo motuhake tuatahi, na te mea ko te reo o tētahi iwi, he waka ekawe ana i ōna whakaaro me āna tikanga katoa.

He rite te tangata ki te rākau. Nō reira ki te ngaro te paiaka, ka mate te rākau. Ki te ora te paiaka, ka ora tonu te rākau me te ngahere katoa, ā , ki te ora te tangata, ka ora tōna hāpori katoa.

 

Ko tōku whaea

Ko te reo te mauri me te tino tūāpapa o te ahurea. He wahine whaimōhio tōku whaea ki te kaupapa e pā ana ki te ako reo, na te mea i hīkoi ia ki Tenemāka i muri i te toru tekau mā whitu ngā tau, i tana moenga i tōku matua. He tangata Tenemāka tōku matua, i tae mai ki Aotearoa-Niu Tirēni whai mahi ai, nō reira i tūtaki rāua i a rāua i Te Wai Pounamu i taua wā.

He kaiwaiata pūkenga tōku whaea, i whakapau kaha ia ki te waiata ki ahau i te reo Māori i au tamarikitanga. I whakatōngia e ia te kākano ō Aotearoa ki roto i taku tuakiri, ka mau u iahau te reo o ōku tipuna Māori, ahakoa i whānau au i Ingārangi, ā, i tipu ake ahau i Tenemāka.

 

He tūtakitanga i Te Rāwhiti Waenganui

I ahau e mahi āpiha takawaenga ana i Te Rāwhiti Waenganui i te tau 2012 i raro i te maru o Te Kotahitanga o Ngā Iwi o te Ao, i tīmata ai taku ako i te reo. Nā, i tētahi rā, i haere ahau mai i Hiria ki Repanoana, ā, ka tūtaki ahau ki tētahi tangata taketake, ko Kahled tōna ingoa, ā, ka whakawhiti kōrero māua i te reo Arapika, na te mea he kaikōrero matatau ahau ki te reo Arapika, na te maha me te roa o taku nohonga i ngā whenua o Te Rāwhiti Waenganui. Pai rawa atu kia ahau te kōrero kanohi-ki-kanohi. Heoi anō; he kōrero hōhonu a-whakapapa, a-tōrangapū, a-pakanga, a-hītori kōronia, a-reo a māua kōrero ko Khaled, nō reira ka puta mai he pātai mai i tōku whatumanawa, ki tōku hinengaro i te wā e hēhētia ana te hau makariri o tehōteke, i te wā e mātakitaki ana ahau i ngā maunga o Repanona, ka puta mai tēnei pātai:

E hika, he aha ana a Christian Haereroa matatau ai ki te reo Arapika, he reo tauiwi kē. Kāhore e taea e Christian Haereroa ,he uri o Te Waka a Takitimu, ki te hanga rerenga kōrero i te reo Māori, ko taua reo, he reo tūturu ki a ia me tōna whānau?”

Kātahi ka tīmata ahau i tōku ara ki te ako i te reo Māori, ā, ki te whakaoho i te reo Māori i tōku whānau, na te mea ko ahau te mātamua o ngā mokupuna o tōku kuia kua whetūrangitia, me hāpai ahau i tēnei haepapa whakahirahira ki runga i ōku pokohiwi, ahakoa te taumaha o te mahi, ahakoa te roa o te haerenga.

 

He Wānanga i Tāmaki Makaurau

Nō taku taenga mai ki Aotearoa i tēnei tau i tīmata ahau ki te ako i te arero tūturu o te motu i raro i te tuanui o Te Whare Wānanga o Ngā Kura Kaupapa Māori. He akomanga rumaki reo te mahi. He huhua te ako ki taua wānanga, na te tino manaaki, na te tino aroha, na te tino pūkenga me te pukumahi o ngā kaiwhakaako e whakapeto ngoi ana kia puāwai ai ngā pia katoa. Mehemea kei te noho i te kohara ka ako au i te reo rangatira me ōna tikanga i roto i tōu puku, me haere mai!

Kua oti e whā ngā marama o te akoranga i tēnei wā. E whā ngā mārama e toe ana ki te whakapotaetanga. Kāhore anō kia mākona tōku hiainu ki te ako. Ko te wero ki ahau; me haere au ki whea ka haere ahau kimi ai i ngā kaikōrero reo Māori i te hāpori o Akarana? He hiakai nō ki te whakaharatau i tōku reo Māori. Ki ōku whakaaro nei e ora tonu ana te reo i runga i te marae, i roto i ngā kura, i ngā hui, i roto i te ao pāho, engari he ngoikore, kei te ngaro te reo Māori o te nuinga o Te Iwi Māori i Tāmaki Makaurau. He mate nui tēnei.

He ronog pea tēnei: Me whakanoho ia kaikōrero Māori i tētahi tūtoho “Kōrero Māori mai” Kia aha ai? Kia whakamōhio atu ai ki te tangata he pūkenga ōna kei te hiahia ki te kōrero Māori, kātahi pea ka whakaharatau te katoa. Koinei taku manako.

 

Ko wai te tangata Māori?

He maha ōku whakaaro e pā na ki tērā pātai whakahirahira ōnaianei, ka puta mai i tōku haerenga. Kei te hoki ōku whakaaro ki tōku tūrangawaewae Tēnemaka, ki tōku ngahere, ki tōku moana i reira, ki te Kingitanga ō tōku matua. I tēnei wā, ko te tangata Tenemāka te kirirau e kōrero ana i te reo Tenemāka, ā, e mōhio ana ki ngā āhuatanga o ngā tikanga a-iwi pānga ki te Kingitanga o Tenemāka. He iwi kotahi ngā tāngata Tenemāka ahakoa te rerekētanga o ngā hapū a-rōhe o taua iwi e noho ana i raro i te korowai o Te Kuini Makareta Te Tuarua.

Ko wai te tangata Māori? Ki te whakaaro o te nuinga o ngā tāngata, ko te tangata Māori he tangata he whakapapa e hono ana ki ngā iwi taketake, arā ngā tūpuna kua whakatau mai ki kōnei tuatahi mai i Hawaiki i te Moana nui a Kiwa. Ki ētahi ko te tangata Māori te tangata kirimangu, ahakoa te whānuitanga o tōna reo Māori.

Kei te āhua tautoko ahau i tēnei whakaaro, arā te kōrero e pā ana ki te pūmanawa taketake, kei reira te tuakiri Māori, otirā ki ōku whakaaro ake nei, ki te pirangi te tangata Māori kiapuāwai ia, me ako ia i tōna ake reo, kaua e kōrero te reo kōronia tauiwi anake.

Kōrero Māori hoki! Mā tātou katoa Te Reo Maori me ōna tikanga e whakaoho, kia rongo ai i te tino ātaahuatanga o te reo tūturu o te motu, kia noho pūmau te ao Māori i ō tātou ngākau, kia pangapanga ai te rangi o te reo rangatira i ngā wā katoa me ngā wāhi katoa, ehara i te marae ātea anake.

He ātaahua ngā rangi o te reo Māori. Ko te reo Māori te reo o te whenua e moe ana, o ngā awa e rere ana, o ngā kōwhatu e rarā ana, o ngā hau e pū ana, o ngā ua e patapata ana, o ngā ngaru moana e ngunguru ana o ngā rau rākau e pakipaki ana. Ko to tātou reo Māori te reo o te taiao me te ao tūroa.

 

Ka haere tonu te haerenga

Ko te reo me ōna tikanga katoa te hononga ki te tino wairua o ngā tūpuna ahakoa te tae o ō rātou kiri, ahakoa te wahi o ō rātou ūkaipō. A tōna wā ka whakahaere ngā pia o tōku wānanga i te reo ki ā mātou tamariki, ā, ka hoki ngā uri o Ngāti Rumaki ki ō mātou marae kia pāorooro ai te karanga, kia māorooro ai mō ake tōnu ake ngā whaikōrero.

E tika ana te whakanui i ngā kaiwhakaako katoa e poipoi ana i ngā tauira me te whaea nāna te kākano i whakatō i roto i te ngākau o tēnei kaitito.

Ko te tino akoranga mōku i tēnei tau: He tangata matarau ahau nō ngā hau e wha, rite ki ōku tūpuna, nō Aotearoa, Ingārangi me Tenemāka. I whakapiripiri ngā whakapapa katoa i roto i ahau me tōku tirohanga ki te ao whānui.

Nō reira ko te toto ahau, ko ahau te toto.

Ko ōku reo ko ahau, ko ahau ko ōku reo.

Ka haere tonu te haerenga.

 

Rārangi kupu:

Tenemāka, Denmark

Te Rāwhiti Waenganui, The Middle East

Apiha takawaenga, liasion officer

Te Kotahitanga o Ngā Iwi o te Ao, United Nations

Hiria, Syria

Repanoana, Lebanon

Arapika, Arabic

 

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. “It doesn’t have to be boring”: Chlöe Swarbrick vs. status quo
  2. Work
  3. Editorial—Issue 22, 2016
  4. I, Daniel Blake and the Welfare State
  5. Young Voters: Waking the Sleeping Giants
  6. The Sky Is Falling
  7. Tell us about Talis
  8. Vic group launch their Reclaim-munist Manifesto
  9. Bye Bye Little Karori (in two years time)
  10. Students seize opportunity to rant at Grant
i-daniel-blake

Editor's Pick

I, Daniel Blake and the Welfare State

: Recently at the NZIFF I was fortunate enough to see Ken Loach’s I, Daniel Blake, this year’s winner of the Palme d’Or at Cannes. By the end of the film nearly everybody seemed to be in mourning and most of the people seated around me were sniffling and wiping their eyes. I,

Viewport width =