Viewport width =
July 10, 2016 | by  | in Opinion |
Share on FacebookShare on Google+Pin on PinterestTweet about this on Twitter

Ngāi Tauira Tumuaki Takirua

Ko Matariki tērā te huinga whetu i te pae e tohu nei, he tau hou Māori.  Ka mihia a muri, ā, ko mua ka karangahia. Ko Matariki anō hoki tērā e tohu ana i te wā mo ngā kaupapa whakahirahira takirua i tēnei whare wānanga o tātou.  Ko te tuatahi ko te Wiki ka whakanuia te Reo Māori e te motu whānui. Ko te tuarua ko te whakarewa i Te Ao Mārama.  No reira tēnā tatou i ngā kaupapa huhua o te wa.

“Te Reo me ōna katoa.”

Katahi te kaupapa rangatira ko tēnei.  Inā anō hoki te nui o ngā kōrero, whakatauki rongonui mo te hiranga o tō tātou reo, “ko te reo te mauri o te mana maori” koia tētahi.  Ko tētahi atu, “tōku reo, tōku ohooho. Tōku reo, tōku māpihi maurea. Tōku reo, tōku whakakaimārihi.”  Koia kei ngā whakatauki nei mo te whakatinana i te iti te kupu, nui te kōrero.

Tautoko marika ana a Ngai Tauira i te reo me ōna katoa, ā, kua whakaterea e mātou te nui o ngā rautaki ki te hāpai ake, ki te whakanui, ki te whakarangatira i tō tātou reo.  Heoi, kei reira anō hoki te māramatanga, he moana mutunga kore te whawhai me te hāpai i te reo.  E kore rawa e whakamatua te hoenga o te waka.

Mai i te wiki tuatahi o te tau, ko te reo Māori i rāngona i te marae i a mātou e pōhiri ana ki ngā waewae tapu ki te whare wananga nei.  Ko te whainga kia rongo a ihu hupe, te hunga pūhou i te wairua o te reo me ōna katoa e haruru nei i Wikitōria.

Ko kapa haka anō he hoe hāpai ake i te waka reo o Ngai Tauira.  Ahakoa te kaupapa, ahakoa te nui te iti rānei o te ope, ko waiata, ko haka tērā ka kawea ki ngā kaupapa katoa i whai pānga ki a mātou.  Mai i ngā tini tangihanga, ki ngā hui whakangāhau ko te reo Māori, ko ōna katoa ka kitea.

Kua whakawāteahia anō hoki te haora kotahi haora i ia rā hei wā rūmaki i ngā ruma o Ngai Tauira ki 42 KP.  I ētahi wā, nā te whakamā, ka ngū te whare, ka rāngona rānei ko te whakawhitiwhitinga o te reo Māori me te reo Pākeha.  Heoi, ahakoa nui, ahakoa iti, kei reira whainga.

Tae rawa ki tēnei wiki, kua roa te Komiti Whakahaere e āta whakariterite ana i ngā nekenekehanga, ngā mahi whakakoakoa mo te Wiki o te Reo Māori ki Wikitōria. Hei āpiti atu ki ngā kaupapa kua whakaterea e te motu whānui mo Te Wiki nei, nā Ngai Tauira te whakatau kia whakanuia te reo e mātou, e te whare wānanga i te wiki nei kia rongo ngā tauira i te reo rangatira nei i ngā kokona katoa o tēnei wānanga.

Kei reira te whainga, heoi, me kotahi tonu te waihoe o te waka, kia rere ki uta, kia rere ki tai kia rāngona ngā ātanga o te reo me ōna katoa e tātou katoa.

 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge